Biblia Todo Logo
Bib sou entènèt

- Piblisite -




यसैया 43:13 - लिम्‍बु

13 “ओरो, उनाहुरिबा ये़म्‍माङ्‌धोए खुने़ॽग आङ्‌गाॽएरो, आङ्‌गाॽ आहुक्‍कोलाम् हाःत्ताङ् फिःन्‍छिङ्‌मा मे़न्‍छुक्‍ने़ल्‍लो, आङ्‌गाॽ चोगुङ्‌बा याःम्‍बक्‍किन् हाःत्‍ले़आङ् ले़ङ्‌मा मे़सुक्‍तुल्‍लो॥”

Gade chapit la Kopi




यसैया 43:13
33 Referans Kwoze  

थेआङ्‌भे़ल्‍ले़ आङ्‌गाॽ मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे चोगुङ् फाॽआङ् इःत्तुङ्‌ङाङ् वाॽरो, हे़क्‍क्‍याङ् आङ्‌गाॽ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ खुम्‍दिङ् पिमासिरे़ लागि आहुक्‍हाॽ सन्‍छुङ्‌ङाङ् वाॽरो, आङ्‌गाॽ हाःत्‍ले़ थेःक्‍मा सुक्‍काबे?”


कुहेःक्‍सिङ्‌माआङ्‌धो कुनुप्‍मा थारिक्‍पा, खे़म्‍ब्‍याङ् उनाहुरिबा ये़म्‍माङ्‌धो तामा के़बोङ्‌बा ये़म् थारिक्‍पा पाःन्‍हाॽ खे़निॽ मे़प्‍मा सुक्‍निङ्‌लो॥ आङ्‌गाॽ पाःत्तुङ्—चोःक्‍मा निङ्‌वाॽ चोगुङ्‌बा पाःन्‍हाॽ के़त्‍लो, हे़क्‍क्‍याङ् आङ्‌गाॽ आनिङ्‌वाॽ कुइसिक् के़रे़क् चोगुङ्‌लो॥


खे़ने़ॽग थे़गुहाॽ चोःक्‍मानुःल्‍ले़ तगि के़वाॽबा नुप्‍मे़न्‍दिङ् निङ्‌वाॽफुमाङ्‌ने़रो॥ हे़क्‍क्‍याङ् इक्‍सादिङ् खाम्‍बेःक्‍माल्‍ले़ नावागे़न् चइःत् ने़मानुःल्‍ले़ तगि सदादिङ् के़वाॽबा निङ्‌वाॽफुमाङ्‌ने़रो॥


ये़सु ख्रिस्‍ते़ङ्‌ग मिःप्‍मा, आइन् हे़क्‍क्‍याङ् आभे़ल्‍ले़साङ् कुइसिक् वाॽरो॥


ये़सुरे़ खे़ङ्‌हाॽ मे़त्तुसि, “हे़क्‍केःल्‍ले़ इङ्‌गाॽ से़क्‍खाए मे़त्‍निङ्‌लो, अब्राहाम्‍मिन् सावाःन्‍छिङ्‌मानुःल्‍ले़ तगिआङ्‌धोए इङ्‌गाॽ वाॽआरो॥”


खुने़ॽ थे नाप्‍मा निङ्‌वाॽ चोगुॽ, खे़न् खुने़ॽ नाप्‍तुसिएरो, हाःत्‍ले़आङ् खुने़ॽ साक्‍मा मे़सुक्‍तुन्‍लो, “कन् खे़ने़ॽ थे के़जोगुबा?” फाॽआङ् हाःत्‍ले़आङ् खुने़ॽ सेःन्‍लाप्‍मा मे़न्‍छुक्‍तुन्‍लो॥


आल्‍ल ओमे़त्ते़म्‍मे़ॽ, आङ्‌गाॽग खुने़ॽएआरो, आङ्‌गाॽनुःल्‍ले़ वेॽ हाःत्ताङ् माङ् होप्‍लो॥ आङ्‌गाॽए से़रुङ्‌सिङ्‌लो, हे़क्‍क्‍याङ् आङ्‌गाॽए कुहिङ्‌वे़त् चोगुङ्‌सिङ्‌लो॥ आङ्‌गाॽए खाःन्‍दुङ्‌सिङ्‌लो, खम्‍भ्‍याङ् आङ्‌गाॽए वेःन्‍दुङ्‌सिङ्‌लो, हे़क्‍क्‍याङ् आङ्‌गाॽ आहुक्‍कोलाम् हाःत्‍ले़आङ् से़म्‍मा मे़सुक्‍तुसिन्‍लो॥


