यसैया 43:25 - लिम्बु25 “आङ्गाॽ हाबा खे़न्नेआरो, आङ्गाॽ के़लायो के़लासोःत्हाॽ आलागि तुगुङ् पिने़रो, हे़क्क्याङ् ताप्फे़ःम्बा के़याःम्बक्हाॽ निङ्वाॽ मे़इःत्ताल्लो॥ Gade chapit la |
खे़ङ्हाॽरे़ खुन्छिॽ हिम्बेसाङ्बाहाॽ इग्र फुॽनुसाॽहाॽ यहवे दाङ्बान् कुसिङ् निःप्मारे़ लागि आत्तिन्हाॽआङ् हुॽमासि मे़बोङ्ने़न्लो थेआङ्भे़ल्ले़ यम्बा चुक्पा के़रे़क्ले़ कुसिङ् मे़निःत्तारो॥ खे़ङ्हाॽ खुन्छिॽ फे़न्याःम्बक्लाम् ले़प्मि पिरुङ्सिङ्लो हे़क्क्याङ् खुन्छिॽ लायोहाॽ आफाल्ले़आङ् निङ्वाॽ मे़इःत्तान्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“खे़ल्ले़चोगुल्ले़, मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् इस्राइलबा मनाहाॽ मे़त्ते़से़ॽ—आङ्गाॽ खिनिॽ नुःक्निङ् ताःत्निङ्, कर कन् खिनिॽ के़यारुम्बाल्ले़ चोगुल्ले़ मेःन्॥ मे़न्छाम् सुवाङ्हाॽरे़ खुन्छिॽ लुम्मो खिनिॽ फुत्छिङ्ज्याङ् के़बोःक्खिआङ् के़वयिल्ले़ खिनिॽ के़दारुम्बा सिरिङ्ममा पाःन्नो, आङ्गाॽ आसेसे मिङ्ङिन् ताङ्से़ःप्मारे़ लागि आङ्गाॽ कन् चोगुङ्बारो॥
कर आङ्गाॽ आमिङ्सो आधाङ्सोन् से़ःप्मारे़ लागि आङ्गाॽ मे़न्जोःक्पा॥ मिस्रलाम् आङ्गाॽ इस्राइलिहाॽ लःत्तुङ् फे़त्तुङ्सिङ्ङिल्ले़ आङ्गाॽ हाःत्आ फाॽआङ् आप्फेक् ओसेःन्धाङ् पोःक्खाङ्बा के़निबा के़रे़क् पिसाङ्बा मे़न्छाम् सुवाङ्हाॽरे़ खुन्छिॽ लुम्मो आङ्गाॽ आमिङ्ङो सिरिङ्ममा के़बोङ्बा पोःक्खे़र मे़न्जोक्पे़न्॥
करसाङ् मिस्रलाम् आङ्गाॽ इस्राइलिहाॽ लःत्तुङ् थाक्तुङ्सिङ्ङिल्ले़ आङ्गाॽ आमुक्साम्मिन् के़निबाआङ् के़वाॽबा मे़न्छाम् सुवाङ्हाॽरे़ खुन्छिॽ तगि आङ्गाॽ आमिङ्ङो सिरिङ्ममा मे़बोङ्ने़न्ल फाॽआङ् आङ्गाॽ आमिङ्सो आधाङ्सोन् से़ःप्मारे़ लागि खे़ङ्हाॽरे़ खुन्छिॽ तक्ले़ङ्वाओ आङ्गाॽ हे़क्के मे़न्जोःक्पा॥
हे़क्केःल्ले़ खे़प्मो “कन् मनान् हाःप्पे? अक्खेलॽरिक् निङ्वाॽफुमाङ्ङिल्ले़ कुदक्ले़ङ्वाओ माङ् चे़ॽयापान् के़बाःप्पा कन् मनान् हाःप्पे? लायोलाम् ले़प्मि पिमाग निङ्वाॽफुमाङ्ङिन्नुःल्ले़ वेॽ हाःत्ले़आङ् मे़सुक्तुन्लो” फाॽआङ् साम्योथिम्साम्बाहाॽ नु फरिसिहाॽरे़ खुनिॽ निङ्वाॽबो मे़इःत्तु॥
आदाङ्बारे़ के़से़वारोबा नु आदाङ्बारे़ इस्राइलबा के़मनाहाॽरे़ कन् ते़न् ले़प्माङ् मे़हिसिङ्ङाङ् तुवा मे़जोगुल्ले़ खे़ङ्हाॽरे़ खुन्छिॽ चुङ्जिगे़न् नःम्नःम्बा पेलिन् खे़प्से़ॽओ॥ के़युक्नादे़न् साङ्ग्राम्पेदाङ्लाम् खे़प्से़ॽओ, हे़क्क्याङ् आल्ल आदाङ्बारे़ के़घे़प्सुल्ले़ ले़प्मि पिरे़से़ॽओ॥
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