आङ्गाॽ कोरेसरे़ कुयाःम्बेओ पाःत्तुङ्लो, ‘खे़न् आङ्गाॽ आमे़ल्लुक् के़गम्बारो’ हे़क्क्याङ् खे़ल्ले़ आङ्गाॽ चोःक्मा इःत्तुङ्बा के़रे़क् के़त्तु पिआरो॥ यरुसले़म ये़क्यक्किल्ले़ कुयाःम्बेओ खे़ल्ले़ अक्खे पाःत्तुरो, ‘खे़न् याम्मो मे़जोगुररो,’ खे़ब्याङ् माङ्हिम्मे़ल्ले़ कुयाःम्बेओग, ‘कल्ले़ कुयुक्ना पाङ्यक्किन् मे़युक्खुररो॥’”
यसैया 45:1 - लिम्बु1 यहवे दाङ्बे़ल्ले़ कोरेसे़न् हाङ् पोङ्मारे़ लागि माङ्थोःक्ना चोगुआङ् वाॽरो॥ खुने़ॽ खे़न् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासिरे़ लागि युक्तिङ् चोगुआङ् वाॽरो॥ खुने़ॽ खे़न् हाङ्हाॽरे़ खुन्छिॽ हुक्कोलाम् युक् नाप्मासिरे़ लागि पाङ्घुरो, यहवे दाङ्बे़ल्ले़ खे़ल्ले़ कुलागि ये़क्यक् पाङ्जुम्बा मालाम्धेःत्हाॽ मे़सुबुन्लो॥ यहवे दाङ्बे़ल्ले़ कोरेसे़न् अक्खे मे़त्तुरो— Gade chapit la |
यसैया 45:1
31 Referans Kwoze
“आङ्गाॽ, यहवे दाङ्बे़ल्ले़ आसाम्योबा आयाःम्बक् कुइसिक् खे़निॽ उःत्निङ्ङाङ् वाॽरो॥ आङ्गाॽ खे़ने़ॽ के़हुक्किन् ते़म्सुङ्, हे़क्क्याङ् से़ःप्ने़रो, खे़ने़ॽए इक्सादिङ् खाम्बेःक्कोबा मे़न्छाम् सुवाङ्हाॽरे़ लागि माङ्हे़क् चोःक्ने़रो खम्ब्याङ् थिम्मे़न्दङ् सुवाङ्हाॽरे़ खुनिॽ लागि ओःत्ति चोःक्ने़रो॥
“खे़ब्याङ् आङ्गाॽ आदगिबा निसिगेक्पा ताम्भुङ् थक्सान् माःॽयु हे़क्तङ्बा निदे़त्ते़॥ खे़ल्ले़ कुधक्किन् थिक् ले़प्माङ्लाम् थाःङ् मे़भोःक्खु, हे़क्क्याङ् खे़ल्ले़ कुम्ब्राओबा कुहाबोॽबाहाॽओ सुम्सि साबिम्बाहाॽ पत्छे़॥ खे़न् अक्तङ्बा इङ्जाङ् मे़बिरु—‘पोगे़ॽ, हे़क्क्याङ् के़सुक्सुक् सा च्ये़ॽ!’