दाङ्‌बा निङ्‌वाॽफुमाङ्‌ङिल्‍ले़, अल्‍फा नु ओमेगा इङ्‌गाॽएरो, आल्‍लो के़वाॽबा, उनाहुरिओआङ् वयाङ् हे़क्‍क्‍याङ् ताःन्‍दिआङ् के़दाबा मुक्‍साम्‍दाङ्‌बाआरो लॽरिक् पाःत्तुॽ॥


हे़क्‍क्‍याङ् मे़न्‍नुप्‍मनाबा हाङ्‌ङिन्, आजुनि नु आले़क्‍खा थिक्‍लक् निङ्‌वाॽफुमाङ्‌ङिन् मिङ्‌सो इङ्‌धाङ् नु मिमिदिङ् सदादिङ् पोङ्‌लरो॥ आमे़न्॥


ख्रिस्‍ते़न्‍नु थिक्‍हुप् आवाॽबाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ आनिॽआङ् खुने़ॽलाम् लक् खोसे़ आसेगे़आङ् आवाॽ, थेआङ्‌भे़ल्‍ले़ कङ्‌ग तगिनुसा खुने़ॽ चोःक्‍मा निङ्‌वाॽ इःत्तुबा हे़क्‍के के़रे़क् पाःन्‍हाॽ पोङ्‌लो॥


आङ्‌गाॽ के़रे़क्‍नुःल्‍ले़ थाःङ् के़युङ्‌बा, सेसे नु सदादिङ् के़वाॽबा निङ्‌वाॽफुमाङ्‌आरो॥ आङ्‌गाॽ के़रे़क्‍नुःल्‍ले़ केःम्‍बा नु सेसेबादे़न्‍नो युङ्‌ङारो कर याम्‍साम्‍मो नःम्‍नःम्‍बा नु लायोलाम् के़हिःन्‍छिङ्‌बाहाॽ आःन्‍छिङ्‌मा पिसे़आङ् खे़ङ्‌हाॽनु वाॽआरो॥


कुहेःक्‍सिङ्‌माआङ्‌धो थाःक्‍थाःक् थारिक् के़उःप्‍पा हे़क्‍क्‍याङ् कन् याःम्‍बक्‍किन् कुलिङ्‌दो के़गे़प्‍पान् हाःप्‍पे? खे़ङ्‌ग आङ्‌गाॽएरो, कुहेःक्‍सिङ्‌माआङ्‌धो के़वाॽबा नु याङ्‌सिआङ् के़वाॽबा यहवे दाङ्‌बान् आङ्‌गाॽएरो॥”


खे़ने़ॽ के़हाङ्‌युक्‍नाःङ्‌ग तोलिङ्‌सोमुआङ्‌धोए युक्‍सिङ् पोःक्‍खे़आङ् वाॽरो, खे़ने़ॽग उनाहुरि उनाहुरिआङ्‌धोए के़वाॽरो॥


“आङ्‌गाॽ याप्‍मि निङ्‌वाॽ के़भेःम्‍बासे, कन् आबाःन्‍हाॽ नुरिक्‍काङ् निङ्‌वाॽ इःत्ते़म्‍मे़ॽओ, मेःन्‍ने़भग्र आङ्‌गाॽ खिनिॽ मे़ङ्‌निङ्‌लो, हे़क्‍क्‍याङ् हाःत्‍ले़आङ् से़ःप्‍मा के़न्‍छुक्‍तिन्‍लो॥


यहवे दाङ्‌बाए, खे़ने़ॽ उनाहुरिआङ्‌धोए के़न्‌वाॽने़न्‍बि? आनिङ्‌वाॽफुमाङ्‌ङे, आसेसेबाए, आनिगे आग्‍से़प्‍पाबि? यहवे दाङ्‌बाए, खासे़न् चोःक्‍मा याःम्‍बक्‍ले़ लागि खे़ने़ॽ खे़ङ्‌हाॽ युक्‍तिङ् के़जोगुसिआङ् मे़वाॽरो, आसे़ःप्‍सिङ्‌मा याक्‍पेॽए, आनिगे खुम्‍दिङ् पिमारे़ लागि खे़ने़ॽ खे़ङ्‌हाॽ माङ्‌थोःक्‍ना के़बिरुसिआङ् मे़वाॽरो॥


