यसैया 45:10 - लिम्बु10 अक्खे के़बाःप्पे़ङ्ग चिःत्ते़स्ये़रो, खे़ल्ले़ कुम्बा मे़त्तुरो, ‘खे़ने़ॽ हात् सागे़वाःन्दुबे?’ इग्र कुम्मा मे़त्तु, ‘खे़ने़ॽ थे सागे़गत्तुबे?’ Gade chapit la |
यसैया 45:10
5 Referans Kwoze
मुक्साम्दाङ्बा यहवे दाङ्बे़ल्ले़ निङ्वाॽफुसाम्बाहाॽ अक्खे मे़त्तुसिॽ, “लत्छा ये़म्बित्छासाःल्ले़ कुम्बा इङ्धाङ् पिरुॽ, हे़क्क्याङ् से़वारोबे़ल्ले़ कुन्दाङ्बे़न् इङ्धाङ् पिरुॽ॥ आङ्गाॽ खे़निॽ पानुदिङ् पाआ, खे़निॽ आङ्गाॽ थेआङ् याप्मि इङ्धाङ् के़म्बिरिम्बाबे? आङ्गाॽ खे़निॽ दाङ्बाआ, खे़निॽ आङ्गाॽ थेआङ् याप्मि कुनागे़न्छाॽरिम्बाबे? “खे़निॽ आङ्गाॽ आमिङ्ङिन् कुनामे़न्छाॽ के़मे़त्तुम् हे़क्क्याङ् आल्लसाङ् आङ्गाॽ याप्मि से़ःन्गे़दोसिॽ, ‘आक्खेलॽरिक् आनिगे खे़ने़ॽ के़मिङ्ङिन् नामे़न्छाॽ मे़त्तुम्बे़आङ् वयिगे़बे?’
“आबाङे कुनावागे़न् चइःत् के़जोःक्पे़न्नु खे़माॽ के़जोःक्पे़ङ्ग चिःत्ते़स्ये़रो, खे़ङ्ग खाम्बाङ्ङो के़ने़बा फुजिक् खे़ल्ले़क्हाॽओ लत्छा कुघे़खे़ल्ले़क् रक्लो॥ सॽमनाबा खाम्मिल्ले़ कोम्भाल्यान् ‘खे़ने़ॽ थे़मा के़जोगुर के़बत्?’ फाॽआङ् सेःन्दोसुबि? फुजिक्किल्ले़ आङ्गाॽ के़जोःक्पे़ल्ले़ कुहुक्चो फे़ॽ फाॽआङ् पाःत्तुबि?
“इस्राइलबा सेसेबा निङ्वाॽफुमाङ्, खे़ङ्हाॽ नावागे़न् चइःत् के़जोःक्पा निङ्वाॽफुमाङ्, यहवे दाङ्बे़ल्ले़ अक्खे पाःत्तुरो— ‘खे़ने़ॽ ताःन्दि पोङ्मा के़इःप्पा पाःन्निल्ले़ कुयाःम्बेॽओ सेःन्गे़दोआबि? आङ्गाॽ आस्साहाॽ नु आहुक्किल्ले़ चोगुबा आयाःम्बक्किल्ले़ कुयाःम्बेओ मुरा के़मे़त्ताबाबि? खे़न् सेःन्लाप्मा के़युक् होप्लो!
Piblisite