यसैया 44:13 - लिम्बु13 सिङ्गे़गाम्बे़ल्ले़ खिदोराःन् खिङ्सुआङ् मिक्सेन् फत्छुरो, खुने़ॽ चःङ्ङिल्ले़ वरे़ङ्ले़ङ्बा पे़त्तुरो, खे़ब्याङ् खे़ल्ले़ कुजइःत् लःत्तुरो॥ हे़क्क्याङ् कुन्जोःल्ले़ खे़ॽयो अगुआङ् माङ्धाःन्नो युङ्मारे़ लागि मे़न्छाम् याप्मिरे़ के़रे़क् खे़म्सिङ्माल्ले़ नारुम्भुङ्ङो खे़ल्ले़ कुजइःत् लःत्तुरो॥ Gade chapit la |
यसैया 44:13
18 Referans Kwoze
खे़ब्याङ् यहवे दाङ्बे़ल्ले़ आङ्गाॽ मे़प्ताङ्, “नासिगे़न् थक्ला के़गप्पा मनाए, खागे़माक्पा याक्फाङ्ङो इस्राइलबा लाम्लोबाहाॽरे़ खुन्छिॽ आप्फेक् आप्फेक् माङ्धाःन्हाॽओ नावाइत्लाहाॽनु थे़मा मे़जोगुर मे़याक् खे़ने़ॽ के़निसुर के़बप्पि? खे़ङ्हाॽरे़ मे़बाःत्तुर मे़बत्, ‘यहवे दाङ्बे़ल्ले़ आनिॽ आन्निने़न्, खुने़ॽ आनिॽ लाजेन् लाप्फुसुआङ् ने़रो!’”
कुहुक्चो के़नुॽबा चोबेगुःल्ले़ साम्म्याङ् के़धक्पे़न् आःन्छिङ्मा पिरुरो, हे़क्क्याङ् खे़ल्ले़ साम्म्याङ्ङिन् थवाःल्ले़ हिप्तु तङ्घुरो, खे़ल्ले़ कुधुम्मा सिदाॽइल्ले़ तुम्सुरो, हे़क्क्याङ् पाःत्तुॽ, “कन् नुबा चोक्लो,” हे़क्क्याङ् खे़न् मुक्मे़धाने़न्ल फाॽआङ् फे़न्तिङ् मे़धे़प्तुआङ् मे़भोःन्दुरो॥
मिकारे़ मे़त्तुसि, “आङ्गाॽ आप्फेक् आलागि चोगुङ्सिङ्बा आङ्गाॽ आमाङ्हाॽ खिनिॽ के़देॽरुम्सिम्॥ खिनिॽ आङ्गाॽ आनिङ्वाॽफुसाम्बे़न्नाङ् के़देॽरुम्माङ् के़बेगि॥ आङ्गाॽ आलागि थेधिक्काङ् आगे़न्धाॽरे़न्, हे़क्क्याङ् खिनिॽ अक्खे के़बाःत्तुम्माङ् याप्मि पान् से़ःन्गे़दोसि, ‘खे़ने़ॽ थेआङ् के़दम्बा के़ले़ङ्सिङ्बाबे?’ लॽरिक् आक्खेलॽरिक् पाःप्मा के़सुक्तुम्बाबे?”
हे़क्केलॽरिक् आङ्गाॽ सिगाङ् लासाङ् हे़क्क्याङ् याम्गे़सिङ्बा मुन्जिङ् वयाक् के़लॽबा नावा चइःत्हाॽ नु के़उःङ्सिङ्बा के़सःन्छिङ्बा के़रे़क् परिक्पा थक्साहाॽ मे़लक्तुआङ् के़बप्पा लुङ्धाक्हाॽ निसुङ्॥ इस्राइलबा मनाहाॽरे़ यरिक् परिक्पा नावाइत्लाहाॽ से़वा मे़मे़त्तुसिबाआङ् आङ्गाॽ निसुङ्॥
सापानरे़ कुस्सा याजन्याहःन् कुलुम्मो मे़ये़प्सुआङ् नुबोङ् इस्राइलि लाम्लोबाहाॽ खे़प्मो सोरिक् मे़ये़बे़॥ के़रे़क्ले़ सुक्पा हाःम्मा साङ्ते़रे़ःङ् थिक्थिक् हुक्को मे़बक्खु, खम्भ्याङ् साङ्ते़रे़ःङ्हाॽलाम् सुक्पा मिक्खुॽइन् खे़ङ्हाॽरे़ खुन्छिॽ थे़गेःक्हाॽरे़ थाःङ् ले़प्माङ् सुःङ्गु सुःङ्गु पोगे़र पत्छे़॥
Piblisite