यसैया 44:18 - लिम्बु18 खे़ङ्हाॽरे़ थेआङ् मे़ल्ले़सुन्लो, खे़ङ्हाॽरे़ थेआङ् कुसिङ् मे़न्निःत्तुन्लो॥ खे़ङ्हाॽरे़ खुन्छिॽ मिक्हाॽ इम् मे़मे़त्तुआङ् पत्लो, खे़ल्ले़चोगुल्ले़ खे़ङ्हाॽरे़ निमा मे़न्छुक्तुन्लो, खे़ङ्हाॽरे़ खुन्छिॽ निङ्वान् मे़साक्तुआङ् वाॽरो, हे़क्क्याङ् खे़ङ्हाॽरे़ कुसिङ् निःप्मा मे़न्छुक्तुन्लो॥ Gade chapit la |
यसैया 44:18
34 Referans Kwoze
“खे़निॽ के़रे़क् चुप्साम्मे़ॽआङ् त्ये़म्मे़ॽओ, सोसोरिक् निःत्ताङ् त्ये़म्मे़ॽओ, इक्सादिङ् खाम्बेःक्मोबा के़दाङ्बा के़याःक्पा सुवाङ्से! सिङ्मुःत् नावाइत्लाहाॽ के़बङ्बाआङ् के़वाॽबाहाॽ, हे़क्क्याङ् याप्मि ताङ्से़ःप्मा मे़न्छुक्मनाबा माङ्हाॽ पेलि के़भाक्पाहाॽ थेआङ् मे़न्निम्नाबा मे़जोक्लो॥
खे़ङ्हाॽग साॽरिक् खुन्छिॽ सिक्के़लाःक्पा कोःत्चोसिरो, खे़ङ्हाॽ आभे़ल्ले़आङ् मे़ङ्घाने़न्लो, खे़ङ्हाॽ खासिङ् मे़न्निःप्मनाबा मे़ःन्दा पित् के़गम्बासिरो॥ खे़ङ्हाॽ के़रे़क् आबाङे खुन्छिॽ लाम्मो लाङ्मे़घेःक्काङ् मे़वाॽरो, के़रे़क्ले़ आबाङे खुन्छिॽ नुबा के़बोङ्बा पाःन्हाॽरक् मे़गोःत्तुरो॥
खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
यहवे दाङ्बाए, खे़ङ्हाॽ खुम्दिङ् पिमासिरे़ लागि के़हुक्किल्ले़ थाःङ् के़साःप्सुसिआङ् पत्लो, कर खे़ने़ॽ के़हुक्किल्ले़ के़साःप्सुसिसाङ् खे़ङ्हाॽरे़ निनिआङ् मे़ल्लाप्तुन्लो॥ आबाङे के़मनाहाॽरे़ खुनिॽ लागि खे़ने़ॽ के़सिक्सम्मान् खे़ङ्हाॽरे़ मे़निसुआङ् खे़ङ्हाॽ सिरिङ्ममो मे़धाररो॥ खे़ने़ॽ के़दक्ले़ङ्वाओ के़बोःक्पाहाॽरे़ लागि लाःत्लाःत् के़युक्सुबा मिःल्ले़ खे़ङ्हाॽ खाप्पुथ्यःङ् चोगुसिररो॥
हाःत्ताङ् युङ्ङाङ् निङ्वाॽ मे़इःत्छिङ्ङे़न्लो, कम्भे पाःप्मारे़ लागि आत्तिल्ले़आङ् सिक्कुम् निङ्वाॽ मे़गत्तुन्लो, इग्र खासिङ् मे़निःत्ने़न्लो, “आङ्गाॽ खे़ल्ले़ कुभ्रे़ःङ् सिङ् हाःन्दुङ्लो॥ हाबा खे़न् सिङ्ङिल्ले़ खरे़ःङ् ले़ःक्खुङ्लो, आङ्गाॽ सा नयुङ्ङाङ् चाङ्लो॥ थे आल्ल खे़न् के़नम्बा सिङ्ङिन् याम्गे़सिङ्बा सामा चोगुङ्बाबि? थे आङ्गाॽ सिङ्मुःत्ते़ल्ले़ कुदगाङ् साम्बोन् हबत् पप्मा पोङ्बाबि?”
के़रे़क् मे़न्छाम् याप्मिहाॽ अदङ् मे़जोक्लो हे़क्क्याङ् सिक्कुम्दिङ् निङ्वाॽ मे़ङ्गत्तुन्लो! साम्म्याङ् युप्पा के़धक्पाहाॽ खुन्छिॽ मे़जोगुसिबा नावाइत्लाहाॽलाम् कुनामे़न्छाॽ मे़बोङ्लो, मे़जोगुबा याःम्बक्हाॽ इङ्ले़क्के चोक्लो॥ कन् नावाइत्लाहाॽओ सक्मा इग्र मुक्साम् मे़याक्ने़न्लो॥
हे़क्केलॽरिक् खे़ॽयोबा चुजुक्सा सिङ्बोराःक्हाॽ हेआङ् मे़ए़क्खुरो, खे़ब्याङ् मे़न्छुमाहाॽ मे़दाआङ् मिओ सिङ् मे़हाःन्दुरो॥ थेआङ्भे़ल्ले़ कङ्हाॽग सिक्कुम् निङ्वाॽ के़होप्पा लत्छा सुवाङ्सिरो खे़ल्ले़चोगुल्ले़ खुन्छिॽ के़जोःक्पा निङ्वाॽफुमाङ्ङिल्ले़ खे़ङ्हाॽ लुङ्माॽ मे़दुक्तुसिन्लो खे़ब्याङ् खुन्छिॽ नावागे़न् चइःत् के़जोक्पे़न् खे़ङ्हाॽओ कुलुङ्मास्याःत् मे़लॽने़न्लो॥
Piblisite