यसैया 44:22 - लिम्बु22 आङ्गाॽ खे़ने़ॽ ताप्फे़ःम्बा के़याःम्बक्हाॽ खाॽमित् हे़क्के हे़क्क्याङ् खे़ने़ॽ के़लायोहाॽ तानाम्बा तुङ्हिःक् हे़क्के खे़त्तुङ्देसुङ् पिने़रो नुःक्खे़ॽआङ् त्ये़ॽओ थेआङ्भे़ल्ले़ आङ्गाॽ खे़ने़ॽ के़मे़ल्लुङ् हुङुङ्ङाङ् थे़ॽने़आङ् वाॽरो॥” Gade chapit la |
यसैया 44:22
39 Referans Kwoze
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
कर यहवे दाङ्बाए, आङ्गाॽ से़प्मारे़ लागि खे़ङ्हाॽरे़ चे़म्भन् मे़जोगुरो खे़न् के़रे़क् खे़ने़ॽ के़दगि नुरिक्काङ् थाबे़आङ् वाॽरो॥ खे़ङ्हाॽरे़ खुन्छिॽ कुॽइभे़म्मान् ले़प्मि मे़बिरे़से़न्ने़ॽओ हे़क्क्याङ् खे़ङ्हाॽरे़ खुन्छिॽ लायोन् मे़घे़त्ते़न् मे़बिरे़से़न्ने़ॽओ॥ खे़ङ्हाॽ हारिमे़दार याःन्दे़से़ॽआङ् सोःन्दे़से़ॽओ हे़क्क्याङ् खे़ने़ॽ के़साक्के़न् पोःक्पा हे़क्केए खे़ङ्हाॽरे़ खोमा मे़यारुबा खुम्दिङ् पिरे़से़ॽओ॥”
आदाङ्बारे़ के़से़वारोबा नु आदाङ्बारे़ इस्राइलबा के़मनाहाॽरे़ कन् ते़न् ले़प्माङ् मे़हिसिङ्ङाङ् तुवा मे़जोगुल्ले़ खे़ङ्हाॽरे़ खुन्छिॽ चुङ्जिगे़न् नःम्नःम्बा पेलिन् खे़प्से़ॽओ॥ के़युक्नादे़न् साङ्ग्राम्पेदाङ्लाम् खे़प्से़ॽओ, हे़क्क्याङ् आल्ल आदाङ्बारे़ के़घे़प्सुल्ले़ ले़प्मि पिरे़से़ॽओ॥
खे़ब्याङ् खे़न् माङ्लाइङ्बे़ल्ले़ खुने़ॽ कुदगि के़ये़प्पाहाॽ मे़त्तुसि, “कन् मनाःल्ले़ मक्वा इसेःङ्बा कुजाङ्ङिन् फे़न्दे़म् पिरे़म्मे़ॽ॥” खम्भ्याङ् खे़ल्ले़ यहोसुन् मे़त्तु, “ओमे़त्ते़ॽ, आङ्गाॽ खे़ने़ॽ के़लायोन् खे़त्तुङ् पिने़आङ् वाॽ हे़क्क्याङ् आङ्गाॽ खे़ने़ॽ इमे़ल्लुङ्बा चाङ्हाॽ चाक्ने़आङ् वाॽ॥”
Piblisite