खुने़ॽ इक्सादिङ् खाम्बेःक्माल्ले़ कुघिरिनुःल्ले़ थाःङ्धाक् हाङ्युक् चोःक्काङ् युङ्लो, हे़क्क्याङ् इक्सादिङ् खाम्बेःक्मोबा मे़न्छाम् सुवाङ्हाॽग फेॽबात् हे़क्के मे़लॽरो॥ खुने़ॽ ताङ्साङ्बे़न् पःत्थाङ् कुइसिक् खिङ्घुरो, खे़ब्याङ् खे़ॽयो याङ्धोःक्मारे़ लागि खे़न् साःङ्गा हे़क्के फोसुरो॥
यसैया 42:5 - लिम्बु5 निङ्वाॽफुमाङ् यहवे दाङ्बे़ल्ले़ अक्खे पाःत्तुरो— ताङ्साङ्बे़न् के़जोःक्पाआङ् खे़न् के़घिङ्बे़न्, हे़क्क्याङ् इक्सादिङ् खाम्बेक् नु खे़प्मोलाम् के़लःम्बा के़रे़क् मे़बोःन्ल मे़धे़ॽर के़याःम्बा, खे़ब्याङ् खे़प्मो के़वाॽबा मनाहाॽ साःङ्गु सक्मा के़बिबा खे़म्ब्याङ् खे़ॽयो लाङ्गे़घेःक्पाहाॽ याम्साम् के़बिबा— Gade chapit la |
यसैया 42:5
36 Referans Kwoze
थेआङ्भे़ल्ले़ यहवे दाङ्बे़ल्ले़ साङ्ग्राम्पेदाङ्ङिन् चोगुरो, खुने़ॽए निङ्वाॽफुमाङ्लो! खुने़ॽ इक्सादिङ् खाम्बेःक्मान् नावागे़न् चइःत् ने़स्सुआङ् चोगुरो, खुने़ॽ खे़न् सदादिङ् के़बप्पा नु आभे़ल्ले़साङ् के़वाॽबा चोगुरो॥ खुने़ॽ इक्सादिङ् खाम्बेःक्मान् मुरे़क् खारे़क्पा थेआङ् के़होप्पा मेःन्लो कर मे़न्छाम् याप्मिरे़ युङ्मा वाॽमादे़न् चोगुरो॥ खुने़ॽ आबाङेए अक्के पाःत्तुरो— “यहवे दाङ्बा आङ्गाॽएरो वेॽ हाःत्ताङ् निङ्वाॽफुमाङ् होप्लो॥
थे खे़ने़ॽ निङ्वाॽ मे़ङ्घोए के़वाॽबि? थे खे़ने़ॽ मे़ङ्घे़म्मे के़वाॽबि? यहवे दाङ्बे़ङ्ग आभे़ल्ले़साङ् सदादिङ् के़वाॽबा निङ्वाॽफुमाङ्लो, इक्सादिङ् खाम्बेःक्मे़ल्ले़ कुनुप्मो थारिक् नावागे़न् चइःत् के़ने़बारो॥ खुने़ॽ मे़नाने़न्नाङ् कुसक्माआङ् मे़बुॽने़ल्लो, हे़क्क्याङ् हाःत्ले़आङ् खुने़ॽ कुसिक्कुम् निङ्वान् कुसिङ् निःप्मा मे़सुक्तुल्लो॥
खे़न्नुःल्ले़ग साङ्ग्राम्पेदाङ्बा यहवे दाङ्बे़ल्ले़ कुदक्ले़ङ्वाओ आप्फेक् के़बोगे़आङ् के़वाॽ॥ आदाङ्बारे़ खुने़ॽ कुहिम्मोबा चल्लाङ्ना खोर्याहाॽ खे़ने़ॽओ ताःप्मा के़बाङ्घुसि, हे़क्क्याङ् आदाङ्बा नु आदाङ्बारे़ के़सुहाङ्युक्पाहाॽ, आदाङ्बारे़ के़मेःत्हाॽ नु के़जक्मेःत्हाॽरे़ खे़न् सामाहाॽओ चे़ल्ले़क्सेॽ थि के़धुङुम्॥ खे़ब्याङ् मिक्मे़न्निमनाबा, नामे़ङ्घे़म्मनाबा नु खासिङ् मे़न्निःप्नाबा युप्पा, साम्म्याङ् कासा, फे़न्जेॽ, सिङ् नु लुङ् माङ्हाॽ मिङ्सो इङ्धाङ् के़बिरुम्सिम्॥ कर आदाङ्बारे़ के़हिङ्मन् नु आदाङ्बारे़ के़लाम्हाॽ हुक्को के़गप्पा कन् निङ्वाॽफुमाङ्ङिन् आदाङ्बारे़ मिङ्सो इङ्धाङ् के़म्बिरुन्॥
“मुक्साम्दाङ्बा यहवे दाङ्बाए, इस्राइलबा निङ्वाॽफुमाङ्ङे, कुलाप् के़बप्पा माङ्लाइङ्बा करुबहाॽरे़ कुलुम्मो हाङ्युक् के़जोःक्पाआङ् के़युङ्बाए, इक्सादिङ् खाम्बेःक्मोबा के़रे़क् खाम्घु लाजेॽहाॽओ निङ्वाॽफुमाङ्ग खे़ने़ॽरक् के़वाॽरो॥ साङ्ग्राम्पेदाङ् नु इक्सादिङ् खाम्बेःक्मान् खे़ने़ॽए नावागे़न् चइःत् के़जोगुबारो॥
खे़निॽ मिक्किन् थाःङ् फोःक्खाम्मे़ॽआङ् ताङ्साङ्बे़न् ओमे़त्ते़म्मे़ॽओ, कङ्हाॽ के़रे़क् हाःत्ले़ चोगुबाबे? थे खुने़ॽए मेःम्बि, खुने़ॽ खेःम्सिक्पाल्ले़ कुबन्ज्याङ्माहाॽ थिक्थिक् चोगु तारुसिरो हे़क्क्याङ् के़रे़क् थिक्थिक् लॽरिक् मिङ् लोःक्तुसिआङ् उःत्तुसिरो॥ खुने़ॽ पयम् यम्बा कुमुक्साम् नु मुक्साम्साबा कुमुक्किल्ले़ चोगुल्ले़ खे़ङ्हाॽओ लत्छाआङ् मे़म्माने़ल्लो॥
Piblisite