यसैया 43:1 - लिम्बु1 कर आल्ल याकुबए, खे़ने़ॽ नावागे़न् चइत् के़ने़बा, इस्राइलए, खे़ने़ॽ के़जोःक्पा यहवे दाङ्बे़ल्ले़ अक्खे पाःत्तुरो— “मे़गिसे़न्ने़ॽओ, थेआङ्भे़ल्ले़ आङ्गाॽ खे़ने़ॽ के़मे़ल्लुङ् हुङुङ्ङाङ् थे़ॽने़आङ् वाॽरो॥ आङ्गाॽ खे़ने़ॽ मिङ्लोःक्ने़आङ् उःत्ने़आङ् वाॽरो, खे़ने़ॽग आङ्गाॽइन्नेरो॥ Gade chapit la |
यसैया 43:1
49 Referans Kwoze
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
“आङ्गाॽ, यहवे दाङ्बे़ल्ले़ आसाम्योबा आयाःम्बक् कुइसिक् खे़निॽ उःत्निङ्ङाङ् वाॽरो॥ आङ्गाॽ खे़ने़ॽ के़हुक्किन् ते़म्सुङ्, हे़क्क्याङ् से़ःप्ने़रो, खे़ने़ॽए इक्सादिङ् खाम्बेःक्कोबा मे़न्छाम् सुवाङ्हाॽरे़ लागि माङ्हे़क् चोःक्ने़रो खम्ब्याङ् थिम्मे़न्दङ् सुवाङ्हाॽरे़ खुनिॽ लागि ओःत्ति चोःक्ने़रो॥
हे़क्क्याङ् आङ्गाॽ याम्मो लाङ्घेगाङ्ङिल्ले़, खे़ने़ॽ नानुॽमा के़ये़म् के़रे़बा निने़॥ खे़ल्ले़चोगुल्ले़ आङ्गाॽ आजाङ्ङिल्ले़ खे़ने़ॽ ले़क्चाबुधुःक्पा के़धक्किन् ते़प्तुङ् पिने़ हे़क्क्याङ् खे़ने़ॽनु मेःक्खिम् चोःक्मा माङ्हे़क् चोगुङ्॥ आङ्गाॽ खे़ने़ॽनु माङ्हुप्पाङ् चोगुङ् मुक्साम्दाङ्बा यहवे दाङ्बे़ल्ले़ पाःत्तुॽ, खे़ब्याङ् खे़ने़ॽ आङ्गाॽइन् के़बोःक्खे़॥
“आङ्गाॽ सेगुङ्सिङ्बा ने़त्छि हिम्सयङ् इस्राइल नु यहुदान् आङ्गाॽए लाप्फुसुङ्सिङ्ङाङ् वाॽ फाॽआङ् आक्खेलॽरिक् मनाहाॽरे़ मे़बाःत्तुर मे़बत्, खे़न् थे खे़निॽ के़घे़प्सुम्बि? खे़ल्ले़चोगुल्ले़ खे़ङ्हाॽरे़ आङ्गाॽ आमनाहाॽ मे़जिःत्तुसिर ओमे़मे़त्तुसिॽ हे़क्क्याङ् खे़ङ्हाॽ लत्थिक् सुवाङ्सि फाॽआङ् मे़न्इःत्तुसिन्॥
आङ्गाॽ याकुब नु आसे़वारोबा दाउदरे़ कुमुॽइदाङ्साहाॽ नाॽरुङ्सिङ्ॽ, खे़ब्याङ् दाउदरे़ कुमुॽइदाङ्साहाॽओ लत्छाआङ् अब्राहाम, इसहाक हे़क्क्याङ् याकुबरे़ कुमुॽइदाङ्साहाॽ सम्धाङ् हाङ्युक् चोःक्मारे़ लागि मे़सेगुङ्ङिन्॥ थेआङ्भे़ल्ले़ आङ्गाॽ खे़ङ्हाॽ याम्मो खुन्छिॽ लाजेॽओ नुःक्तुङ् तारुङ्सिङ्ॽ हे़क्क्याङ् खे़ङ्हाॽ लुङ्माॽ तुक्तुङ्सिङ्लो॥’”
खे़ङ्हाॽ किमा नु यङ्मा के़प्माल्ले़ सुःप्तुसिआङ् वाॽरो॥ यहवे दाङ्बाए! खे़ङ्हाॽरे़ खे़ने़ॽ के़मुक्साम्मिन् मे़निसुरो, खे़ने़ॽ योःक्लाम् के़से़न्दु के़भे़त्तुसिबा के़मनाहाॽ, लाङ्मे़घेःक्काङ् नाधाःम्बि मे़बेःक्किल्ले़ निङ्मिहाॽ किमाल्ले़ चिरिम्लिम्ना मे़यङ्ङाङ् मे़म्बाःत्ते मे़ये़प्लो॥
हे़क्केलॽरिक् खे़ॽयोबा चुजुक्सा सिङ्बोराःक्हाॽ हेआङ् मे़ए़क्खुरो, खे़ब्याङ् मे़न्छुमाहाॽ मे़दाआङ् मिओ सिङ् मे़हाःन्दुरो॥ थेआङ्भे़ल्ले़ कङ्हाॽग सिक्कुम् निङ्वाॽ के़होप्पा लत्छा सुवाङ्सिरो खे़ल्ले़चोगुल्ले़ खुन्छिॽ के़जोःक्पा निङ्वाॽफुमाङ्ङिल्ले़ खे़ङ्हाॽ लुङ्माॽ मे़दुक्तुसिन्लो खे़ब्याङ् खुन्छिॽ नावागे़न् चइःत् के़जोक्पे़न् खे़ङ्हाॽओ कुलुङ्मास्याःत् मे़लॽने़न्लो॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