आङ्गाॽ यहवे दाङ्बे़ल्ले़ कन् याःम्बक्किन् चोःक्मारे़ लागि सुत्थो चोःक्मनासिबा थक्सुबाहाॽ मुरा मे़त्तुङ्सिङ्ङाङ् वाॽरो॥ आङ्गाॽ आसाक्के़न् ओःन्धाक्ताम्सिम्मे़ॽ फाॽआङ् थङ् के़जोःक्पा आधक्सुबाहाॽ इङ्जाङ् पिरुङ्सिङ्ङाङ् वाॽरो॥ हे़क्क्याङ् आङ्गाॽ थङ् चोःक्मा नाःन्दुङ्ङिल्ले़ खे़ङ्हाॽ मे़सःत्लो॥”
“निङ्वाॽफुमाङ्ङिल्ले़ कुसाम्योनिमो कुसे़वा याःम्बक् चोःक्मारे़ लागि हात् उःत्तुआङ् वाॽबे? तॽइ नाङ्गे़न् पिसाङ्नु हाङ्ङिन् हाःत्ले़ कुसिक्समे़र याःन्दुआङ् वाॽबे? खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ कुयुक्को मे़दार याःन्दुसिरो, हे़क्क्याङ् हाङ्हाॽ खे़ल्ले़ कुबेसाङ् कुयुक्को तारुसिरो॥ खुने़ॽ खे़ङ्हाॽ कुदाभेःल्ले़ खाम्पु थ्यःङ् चोगुसिरो, हे़क्क्याङ् कुलिःल्ले़ सुरिःत्तिल्ले़ फे़सुबा याॽसिप् हे़क्के चोगुसिरो॥
“फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥
खे़ब्याङ् यहुदाबा मनाहाॽ अक्खे मे़त्ते़से़ॽ, ‘मुक्साम्दाङ्बा यहवे दाङ्बा इस्राइलिहाॽरे़ खुन्छिॽ निङ्वाॽफुमाङ्ङिल्ले़ अक्खे पाःत्तुॽ—आङ्गाॽ आसे़वारोबा बेबिलोनबा हाङ् नबुकदनेसरे़न् कन् मिस्र लाजेॽओ से़क्खाए तारुङ्ॽ॥ आङ्गाॽ चिक्खुङ्ङाङ् के़ने़बा कन् लुङ्हाॽ सम्धाङ् खुने़ॽ कुहाङ्युक्नान् युक्खुङ्ॽ॥ खुने़ॽ खे़ल्ले़ कुसम्धाङ् कुहाङ् नाम्धेःक्मान् खिङ्घुॽ॥
खे़ल्ले़ मुक्कुम्बा कुधक्सुबाहाॽ याम्मो थङ् मे़न्जोःक्ने़न्लो॥ खे़ङ्हाॽ थक्सुबा यक्हाॽओ मे़युङ् मे़गन्लो, खे़ङ्हाॽरे़ खुन्छिॽ आःन्छिङ्मान् मये़बेरो॥ खे़ङ्हाॽ मे़न्छुमा हे़क्तङ्मा मे़बोःक्खे़आङ् मे़वाॽरो॥ लाजेॽ के़लिबाहाॽरे़ हिम्हाॽ मिमे़धिक्खुआङ् ने़रो हे़क्क्याङ् ये़क्यक्कोबा पयम् लाम्धेःप्पाहाॽ मे़लुःन्दुरो॥
मुक्साम्दाङ्बा यहवे दाङ्बे़ल्ले़ अक्खे पाःत्तुरो, “बेबिलोनबा के़धुङ्बा लुङ्धाक्हाॽ खाम्बाङ्ङो कुदङ्बा ने़ने़ मे़दङ्घुरो, हे़क्क्याङ् खे़ल्ले़ आत्तातान्ने यम्बा कुलाम्धेःप्पाहाॽ मिमे़धिक्खुरो॥ यरिक् लाजेॽहाॽलाम् हिम् के़जोःक्पाहाॽरे़ मे़जोगुबा खुन्छिॽ याःम्बक्किन् हने़रक् पोङ्लो, थेआङ्भे़ल्ले़ खे़ङ्हाॽरे़ खुन्छिॽ याःम्बक्किन् मिःल्ले़ खाप्पुथ्यःङ् चोगुरो!”
खे़न् थुःम्बाःल्ले़ नाम्धा नु थाङ्गे़त् हे़क्क्याङ् लाङ्गे़त् पिसाङ् थोःक्खुर यागे़बा आङ्गाॽ ओमे़त्तुङ्॥ खे़ल्ले़ कुदक्ले़ङ्वाओ हाःत्ताङ् ये़प्मा मे़सुक्ते़न् हे़क्क्याङ् खे़ल्ले़ कुमुक्साम्लाम् आत्तिन्नाङ् से़ःप्सिङ्मा मे़सुक्ते़न्॥ खे़ल्ले़ थे चोःक्मा निङ्वाॽ इःत्तु, हाबा खे़न्ने चोगुआङ् पयम् यम्बा पोःक्खे़॥
Piblisite