यसैया 44:19 - लिम्बु19 हाःत्ताङ् युङ्ङाङ् निङ्वाॽ मे़इःत्छिङ्ङे़न्लो, कम्भे पाःप्मारे़ लागि आत्तिल्ले़आङ् सिक्कुम् निङ्वाॽ मे़गत्तुन्लो, इग्र खासिङ् मे़निःत्ने़न्लो, “आङ्गाॽ खे़ल्ले़ कुभ्रे़ःङ् सिङ् हाःन्दुङ्लो॥ हाबा खे़न् सिङ्ङिल्ले़ खरे़ःङ् ले़ःक्खुङ्लो, आङ्गाॽ सा नयुङ्ङाङ् चाङ्लो॥ थे आल्ल खे़न् के़नम्बा सिङ्ङिन् याम्गे़सिङ्बा सामा चोगुङ्बाबि? थे आङ्गाॽ सिङ्मुःत्ते़ल्ले़ कुदगाङ् साम्बोन् हबत् पप्मा पोङ्बाबि?” Gade chapit la |
यसैया 44:19
16 Referans Kwoze
खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, खे़ने़ॽ ओमे़त्ते़ॽ हे़क्क्याङ् खे़प्से़ॽ॥ आङ्गाॽ खे़ने़ॽ ओःन्धाक्ने़बा के़रे़क् पाःन्हाॽओ नुरिक् निङ्वाॽ पिरे़ॽ॥ आङ्गाॽ खे़ने़ॽ यरिक् पाःन्हाॽ ओःन्धाक्मा सुक्ने़र फाॽआङ् खे़ने़ॽ कप्मो के़म्भे़त्ते़आङ् वाॽ॥ खे़ब्याङ् खे़ने़ॽ इस्राइलबा मनाहाॽओ के़नुःङ् के़बेःक् हे़क्क्याङ् खे़ने़ॽ के़निसुआङ् वाॽबा के़रे़क् पाःन्हाॽ खे़ङ्हाॽ के़मे़त्तुसिरो॥”
“खे़निॽ के़रे़क् चुप्साम्मे़ॽआङ् त्ये़म्मे़ॽओ, सोसोरिक् निःत्ताङ् त्ये़म्मे़ॽओ, इक्सादिङ् खाम्बेःक्मोबा के़दाङ्बा के़याःक्पा सुवाङ्से! सिङ्मुःत् नावाइत्लाहाॽ के़बङ्बाआङ् के़वाॽबाहाॽ, हे़क्क्याङ् याप्मि ताङ्से़ःप्मा मे़न्छुक्मनाबा माङ्हाॽ पेलि के़भाक्पाहाॽ थेआङ् मे़न्निम्नाबा मे़जोक्लो॥
यरुसले़म नाङ्गे़न् ले़प्माङ् चिःन्जिःन् के़घुबा मे़जोगुबा कोःक्माल्ले़ लाङ्गे़त् पिसाङ् इस्राइलबा हाङ् सोलोमनरे़ सिदोनिहाॽरे़ खुन्छिॽ याम्गे़सिङ्बा माङ्मा अस्तोरेत, मोआबबा सिक्के़ले़ःङ्बा माङ् कमोसे़न् नु अम्मोनबा मनाहाॽरे़ खुन्छिॽ याम्गे़सिङ्बा माङ् मोलोखरे़ कुलागि माङ्धाःन्हाॽ चोगुआङ् ने़स्से़, खे़न् माङ्धाःन्हाॽआङ् योसियाहःल्ले़ आसुत्थो चोगु॥
खुने़ॽ योॽरुर पाःत्तु, “आङ्गाॽ आइन् साॽरिक् निङ्वाॽ इःत्छिङ्ङाआङ् खिनिॽ मे़त्निङ्बा के़रे़क् पाःन्जाःक्हाॽ खिनिॽ निङ्वाॽओ युक्खे़म्मे़ॽ, हे़क्केलॽरिक् खिनिॽ साहाॽआङ् कन् साम्योथिम्मोबा के़रे़क् पाःन्जाःक्हाॽ सिङ्सिङ् ये़क्ये़क्काङ् इःप्मा नाःप्मारे़ लागि हुॽमा के़सुक्तुम्सिम्ल॥
खे़ङ्हाॽरे़ थेआङ् मे़ल्ले़सुन्लो, खे़ङ्हाॽरे़ थेआङ् कुसिङ् मे़न्निःत्तुन्लो॥ खे़ङ्हाॽरे़ खुन्छिॽ मिक्हाॽ इम् मे़मे़त्तुआङ् पत्लो, खे़ल्ले़चोगुल्ले़ खे़ङ्हाॽरे़ निमा मे़न्छुक्तुन्लो, खे़ङ्हाॽरे़ खुन्छिॽ निङ्वान् मे़साक्तुआङ् वाॽरो, हे़क्क्याङ् खे़ङ्हाॽरे़ कुसिङ् निःप्मा मे़न्छुक्तुन्लो॥
कर खे़ङ्हाॽरे़ आबाङे खुन्छिॽ लाम्मिन् मे़सेगुआङ् मे़वाॽरो खे़ब्याङ् खे़ङ्हाॽरे़ खुन्छिॽ याम्साम्मिन् आबाङे खुन्छिॽ सिक्के़ले़ःङ्बा याःम्बक्हाॽओ सःत्लो॥ कुम्बाबा पित् वयागे़न् सिदुङ्जभा के़जोःक्पे़ङ्ग मना के़से़प्पा हे़क्तङ्बारो॥ थुःम्बा वयागे़न् सिदुङ्जभा के़जोःक्पे़ङ्ग कोःत्चोःल्ले़ कुनिःङ्मा के़ए़ङ्बा कुइसिःक्लो॥ हाःत्ले़ कुजा सिदुङ्जभा तोःन्दुॽ, खे़ङ्ग फाक्किल्ले़ कुमाक्खिॽ के़दोम्बा कुइसिःक्लो॥ आत्तिल्ले़ साङ्सिङ् सुक्पा हाःन्दु, खे़ङ्ग नावाइत्ला से़वा के़मे़प्पा हे़क्तङ्बारो॥
Piblisite