कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
यसैया 43:21 - लिम्बु21 आङ्गाॽ आनारा मे़भोसुर फाॽआङ् कन् मनाहाॽ आङ्गाॽ आलागि चोगुङ्सिङ्बारो॥ Gade chapit la |
यसैया 43:21
22 Referans Kwoze
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
ख्रिस्तलाम् साङ्ग्राम्पेदाङ् नु इक्सादिङ् खाम्बेःक्मोबा काक् नावागे़न् चइःत् ने़स्सुबारो॥ खुने़ॽग निगे़धाःप्पा नु निमे़न्धाःप्मना पाःन्हाॽ, हाङ्हाॽ नु हाङ्जुम्हाॽ, हाङ्गे़जोःक्पाहाॽ नु युक्साबाहाॽआङ् चोगुसिबारो॥ काक् पाःन्हाॽरे़न् नावागे़न् चइःत्तिन् ख्रिस्तलाम् नु ख्रिस्तरे़ कुलागिए पोःक्खे़बारो॥
आक्खेलॽरिक् कन् फॽइःन् साप्पोःक्को लुम्बे़त् युम्मनाआङ् पत्, हे़क्केलॽरिक्के इस्राइल नु यहुदाबा के़रे़क् मे़न्छाम् याप्मिहाॽ आङ्गाॽनु मे़दङ्सिङ्ङाङ् मे़घिम्सिङ्ल फाॽआङ् आङ्गाॽ चोगुङ्सिङ्॥ खे़ङ्हाॽ आङ्गाॽ आप्फेक् आमना मे़बोङ्ल, खे़ङ्हाॽलाम्बा आङ्गाॽ आमिङ् पोङ्ल, आनारा फोमा पोङ्ल हे़क्क्याङ् मिङ्सो इङ्धाङ् मे़बिआर के़लॽबा आङ्गाॽ आनिङ्वाॽ वये़ कर खे़ङ्हाॽरे़ आइङ्जाङ्ङिन् मे़न्इःत्तुन् मे़न्नाःत्तुन्लो॥’”
खे़ब्याङ् कन् यरुसले़म ये़क्यक्किन् आङ्गाॽ आलागि निङ्वाॽ तामा, मिङ्सोधाःङ्सो पोङ्मा नु ने़बो पप्मारे़ कुबुङ् पोङ्ॽ हे़क्क्याङ् आङ्गाॽ यरुसले़ःम्बा यक्युङ्बाहाॽरे़ खुन्छिॽ लागि चोगुङ्बा नुबा याःम्बक्हाॽ नु खे़न् ये़क्यक्को चोगुङ्बा नुॽमादामा पाःन्हाॽ मे़घे़प्सुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ पगि मे़गिआङ् थे़गक्कक्ना मे़यङ्॥”
Piblisite