यसैया 44:24 - लिम्बु24 खे़ने़ॽ के़धे़ॽबा, साप्पोःक्को खे़ने़ॽ के़जोःक्पा यहवे दाङ्बे़ल्ले़ अक्खे पाःत्तुरो— “आङ्गाॽ यहवे दाङ्बाआ, आङ्गाॽ के़रे़क् पाःन्हाॽ चोगुङ्बारो, आङ्गाॽए ताङ्साङ्बान् खिङ्सुङ्बारो, आङ्गाॽ आबाङे इक्सादिङ् खाम्बेःक्मान् फे़सुङ्बारो॥ Gade chapit la |
यसैया 44:24
44 Referans Kwoze
निङ्वाॽफुमाङ् यहवे दाङ्बे़ल्ले़ अक्खे पाःत्तुरो— ताङ्साङ्बे़न् के़जोःक्पाआङ् खे़न् के़घिङ्बे़न्, हे़क्क्याङ् इक्सादिङ् खाम्बेक् नु खे़प्मोलाम् के़लःम्बा के़रे़क् मे़बोःन्ल मे़धे़ॽर के़याःम्बा, खे़ब्याङ् खे़प्मो के़वाॽबा मनाहाॽ साःङ्गु सक्मा के़बिबा खे़म्ब्याङ् खे़ॽयो लाङ्गे़घेःक्पाहाॽ याम्साम् के़बिबा—
थेआङ्भे़ल्ले़ यहवे दाङ्बे़ल्ले़ साङ्ग्राम्पेदाङ्ङिन् चोगुरो, खुने़ॽए निङ्वाॽफुमाङ्लो! खुने़ॽ इक्सादिङ् खाम्बेःक्मान् नावागे़न् चइःत् ने़स्सुआङ् चोगुरो, खुने़ॽ खे़न् सदादिङ् के़बप्पा नु आभे़ल्ले़साङ् के़वाॽबा चोगुरो॥ खुने़ॽ इक्सादिङ् खाम्बेःक्मान् मुरे़क् खारे़क्पा थेआङ् के़होप्पा मेःन्लो कर मे़न्छाम् याप्मिरे़ युङ्मा वाॽमादे़न् चोगुरो॥ खुने़ॽ आबाङेए अक्के पाःत्तुरो— “यहवे दाङ्बा आङ्गाॽएरो वेॽ हाःत्ताङ् निङ्वाॽफुमाङ् होप्लो॥
खिनिॽ नावागे़न् चइःत् के़जोःक्पा ताङ्साङ्बे़न् के़जोःक्पाआङ् खे़न् के़घिङ्बा नु इक्सादिङ् खाम्बेःक्मे़ल्ले़ कुबुङ् के़युङ्बा, यहवे दाङ्बे़न् खिनिॽ निङ्वाॽ के़भेःत्छुम्बि? खिनिॽ मे़ङ्मा के़इःप्पाहाॽ नु खिनिॽ तुक्खे के़जाःप्पाहाॽरे़ खुन्छिॽ सिक्पोःक्माल्ले़ चोगुल्ले़ चक्मे़ल्लॽए खिनिॽ के़गिसिआङ् के़वयिबाबि? खे़ङ्हाॽरे़ खुन्छिॽ सिक्पोःक्माल्ले़ खिनिॽ सुमा के़न्छुक्तिन्लो॥
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
इस्राइलबा सेसेबा निङ्वाॽफुमाङ्, खे़निॽ ताङ्गे़से़ःप्पा यहवे दाङ्बे़ल्ले़ अक्के पाःत्तुरो, “खे़निॽ ताङ्से़ःप्मारे़ लागि बेबिलोन ये़क्यक्किल्ले़ कुदक्ले़ङ्वाओ थक्सुबाहाॽ पाङ्घुङ्सिङ्लो, आङ्गाॽ खे़न् साॽरिक् आङ्दिङ् के़लॽबा बेबिलोनिहाॽ वालाधाहाॽओ मे़घे़त्छिङ्ल याःन्दुङ्सिङ्लो हे़क्क्याङ् खे़ॽयोबा मनाहाॽ मे़हाःप् मे़जिःङ्लो॥
