यहवे दाङ्बे़ल्ले़ पाःत्तुरो, “इस्राइलबा मनासे, खे़निॽग आङ्गाॽ आदोःन्दिनिङ्लो सेःक्निङ्बा आसे़वारोबानिङ्लो, खे़ल्ले़चोगुल्ले़ खे़निॽ आङ्गाॽ कुसिङ् याप्मि के़निःत्तिरो हे़क्क्याङ् नसान् याप्मि के़जोगिरो, खे़म्ब्याङ् खे़ङ्ग आङ्गाॽएरो फाॽआङ् कुसिङ् के़निःत्तुम्लो॥ आङ्गाॽनुःल्ले़ तगि हाःत्ताङ् माङ् मे़म्बोङ्ङे वये़रो, हे़क्क्याङ् ताःन्दिआङ् हाःत्ताङ् माङ् मे़बोङ्ने़ल्लो॥
यसैया 44:8 - लिम्बु8 खे़निॽ मे़गिसे़म्मिन्ने़ॽ, मे़यक्खे़म्मिन्ने़ॽआङ्लो, थे कन् यरिक् ये़म् तगिए खे़निॽ मे़त्निङ्ङाङ् मे़वये़म्बि? खे़निॽग आङ्गाॽ आदोःन्दिनिङ्लो॥ थे आङ्गाॽनुःल्ले़ वेॽ निङ्वाॽफुमाङ् वाॽबि? आहाॽ, आङ्गाॽ मे़निसुङ्ङिम्बा वेॽ याक्पेॽ होप्लो॥” Gade chapit la |
यसैया 44:8
55 Referans Kwoze
आल्ल ओमे़त्ते़म्मे़ॽ, आङ्गाॽग खुने़ॽएआरो, आङ्गाॽनुःल्ले़ वेॽ हाःत्ताङ् माङ् होप्लो॥ आङ्गाॽए से़रुङ्सिङ्लो, हे़क्क्याङ् आङ्गाॽए कुहिङ्वे़त् चोगुङ्सिङ्लो॥ आङ्गाॽए खाःन्दुङ्सिङ्लो, खम्भ्याङ् आङ्गाॽए वेःन्दुङ्सिङ्लो, हे़क्क्याङ् आङ्गाॽ आहुक्कोलाम् हाःत्ले़आङ् से़म्मा मे़सुक्तुसिन्लो॥
आङ्गाॽ आनिङ्वाॽफुमाङ्ङिल्ले़ कुमाङ्लाइङ्बान् पाङ्घुयुसु, हे़क्क्याङ् खे़ल्ले़ खिरिङ्बाहाॽरे़ खुन्छिॽ मुरान् हुॽरु पिरुसि॥ खे़ङ्हाॽरे़ आङ्गाॽ चबे़ःत्छिक्काङ् मे़घाःन्दाङ्बा होप्, थेआङ्भे़ल्ले़ खुने़ॽ कुनिमो आङ्गाॽ कुदोःप्मा चोगाङ्॥ पयम् हाङ्ङे, आदाङ्बारे़ के़दगिआङ् आङ्गाॽ थेआङ् फे़त्लाःन्दुङ्बा होप्॥”
मनाहाॽलाम् आदाङ्बा के़म्लत् के़म्दे, हे़क्क्याङ् ताम्भुङ् थक्साहाॽनु के़वाॽ के़युङ्, पित्थक्साहाॽ कुइसिक् याःन्सुङ्हाॽ के़जरो, हे़क्क्याङ् ताङ्साङ्बोबा सेःक्वाःल्ले़ आदाङ्बा वागे़रक्॥ मनाहाॽरे़ खुन्छिॽ हाङ्जुम्मो के़रे़क्नुःल्ले़ यम्बा निङ्वाॽफुमाङ्ङिल्ले़ए काक् युक् कत्तुॽ हे़क्क्याङ् खुने़ॽ कुसिराॽ के़धाङ्बे़न् आत्तिन्छाङ् खे़न् हाङ्जुम्हाॽ पिरुॽ फाॽआङ् आदाङ्बारे़ निङ्वाॽ के़ङ्घोसुन्ल थारिक् आदाङ्बारे़ के़लागि कुगप् नुसि ये़म् ले़क्पेक्॥
कर साङ्ग्राम्पेदाङ्ङो निङ्वाॽफुमाङ् वाॽ, खुने़ॽ सिबिॽबा पाःन्हाॽ ओसेःन्धाङ् चोगुॽ॥ खुने़ॽ के़दाबा ये़म्मो के़बोङ्बा पाःन्हाॽ पयम् हाङ् नबुकदनेसरे़न् ओसेःन्धाक्तुआङ् वाॽ॥ आदाङ्बा ने़त्नाओ के़सोःन्छिङ्ङाङ् के़ने़स्से़ल्ले़ आदाङ्बारे़ के़निङ्वाॽओ के़माक्तुबा से़प्माङ्ङिन् नु के़निसुबा सुफोहाॽ हाबा कन्हाॽएरो—
