यसैया 44:6 - लिम्बु6 “इस्राइलबा पयम् यम्बा हाङ् से़न्लप्दाङ्बा हे़क्क्याङ् मुक्साम्दाङ्बा यहवे दाङ्बे़ल्ले़ अक्के पाःत्तुरो— आङ्गाॽ तगिबा नु एगाङ्बा लत्छारक् निङ्वाॽफुमाङ्आरो, आङ्गाॽनुःल्ले़ वेॽ निङ्वाॽफुमाङ् हाःत्ताङ् होप्लो॥ Gade chapit la |
आल्ल ओमे़त्ते़म्मे़ॽ, आङ्गाॽग खुने़ॽएआरो, आङ्गाॽनुःल्ले़ वेॽ हाःत्ताङ् माङ् होप्लो॥ आङ्गाॽए से़रुङ्सिङ्लो, हे़क्क्याङ् आङ्गाॽए कुहिङ्वे़त् चोगुङ्सिङ्लो॥ आङ्गाॽए खाःन्दुङ्सिङ्लो, खम्भ्याङ् आङ्गाॽए वेःन्दुङ्सिङ्लो, हे़क्क्याङ् आङ्गाॽ आहुक्कोलाम् हाःत्ले़आङ् से़म्मा मे़सुक्तुसिन्लो॥
“मुक्साम्दाङ्बा यहवे दाङ्बाए, इस्राइलबा निङ्वाॽफुमाङ्ङे, कुलाप् के़बप्पा माङ्लाइङ्बा करुबहाॽरे़ कुलुम्मो हाङ्युक् के़जोःक्पाआङ् के़युङ्बाए, इक्सादिङ् खाम्बेःक्मोबा के़रे़क् खाम्घु लाजेॽहाॽओ निङ्वाॽफुमाङ्ग खे़ने़ॽरक् के़वाॽरो॥ साङ्ग्राम्पेदाङ् नु इक्सादिङ् खाम्बेःक्मान् खे़ने़ॽए नावागे़न् चइःत् के़जोगुबारो॥
“कर अक्खेलॽरिक् इङ्ले़क् के़जोक्पे़न् साङ्ग्रा माङ्दे थार, खे़न् मनाःल्ले़ आबाङे कुधक्सा लुप्पोबा ताःक्मा सुक्के़दे़प्पा कुम्बाबा थक्सान् तोःम्मारे़ लागि माङ्हुप् चोगुॽ, कर के़गाःम्बा थक्सान् यहवे दाङ्बाओ तोःन्दुॽ॥ थेआङ्भे़ल्ले़ आङ्गाॽ पयम् यम्बा हाङ्आ, हे़क्क्याङ् के़रे़क् मे़न्छाम् सुवाङ्हाॽ आङ्गाॽनु मे़गिआङ् मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
के़रे़क् मे़न्छाम् सुवाङ्हाॽ मे़भुङ्सिलरो, हे़क्क्याङ् मनाहाॽ मे़जुम्लरो॥ खुन्छिॽ आत्तिन् नावाइत्लाःल्ले़ कन् पाःन्हाॽ आनिॽ आमे़त्ते़बे, खे़ब्याङ् तगिबा पाःन्हाॽ उवा आजोगुम्बे? खे़ङ्हाॽ से़क्खाबा निमासिरे़ लागि आबाङे आबाङे के़निबा तोःन्दि मे़दारुसिररो, खे़म्ब्याङ् वेॽहाॽरे़ मे़घे़प्सुआङ् मे़बाःत्तुर, “कन् पाःन्निङ्ग से़क्खारो॥”