“कर बेथले़हे़म एप्राताए, खे़ने़ॽ यहुदा थाःक्‍हाॽओ चुक्‍सा के़जोःक्‍साङ्, खे़ने़ॽलाम् आलागि मनाधिक् लःन्‍लो, खुने़ॽ इस्राइलबा युक्‍साबा पोङ्‌लो, खुने़ॽ कुहेःक्‍सिङ्‌माङ्‌ग उन्‍छोःन्‍बा ये़म्‍माङ्‌धो, उनाहुरिबा ये़म्‍माङ्‌धोए वाॽरो॥”


इक्‍सादिङ् खाम्‍बेःक्‍कोबा के़रे़क् मनाहाॽ खुने़ॽ कुसुम् मे़न्‍दम्‍मना थेनाधेबा लेःत्तुसिरो॥ साङ्‌ग्राम्‍पेदाङ्‌बा मुक्‍साम्‍हाॽ नु खाम्‍बेःक्‍कोबा मनाहाॽ खुने़ॽ निङ्‌वाॽ इःत्तुबा कुइसिक् चोगुसिरो॥ आत्तिल्‍ले़आङ् खुने़ॽ कुहुक्‍किन् थेःक्‍मा मे़सुक्‍तुन्‍लो, इग्र हाःत्‍ले़आङ् खुने़ॽ अक्‍खेलॽरिक् सेःन्‍दोमा मे़सुक्‍तुन्‍लो, “खे़ने़ॽ थे़मा के़जोगुआङ् वाॽबे?”


यहवे दाङ्‌बे़ल्‍ले़ कुदक्‍ले़ङ्‌वाओ कुलिङ्‌दो के़प्‍मा के़सुक्‍पा अक्‍तङ्‌बा सिक्‍कुम् निङ्‌वाॽ, इःत्‍छिङ्‌साम् इग्र निङ्‌सेक् होप्‍लो॥


नुप्‍मे़न्‍दिङ्‌ङाङ्‌धोए युक्‍तिङ् चोगाङ्‌ङाङ् वये़रो, के़रे़क्‍नुःल्‍ले़ तगि, योॽबान् कुहेःक्‍सिङ्‌मा पोःक्‍खे़बानुःल्‍ले़ तगिए चोगाङ्‌बारो॥


“खुने़ॽ स्‍वाःत् पोङ्‌ङाङ् युङ्‌ङिल्‍ले़ खुने़ॽ हाःत्‍ले़ पाःन्‍धिक्‍मा सुक्‍तुबे? कुनारान् चिक्‍खुआङ् युङ्‌ङिल्‍ले़ हाःत्‍ले़ खुने़ॽ निमा सुक्‍तुबाबे? आत्तिन् सुवाङ्‌ङिल्‍ले़ इग्र आत्तिन् मनाःल्‍ले़आङ् मे़दुमुन्‍लो॥


खिनिॽ मिक् तगि मे़सोःन्‍दुबा आप्‍फेक् पित्‍छान् खिनिॽ चामा के़ङ्‌घोसुम्‍मिन्‌ॽ॥ खिनिॽलाम् साक्‍के़ल्‍ले़क् के़म्‍नाप्‍ति के़म्‍देॽरिबा अदङ्‌ङिन् मे़न्‍नुःक्‍तुन् के़मे़म्‍बिरिन्‌ॽ॥ खिनिॽ मे़ल्‍लुक्‍किन् खिनिॽ निङ्‌मिहाॽ मे़बिरुसिॽ, कर खे़न् नुःक्‍मारे़ लागि हाःत्‍ले़आङ् के़म्‍भाॽरिन्‌ॽ॥


थेआङ्‌भे़ल्‍ले़ आङ्‌गाॽ एफ्राइमरे़ कुलागि खिरिङ्‌बा नु यहुदाःल्‍ले़ कुहिम्‍सयङ्‌ङिल्‍ले़ लागि यम्‍बा खिरिङ्‌बा हे़क्‍तङ्‌बा पोङ्‌ङारो॥ आङ्‌गाॽए खे़ङ्‌हाॽ ताराक् ताराक् साःक्‍सुङ्‌सिङ्‌लो खम्‍भ्‍याङ् आङ्‌गाॽ आलाम्‍मो थासिङ्‌ङारो, आङ्‌गाॽ खे़ङ्‌हाॽ पक्‍खुङ् तेॽरुङ्‌सिङ्‌लो हे़क्‍क्‍याङ् खे़ङ्‌हाॽ के़से़ःप्‍पा हाःत्ताङ् मे़होप्‍लो॥