कल्ले़चोगुल्ले़ कन् पाःन्हाॽ आङ्गाॽ तगिए खे़ने़ॽ मे़त्ने़बारो, कन्हाॽ पोङ्मानुःल्ले़ तगिए आङ्गाॽ खे़ने़ॽ चे़क्ने़रो॥ हे़क्केलॽरिक् खे़ने़ॽ कम्भ पाःप्मा के़ङ्घोसुल्लरो, ‘आङ्गाॽ आनावाइत्लाहाॽरे़ कन् मे़जोगुबारो, आङ्गाॽ आसिङ् चइःत्तिल्ले़ नु साम्म्याङ् युप्पा माङ्ङिल्ले़ कन्हाॽ इङ्जाङ् चोगुबारो॥’
लाम्दिःक्को निङ्मिहाॽलाम्बा आनिगे ताङ्से़ःप्सिङ्मारे़ लागि पयम् हाङ्ङिन् अन्गे़युक्पा थक्सुबा तुरा नाःक्मा आङ्गाॽ नुःन्दाङ् थेआङ्भे़ल्ले़ आनिगे निङ्वाॽफुमाङ्ङिल्ले़ खुने़ॽओ निङ्वाॽ के़युङ्बाहाॽ के़रे़क् मुॽइसाम् पिरुसिॽ हे़क्क्याङ् खुने़ॽ के़नाॽबाहाॽनु कुनिङ्वाॽ मे़दाने़न्नाङ् खुम्दिङ् पिरुसिॽ हाङ्ङिन् मे़त्तुङ्ङाङ् वयाङ्॥
“फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥
खे़ल्ले़चोगुल्ले़ नसानिबा हिङ्मन्ले़ कुयाःम्बेओ कम्म्याक् यरिक् तोःन्दिहाॽरे़ खुनिॽ लुम्मो आवाॽबाल्ले़ चोगुल्ले़ याप्मि के़हम्बा पाःन्हाॽ नु के़रे़क् परिक्ले़न् याप्मि के़घबा लायोहाॽ लाप्फुसुम्लो, हे़क्क्याङ् निङ्वाॽफुमाङ्ङिल्ले़ ने़स्सु आबिरे़बा लोःक्लोःक्के चाःत्तो नासि थःत्तुम्ल लोःक्तिरो॥
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
ये़सुरे़ कुहुॽसाम्बाहाॽ अक्खेलॽरिक् मुरा मे़त्तुसि, “के़रे़क् मनाहाॽ युङ् पाङ्घे़म्सिम्मे़ॽओ॥” हे़क्क्याङ् खे़ङ्हाॽ यरिक् यान् के़युङ्बा ने़ने़बा ते़न्नो युङ्मे़बाङ्घुसि॥ हे़क्क्याङ् खे़प्मो मे़न्छुमाॽ हिन्जाॽबित्छाहाॽ मे़न्निःत्छिङ्ङे ये़म्बित्छाॽहाॽरक् हे़न्छिङ् ङासि (५,०००) यारिक् मे़वये़रो॥
इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो,
के़रे़क् मे़न्छाम् सुवाङ्हाॽ मे़भुङ्सिलरो, हे़क्क्याङ् मनाहाॽ मे़जुम्लरो॥ खुन्छिॽ आत्तिन् नावाइत्लाःल्ले़ कन् पाःन्हाॽ आनिॽ आमे़त्ते़बे, खे़ब्याङ् तगिबा पाःन्हाॽ उवा आजोगुम्बे? खे़ङ्हाॽ से़क्खाबा निमासिरे़ लागि आबाङे आबाङे के़निबा तोःन्दि मे़दारुसिररो, खे़म्ब्याङ् वेॽहाॽरे़ मे़घे़प्सुआङ् मे़बाःत्तुर, “कन् पाःन्निङ्ग से़क्खारो॥”
Piblisite