यसैया 43:7 - लिम्बु7 आङ्गाॽ आमिङ्ङो मे़उःत्तुसिबाहाॽ के़रे़क्, आङ्गाॽ आमिमिदिङ्ले़ लागि नावागे़न् चइःत् चोगुङ्सिङ्ङाङ् मे़वाॽरो, खे़ङ्हाॽरे़ खुन्छिॽ थक्ला लिङ्गे़न्निन् आङ्गाॽए चोगुङ्बारो॥” Gade chapit la |
यसैया 43:7
36 Referans Kwoze
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
खे़ङ्हाॽरे़ खुन्छिॽ लुम्मो आङ्गाॽ पिरुङ्सिङ्बा आबाङे खुन्छिॽ साएहाॽ मे़निसुसिरो॥ हे़क्क्याङ् आहुक्कोबा याःम्बक्हाॽ मे़निसुरो, हे़क्केःल्ले़ खे़ङ्हाॽरे़ आङ्गाॽ आमिङ्ङिन् सेसेसाङ्साङ् मे़जोगुरो॥ खे़ङ्हाॽरे़ याकुबरे़ पयम् यम्बा कुसेसे निङ्वाॽफुमाङ्ङिन् सेसेबा फाॽआङ् मे़बाःत्तुरो, हे़क्क्याङ् इस्राइलबा निङ्वाॽफुमाङ्ङिन् मिङ्सो इङ्धाङ् मे़बिरुरो॥
के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घुयुसुॽ॥
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
हे़क्केलॽरिक् खे़ॽयोबा चुजुक्सा सिङ्बोराःक्हाॽ हेआङ् मे़ए़क्खुरो, खे़ब्याङ् मे़न्छुमाहाॽ मे़दाआङ् मिओ सिङ् मे़हाःन्दुरो॥ थेआङ्भे़ल्ले़ कङ्हाॽग सिक्कुम् निङ्वाॽ के़होप्पा लत्छा सुवाङ्सिरो खे़ल्ले़चोगुल्ले़ खुन्छिॽ के़जोःक्पा निङ्वाॽफुमाङ्ङिल्ले़ खे़ङ्हाॽ लुङ्माॽ मे़दुक्तुसिन्लो खे़ब्याङ् खुन्छिॽ नावागे़न् चइःत् के़जोक्पे़न् खे़ङ्हाॽओ कुलुङ्मास्याःत् मे़लॽने़न्लो॥
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
थेआङ् खे़ने़ॽ के़नाक्पा के़बेःक्पा मना कुइसिक् के़बोःक्खे़बाबे? इग्र याप्मि फाॽमा मे़न्छुक्मनाबा मुक्के़गुबा थक्सुबा कुसिङ् थेआङ् के़बोःक्खे़बाबे? यहवे दाङ्बाए, खे़ने़ॽ से़क्खासाङ् आनिगे लुम्मो के़वाॽरो॥ आनिगे़ग खे़ने़ॽ के़मिङ् के़दक्पासिगे़ फाॽआङ् मे़निसिगे़रो, आनिगे याप्मि आन्नाॽरे़न्ने़ॽओ॥”
Piblisite