यसैया 42:8 - लिम्‍बु

⁸ “आङ्‌गाॽ यहवे दाङ्‌बाआरो, आङ्‌गाॽ आमिङ् हाबा खे़न्‍नेरो! आङ्‌गाॽ आमिमिदिङ्‌ङिन् वेॽहाॽ मे़बिआसिङ्‌ङिल्‍लो, इग्र आङ्‌गाॽ आनारा फोमान् नावाइत्‍लाहाॽ मे़बिरुङ्‌सिङ्‌ङिल्‍लो॥

यसैया 42:8 Referans Kwoze

यसैया 48:11

आङ्‌गाॽ आबाङे आलागि, आङ्‌गाॽ आबाङे फाॽआङ् खे़न् चोगुङ्‌लो॥ आक्‍खेलॽरिक् आङ्‌गाॽ आबाङे आजाःत्‍थि के़बेःक्‍पा पोङ्‌ङाबाबे? आङ्‌गाॽ आमिमिदिङ्‌ङिन् नावाइत्‍लाहाॽनु मे़हाआल्‍लो॥”

यसैया 43:11

आङ्‌गाॽ, आङ्‌गाॽरक् लत्‍छा यहवे दाङ्‌बाआरो, आङ्‌गाॽरक् से़न्‍लप्‍दाङ्‌बाआ वेॽ हाःत्ताङ् होप्‍लो॥

लाम्‍दिक् 34:14

“खिनिॽ वेॽ आत्तिन् माङ्‌ङिन्‍नाङ् से़वा मे़मे़त्ते़म्‍मिन्‍ने़ॽ, थेआङ्‌भे़ल्‍ले़ यहवे दाङ्‌बा, खुने़ॽ कुमिङ्‌ग ‘कुना के़हे़म्‍बारो’ कुना के़हे़म्‍बाङ्‌ग निङ्‌वाॽफुमाङ्‌ङिन्‍नेरो॥

निङ्‌वाॽफु साम्‍लोसुम् 83:18

खे़ङ्‌हाॽरे़ खे़ने़ॽ यहवे दाङ्‌बाने़ फाॽआङ् कुसिङ् के़म्‍निःत्‍लरो, इक्‍सादिङ् खाम्‍बेःक्‍मो खे़ने़ॽरक् के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ने़ के़लॽबान् निङ्‌वाॽ मे़घोसुररो॥

लाम्‍दिक् 4:5

यहवे दाङ्‌बे़ल्‍ले़ मे़त्तु, “खे़ङ्‌हाॽरे़ खुन्‍छिॽ पाधे़बा थाःक्‍थे़बा अब्राहाम, इसहाक नु याकुबरे़ कुनिङ्‌वाॽफुमाङ्‌ङिन् खे़ने़ॽओ ओःन्‍धाक्‍सिङ्‌बारे़त्‍छ फाॽआङ् खे़ङ्‌हाॽरे़ आम्‍भा कन् याःम्‍बक्‍कोलाम्‍बा नामे़साॽरुर॥”

युहुन्‍ना 5:23

खे़ल्‍ले़चोगुल्‍ले़ काक् मनाहाॽरे़ पानुदिङ् पा निङ्‌वाॽफुमाङ्‌ङिन् इङ्‌धाङ् मे़बिरुबा कुइसिःक्‍के कुस्‍सान्‍नाङ् मे़बिरुररो॥ कर आबुगे़न् कुस्‍सान् इङ्‌धाङ् मे़म्‍बिमनाबाल्‍ले़ग कुस्‍सा के़बाङ्‌बा पानुदिङ् पा निङ्‌वाॽफुमाङ्‌ङिन्‍नाङ् इङ्‌धाङ् मे़बिरुन्‍लो॥”

युहुन्‍ना 8:58

ये़सुरे़ खे़ङ्‌हाॽ मे़त्तुसि, “हे़क्‍केःल्‍ले़ इङ्‌गाॽ से़क्‍खाए मे़त्‍निङ्‌लो, अब्राहाम्‍मिन् सावाःन्‍छिङ्‌मानुःल्‍ले़ तगिआङ्‌धोए इङ्‌गाॽ वाॽआरो॥”