आल्‍ल खुने़ॽ लुङ्‌माॽ हिःप्‍तुसिबाहाॽरे़ खुन्‍छिॽ तगिए आङ्‌गाॽ खे़ल्‍ले़ कुमे़न्‍दप्‍पिन् निधाःप्‍ल याःन्‍दुङ्‌लो, हे़क्‍क्‍याङ् आहुक्‍कोलाम् हाःत्‍ले़आङ् खे़न् ताङ्‌मे़से़ःप्‍तुन्‍लो॥


ओमे़त्ते़म्‍मे़ॽ, मुॽइसाम् थामारे़ लागि आङ्‌गाॽग इङ्‌जाङ् खोसुङ्‌ङाङ् वाॽरो खुने़ॽ मुॽइसाम् थासुआङ् वाॽरो, आङ्‌गाॽ खे़न् ले़ङ्‌मा मे़सुक्‍कान्‍लो॥


खदाक्‍मि के़दुम्‍सिआङ् खे़निॽ थे़गेक् फुःत्‍लधारिक्‍साङ् खे़ङ्‌ग आङ्‌गाॽएरो॥ आङ्‌गाॽ खे़निॽ नावागे़न् चइःत् चोःक्‍निङ्‌लो हे़क्‍क्‍याङ् कम्‍ब्राङ् मे़त्‍निङ्‌लो, आङ्‌गाॽ खे़निॽ फाॽनिङ् खे़ब्‍याङ् चोःक्‌युम्‍भो पिनिङ्‌लो॥


खे़ङ्‌हाॽरे़ खे़ने़ॽ के़लागि खे़म्‍भरक् चोःक्‍मा मे़सुक्‍तुरो— खे़ङ्‌हाॽनु कन् खे़ने़ॽ साक्‍ते़र याःम्‍बक् के़जोगुआङ् वये़रो, खे़ङ्‌हाॽ के़रे़क् आप्‍फेक् खुन्‍छिॽ मे़भेःन्‍दुबा याःम्‍बक् ले़प्‍माङ् मे़बेःक्‍लो, खे़ने़ॽ हाःत्‍ले़आङ् से़ःप्‍मा के़मे़न्‍छुक्‍ने़ल्‍लो॥”


आङ्‌गाॽ आबेसाङ् त्‍ये़म्‍मे़ॽओ, हे़क्‍क्‍याङ् खे़निॽ कन् खे़प्‍से़म्‍मे़ॽओ— थिक्‍सिगेक्‍पा उवा पोःक्‍खे़आङ्‌धोए आङ्‌गाॽ स्‍वाःत्ताङ् पाःत्तुङ्‌बा होप्‍लो, खे़न् हिन्‍धोःक्‍किन् के़प्‍पा ये़म्‍मो आङ्‌गाॽ खे़ॽयो वाॽआरो॥” खे़ब्‍याङ् आल्‍ल यहवे दाङ्‌बे़ल्‍ले़ आङ्‌गाॽ खुने़ॽ कुयाम्‍साम्‍मिन्‍नु पाङ्‌घाङ्‌ङाङ् वाॽआरो॥


हे़क्‍क्‍याङ् कुभारे़ यरिहोबा हाङ्‌ङिन् अक्‍खे मे़मे़त्तु, “ओमे़त्ते़ॽओ, इस्राइलि थाःक्‍कोबा कुभा मनाहाॽ कन् लाजेन् थोःम्‍मारे़ लागि आइन् से़न्‍दिक् कत्‍ना मे़भे़रे़आङ् मे़वाॽ॥”


आङ्‌गाॽ फोत्‍या मेःन्‍नेबा चोःक्‍काबान् खे़ने़ॽ के़निसुरो हे़क्‍क्‍याङ् आत्तिल्‍ले़आङ् आङ्‌गाॽ खे़ने़ॽलाम्‍बा ताङ्‌से़ःप्‍मा मे़सुक्‍कान्‍लो॥


के़से़वारोबाहाॽरे़ खुनिॽ साएहाॽग थेआङ् मे़ल्‍लॽए मे़हिङ्‌लो, हे़क्‍क्‍याङ् खे़ङ्‌हाॽरे़ खुनिॽ मुॽइदाङ्‌साहाॽ के़गम्‍ब्राङ्‌ङो थेआङ् मे़ल्‍लॽए मे़वाॽरो॥”


Swiv nou:

Piblisite


Piblisite