खुने़ॽ इक्सादिङ् खाम्बेःक्माल्ले़ कुघिरिनुःल्ले़ थाःङ्धाक् हाङ्युक् चोःक्काङ् युङ्लो, हे़क्क्याङ् इक्सादिङ् खाम्बेःक्मोबा मे़न्छाम् सुवाङ्हाॽग फेॽबात् हे़क्के मे़लॽरो॥ खुने़ॽ ताङ्साङ्बे़न् पःत्थाङ् कुइसिक् खिङ्घुरो, खे़ब्याङ् खे़ॽयो याङ्धोःक्मारे़ लागि खे़न् साःङ्गा हे़क्के फोसुरो॥
कर निङ्वाॽफुमाङ्ङिल्ले़ इङ्गाॽ सामे़न्वाःन्छिङ्ङेआङ्धोए लुङ्माॽ तुक्ताङ्, हे़क्क्याङ् सेगाङ्ङाङ् से़वा चोःक्से़ उःत्ताङ्लो॥ निङ्वाॽफुमाङ्ङिल्ले़ इङ्गाॽ थिम्मे़न्दङ् सुवाङ्हाॽ ये़सुरे़ कुयाःम्बेओ सुनाइङ् इङ्भोसुङ्सिङ्ल फाॽआङ् आबुगे़न् कुस्सान् ओःन्धाक्मा कुसिराॽ थाङे़॥ खे़न् ये़म्मो इङ्गाॽ आत्तिन् मनाहाॽआङ् सुजा मे़नाःक्तुङ्सिङ्ङिन्,
हाङ्माल्ले़ कुनु के़धुङ्बा अङे़ःक्वा हे़क्केए मुक्साम्साबा हाङ्हाॽ नु मुक्के़गुबा मे़न्छाम् सुवाङ्हाॽरे़ खे़ने़ॽ चाहा के़जोःक्पा पाःन्हाॽओ के़निङ्वाॽ के़म्दा के़म्बिरो॥ आङ्गाॽ, यहवे दाङ्बा, के़से़न्लप्दाङ्बा, खे़ब्याङ् खे़ने़ॽ के़धे़ॽबा, हे़क्क्याङ् इस्राइलबा मुक्साम्दाङ्बाआ फाॽआङ् खे़ने़ॽ कुसिङ्गे़निःत्तुरो॥
खे़निॽ तुक्खे के़जाःप्पाहाॽ आङ्गाॽ खुन्छिॽ आबाङे ने़क्सान् चामा पाङ्घुङ्सिङ्लो॥ चे़ल्ले़क्सेॽ थिःल्ले़ मयुसिबा हे़क्के खे़ङ्हाॽ आबाङे खुन्छिॽ माक्खिल्ले़ मयुसिरो॥ हे़क्केलॽरिक् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ आङ्गाॽए खे़ने़ॽ के़यहवे दाङ्बा के़से़न्लप्दाङ्बाआ, के़मे़ल्लुङ् के़हुङ्बाआङ् के़धे़ॽबा याकुबरे़ कुमुक्साम्दाङ्बा कुनिङ्वाॽफुमाङ्आ फाॽआङ् निङ्वाॽ मे़घोसुरो॥”
युक्साबाहाॽरे़ खुन्छिॽ से़वारोबा, सुवाङ्हाॽरे़ साॽरिक् कुनामे़न्छाॽरुम्बा नु मे़जिःत्तुबान्, यहवे दाङ्बा, के़धे़ॽबा नु इस्राइलबा निङ्वाॽफुमाङ्ङिल्ले़ खे़न् मे़त्तुरो, “हाङ्हाॽरे़ खे़ने़ॽ के़म्नि हे़क्क्याङ् मे़बोःक्काङ् मे़ये़प्लो॥ हाङ्साहाॽरे़ खे़ने़ॽ के़म्निरो खे़ब्याङ् के़दगि साम्बोन् हबत् मे़भन्छिङ्लो॥ थेआङ्भे़ल्ले़ नसाःन्साबा यहवे दाङ्बा, इस्राइलबा सेसे निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो॥”
Piblisite