साम्‌योथिम् इङ् 28:58

यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ मिमिदिङ्‌गे़न् किप्‍मागे़घुबा कुमिङ्‌ङो के़ङ्‌गिसिन् हे़क्‍क्‍याङ् खिनिॽ कन् साप्‍पन्‍नो साप्‍ते़बा साम्‌योथिम् इङ्‌जाङ्‌ङोबा के़रे़क् कुबाःन्‍जाक्‍हाॽ सिङ्‌सिङ् ये़क्‌ये़क्‍काङ् के़न्‍इःत्तुम्‍मिन् के़न्‍नाःत्तुम्‍मिन्‍ने़भग्र,

निङ्‌वाॽफु साम्‍लोसुम् 66:2

खुने़ॽ कुमिमिदिङ्‌गे़न् कुमिङ्‌ङिन् साम्‍मे़त्ते़म्‍मे़ॽओ, हे़क्‍क्‍याङ् कुनारा फोसे़म्‍मे़ॽर कुमिमिदिङ् चोगे़म्‍मे़ॽओ॥

यसैया 43:3

थेआङ्‌भे़ल्‍ले़ आङ्‌गाॽ यहवे दाङ्‌बा के़निङ्‌वाॽफुमाङ्‌आरो, आङ्‌गाॽ खे़ने़ॽ के़से़न्‍लप्‍दाङ्‌बा इस्राइलबा सेसेबा निङ्‌वाॽफुमाङ्‌आरो॥ आङ्‌गाॽ मिस्र लाजेन् पिरुङ्‌सिङ्‌ङाङ् खे़ने़ॽ थे़ॽने़रो, हे़क्‍क्‍याङ् खे़ने़ॽ के़ले़क्‌वाओ कुस नु सेबा लाजेन् पिरुङ्‌सिङ्‌लो॥

दानिए़ल 5:4

आल्‍ल खे़ङ्‌हाॽ चे़ल्‍ले़क्‍सेॽ थि थुङ्‌नु मे़युङे़ल्‍ले़, खे़ङ्‌हाॽरे़ साम्‍म्‍याङ्, युप्‍पा, कासा, फे़न्‍जेॽ, सिङ् नु लुङ् माङ्‌हाॽ मिङ्‌सो इङ्‌धाङ् मे़बिरुसि॥

यसैया 48:5

कल्‍ले़चोगुल्‍ले़ कन् पाःन्‍हाॽ आङ्‌गाॽ तगिए खे़ने़ॽ मे़त्‍ने़बारो, कन्‍हाॽ पोङ्‌मानुःल्‍ले़ तगिए आङ्‌गाॽ खे़ने़ॽ चे़क्‍ने़रो॥ हे़क्‍केलॽरिक् खे़ने़ॽ कम्‍भ पाःप्‍मा के़ङ्‌घोसुल्‍लरो, ‘आङ्‌गाॽ आनावाइत्‍लाहाॽरे़ कन् मे़जोगुबारो, आङ्‌गाॽ आसिङ् चइःत्तिल्‍ले़ नु साम्‍म्‍याङ् युप्‍पा माङ्‌ङिल्‍ले़ कन्‍हाॽ इङ्‌जाङ् चोगुबारो॥’

यसैया 48:6

“खे़ने़ॽ कन् पाःन्‍निन् के़घे़प्‍सुआङ् के़वाॽरो, खे़ने़ॽ कन् के़रे़क् पाःन्‍हाॽ ओमे़त्ते़ॽओ॥ थे खे़ने़ॽ कन्‍हाॽ नसान् के़न्‍जोगुम्‍बि? आल्‍लआङ्‌धो आङ्‌गाॽ खे़ने़ॽ कुसङ् पाःन्‍हाॽ मे़त्‍ने़रो, खे़ने़ॽ के़ल्‍ले़सुम्‍बा सिबिॽ पाःन्‍हाॽ चे़क्‍ने़रो॥

यर्मिया 33:2

इक्‍सादिङ् खाम्‍बेःक्‍मान् के़जोःक्‍पा, हे़क्‍क्‍याङ् खे़न् नावागे़न् चइःत् के़ने़बा यहवे दाङ्‌बान् यर्मियाःन्‍नु पारे़॥ खुने़ॽ कुमिङ् यहवे दाङ्‌बारो हे़क्‍क्‍याङ् खुने़ॽ यर्मियान् अक्‍खे मे़त्तु,