खे़ङ्हाॽरे़ खुन्छिॽ के़रे़क् तुक्खेओ खुने़ॽ कुनिङ्वाॽ तुगे़रो, हे़क्क्याङ् खुने़ॽ आबाङे खे़ङ्हाॽ थे़ॽरुसिरो॥ खुने़ॽ खे़ङ्हाॽ लुङ्माॽ तुक्तुसि हे़क्क्याङ् नुरिक् मे़त्तुसिरो हे़क्क्याङ् मे़ल्लुङ् हुङुआङ् खे़ङ्हाॽ चोःक्युम्भो पिरुसिरो, खे़ब्याङ् उनाहुरिबा के़रे़क् ये़न्नो खुने़ॽ खे़ङ्हाॽ कुयुसिरो॥
खुने़ॽ मे़त्ताङ्, “निङ्वाॽफुमाङ्ङो खे़ने़ॽग साॽरिक्के इमे़ल्लुङ्बा के़जोक्, मे़गिसे़न्ने़ॽ॥ के़निङ्वाॽ हाङ्हाङ् लॽर, आल्ल खे़ने़ॽ, के़धुम्बा पोःक्खे़ॽ॥” आल्ल खुने़ॽ आङ्गाॽनु पारे़ल्ले़, आङ्गाॽ के़धुम्बा पोःक्खाङ्ङाङ् पाराङ्, “आदाङ्बे, पारे़ॽ, थेआङ्भे़ल्ले़ आङ्गाॽ के़धुम्बा के़जोगाङ्ङाङ् वाॽ॥”
कर यसुरुन मे़ॽरुआङ् लाङ्गे़धिक्पा पोःक्खे़रो, नुरिक् चामा मे़घोसुआङ् मनाहाॽ चाप्मे़ॽ मे़ॽरुसिरो हे़क्क्याङ् वरे़ङ्ले़ङ्बा मे़बोःक्खे़बारो॥ खे़ब्याङ् खे़ङ्हाॽरे़ खुनिॽ नावागे़न् चइःत् के़जोःक्पा आबाङे खुन्छिॽ निङ्वाॽफुमाङ्ङिन् मे़ले़रु मे़देसुरो, हे़क्क्याङ् खे़ङ्हाॽरे़ खुन्छिॽ से़न्लप्दाङ्बा याक्पेॽइन् हने़ मे़न्जोबा मे़मे़त्तुरो॥
“इस्राइलबा सेसेबा निङ्वाॽफुमाङ्, खे़ङ्हाॽ नावागे़न् चइःत् के़जोःक्पा निङ्वाॽफुमाङ्, यहवे दाङ्बे़ल्ले़ अक्खे पाःत्तुरो— ‘खे़ने़ॽ ताःन्दि पोङ्मा के़इःप्पा पाःन्निल्ले़ कुयाःम्बेॽओ सेःन्गे़दोआबि? आङ्गाॽ आस्साहाॽ नु आहुक्किल्ले़ चोगुबा आयाःम्बक्किल्ले़ कुयाःम्बेओ मुरा के़मे़त्ताबाबि? खे़न् सेःन्लाप्मा के़युक् होप्लो!
खे़निॽ तुक्खे के़जाःप्पाहाॽ आङ्गाॽ खुन्छिॽ आबाङे ने़क्सान् चामा पाङ्घुङ्सिङ्लो॥ चे़ल्ले़क्सेॽ थिःल्ले़ मयुसिबा हे़क्के खे़ङ्हाॽ आबाङे खुन्छिॽ माक्खिल्ले़ मयुसिरो॥ हे़क्केलॽरिक् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ आङ्गाॽए खे़ने़ॽ के़यहवे दाङ्बा के़से़न्लप्दाङ्बाआ, के़मे़ल्लुङ् के़हुङ्बाआङ् के़धे़ॽबा याकुबरे़ कुमुक्साम्दाङ्बा कुनिङ्वाॽफुमाङ्आ फाॽआङ् निङ्वाॽ मे़घोसुरो॥”
खिनिॽ नावागे़न् चइःत् के़जोःक्पा ताङ्साङ्बे़न् के़जोःक्पाआङ् खे़न् के़घिङ्बा नु इक्सादिङ् खाम्बेःक्मे़ल्ले़ कुबुङ् के़युङ्बा, यहवे दाङ्बे़न् खिनिॽ निङ्वाॽ के़भेःत्छुम्बि? खिनिॽ मे़ङ्मा के़इःप्पाहाॽ नु खिनिॽ तुक्खे के़जाःप्पाहाॽरे़ खुन्छिॽ सिक्पोःक्माल्ले़ चोगुल्ले़ चक्मे़ल्लॽए खिनिॽ के़गिसिआङ् के़वयिबाबि? खे़ङ्हाॽरे़ खुन्छिॽ सिक्पोःक्माल्ले़ खिनिॽ सुमा के़न्छुक्तिन्लो॥
Piblisite