यसैया 43:6 - लिम्बु6 आङ्गाॽ थाङ्गे़त् ले़प्साङ्ङिन् मे़त्तुङ्लो, ‘खे़ङ्हाॽ पेःक्मा फाःक्ते़से़ॽओ॥’ हे़क्क्याङ् लाङ्गे़त् ले़प्माङ्ङिन् मे़त्तुङ्लो, ‘खे़ङ्हाॽ मे़साक्ते़से़न्ने़ॽओ॥’ आङ्गाॽ आस्सा ये़म्बित्छाहाॽ माःङ्घालाम् नुःक्ते़से़ॽओ खे़ब्याङ् आस्सा मे़न्छुमाहाॽ इक्सादिङ् खाम्बेःक्माल्ले़ नासमा कुयाओनु फे़त्ते़से़ॽओ, Gade chapit la |
यसैया 43:6
26 Referans Kwoze
खे़न् ये़न्नो मुक्साम्दाङ्बा यहवे दाङ्बे़ल्ले़ कुदगि मिक्तोक् मे़दारुरो॥ निःत्ताङ् नु माःङ्घाबा मनाहाॽरे़ मे़गिरुसिबा खे़न् केःम्बा नु वरे़ङ्ले़ङ्बा ने़क्सा के़गप्पा, के़धुम्बा नु मुक्के़गुबा, हे़क्क्याङ् खुन्छिॽ लाजेन् वहःङ्हाॽरे़ कुलक् कुलक् फःक्खुआङ् के़ने़बा सुवाङ्हाॽ मे़दाआङ् सियोन कोःक्माओ मुक्साम्दाङ्बा यहवे दाङ्बान् खे़ङ्हाॽरे़ चे़सुङ्हाॽ मे़हुॽरुरो॥
यहवे दाङ्बा निङ्वाॽफुमाङ्ङिल्ले़ अक्खे पाःत्तुॽ— “ओमे़त्ते़ॽओ, आङ्गाॽ इक्सादिङ् खाम्बेःक्मोबा मे़न्छाम् सुवाङ्हाॽ हुक्चाःल्किःल्ले़ उःत्तुङ्सिङ्लो, हे़क्क्याङ् आङ्गाॽ आनिसान् इक्सादिङ् खाम्बेःक्मोबा मे़न्छाम् सुवाङ्हाॽरे़ खुन्छिॽ तगि लेःत्तुङ्लो॥ खे़ङ्हाॽरे़ खे़ने़ॽ के़स्सा ये़म्बित्छाहाॽ खुन्छिॽ हुक्को मे़बक्खुसिआङ् मे़दारुसि के़म्बिरो, खे़ब्याङ् के़स्सा मे़न्छुमाहाॽग खे़ङ्हाॽरे़ खुन्छिॽ फक्ताङ्ङो मे़बक्खुसिआङ् मे़दारुसिरो॥
कुत्चाॽए वागप्खाम्मो के़युङ्बाहाॽरे़ खुने़ॽ ओमे़मे़त्तुरो, तगि ले़ङ्हङ् के़जोःक्पा यम्बा वालाधाहाॽ मे़ये़प्लो॥ यहवे दाङ्बा खे़ने़ॽ के़निङ्वाॽफुमाङ्ङिल्ले़ लागि, इग्र इस्राइलबा सेसे निङ्वाॽफुमाङ्ङिल्ले़ कुमिङ्सो इङ्धाङ्ले़ लागि खे़ङ्हाॽरे़ खे़ने़ॽ के़स्सा ये़म्बित्छा मे़न्छुमाहाॽ खुन्छिॽ साम्म्याङ् युप्पानु सोरिक् माःङ्घा माःङ्घालाम् मे़दारुसिरो॥ थेआङ्भे़ल्ले़ खुने़ॽ कुहाङ्वा कुमाङ्वारे़ के़गाप्ते़आङ् वाॽरो॥
खे़म्ब्याङ् खे़ङ्हाॽरे़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽलाम् खिनिॽ के़रे़क् फुॽनुसाॽहाॽ अन्हाॽ, अन्लाधाहाॽ, लाधाहाॽ, अदङ्हाॽ नु उमेहाॽओ कक् मे़जोगुआङ् आङ्गाॽ आसेसे कोःक्मा यरुसले़ःम्मो यहवे दाङ्बे़ल्ले़ कुलागि सिदुङ्जभा हे़क्के मे़दारुॽ॥ इस्राइलबा मनाहाॽरे़ खुन्छिॽ साहाॽरे़ मे़दारुबा पोगुगे़न् कुजाःल्ले़न् सिदुङ्जभाहाॽ सुत्थो खप्प्याओ मे़याक्तुआङ् यहवे दाङ्बे़ल्ले़ कुहिम्मो मे़दारुबा हे़क्के खे़ङ्हाॽरे़ कन्हाॽ मे़दारुसिॽ॥
कर खे़ङ्हाॽरे़ मे़बाःत्तुॽ, ‘इस्राइलिहाॽरे़ खुन्छिॽ थाःक्हाॽ थाङ्गे़त् पिसाङ्बा लाजेॽ नु वेॽ के़रे़क् लाजेॽहाॽलाम् आत्तान् आत्तान् खुने़ॽ खे़ङ्हाॽ लःत्तुदेसुसिआङ् वये़, खे़न् के़रे़क् लाजेॽलाम्बा के़लःप्पा के़दाःप्पा से़क्खाए यहवे दाङ्बे़न् कुहिङ्वे़त् वाॽबा कुइसिक्॥’ खे़ब्याङ् खे़ङ्हाॽ आबाङे खुन्छिॽ लाजेॽओ मे़युङ्लो॥”
से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
आङ्गाॽ खे़ङ्हाॽ थाङ्गे़त्लाम् युरुङ्सिङ्लो हे़क्क्याङ् इक्सादिङ् खाम्बेःक्माल्ले़ वेॽसमा कुयाओलाम्बा सुप्सुङ्सिङ्लो॥ खे़ङ्हाॽरे़ खुन्छिॽ लुम्मो मिक्फःम्बा नु लाङ्सक्पा, हे़क्क्याङ् मे़न्छुक्मा के़वाॽमा नु सागप्मा यारिप् के़बोङ्माहाॽआङ् मे़वाॽरो॥ लत्छा यम्बा चुम्भो मे़बोङ्ङाङ् खे़ङ्हाॽ मे़नुःङ् मे़दारो॥
हे़क्क्याङ् मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खे़ङ्हाॽ मे़त्ते़से़ॽ—आङ्गाॽ मे़न्छाम् सुवाङ्हाॽरे़ खुन्छिॽ लुम्मोलाम् इस्राइलबा मनाहाॽ फुक्खुङ्सिङ्ॽ॥ खे़ङ्हाॽ फुत्छिङ्ज्याङ् मे़से़रे़आङ् मे़वाॽबादे़न्हाॽओलाम् आङ्गाॽ खे़ङ्हाॽ खुन्छिॽ आप्फेक् लाजेॽओबा हिम्मो नुःक्तुङ् तारुङ्सिङ्ॽ॥
Piblisite