यसैया 42:24 - लिम्बु24 चिगक्वा याङ्साकुन्धे के़नाप्पाहाॽरे़ खुन्छिॽ हुक्को याकुबे़न् हाःत्ले़ हुक्सुप्तुबे, हे़क्क्याङ् इस्राइले़न् फाःन्दाहाॽरे़ खुन्छिॽ हुक्को हाःत्ले़ थासुबे? थे आनिॽ खुने़ॽ कुदक्ले़ङ्वाओ लायो आजोगुम्बा यहवे दाङ्बे़ल्ले़ए थासुसिबा मेःम्बि? थेआङ्भे़ल्ले़ खे़ङ्हाॽ खुने़ॽ कुलाम्मो लाङ्मे़ङ्घेगे़ल्लो, खे़ङ्हाॽरे़ खुने़ॽ कुइङ्जाङ्ङिन् मे़न्इःत्तुन् मे़न्नाःत्तुल्लो॥ Gade chapit la |
यसैया 42:24
29 Referans Kwoze
“यहवे दाङ्बे़न् साम्योबा चोक्लो, हे़क्केसाङ् कुदक्ले़ङ्वाओ पिफ्युङ्बा पोःक्खाङ्ङाङ् वयाङ्लो॥ के़रे़क् मे़न्छाम् सुवाङ्से, खे़प्से़म्मे़ॽओ हे़क्क्याङ् आङ्गाॽ आदुक्खेन् ओमे़त्ते़म्मे़ॽओ॥ सिसागे़न् मे़न्छ्या आमनाहाॽ नु थाङ्बे़न् आमनाहाॽ लाजेॽलाम् लाःक्कात् मे़लःत्तु मे़देॽरुसिआङ् मे़वाॽरो॥
“आङ्गाॽ आलायोहाॽ लत्छा खे़ःप्सिङ्ङो इघेःक्खुआङ् पत्लो, खुने़ॽ कुहुक्किल्ले़ खे़ङ्हाॽ इघेःक्खुरो, खे़न् आङ्गाॽ आभक्ताङ्ङो मे़भत्छुआङ् पत्लो, यहवे दाङ्बे़ल्ले़ आङ्गाॽ आधुम्मे़न् युम्सुआङ् वाॽरो॥ खुने़ॽ आनिङ्मिहाॽरे़ खुन्छिॽ हुक्को थासाङ्लो, खे़ङ्हाॽनु आङ्गाॽ थक्मा मे़सुक्कान्लो॥
आङ्गाॽ सेगुङ्सिङ्बा आमनाहाॽनु आयाक् ले़ॽरे़आङ् वयाङ्लो, हे़क्क्याङ् आङ्गाॽ खे़ङ्हाॽ आबाङे आमना हे़क्के नुरिक् मे़म्मे़प्पासिरो॥ आङ्गाॽ खे़ङ्हाॽ खे़ने़ॽ के़हुक्को थासुङ्सिङ्लो, कर खे़ङ्हाॽ खे़ने़ॽ लुङ्माॽ के़न्दुक्तुसिल्लो॥ काप्पोबा काप्मुमाहाॽआङ् खे़ने़ॽ साॽरिक् के़लिःप्पा के़गक्किन् के़गुःत्तुसिरो॥
खुने़ॽ खे़ङ्हाॽरे़ खुन्छिॽ तक्ले़ङ्वाओ बेबिलोनबा हाङ्ङिन् फे़त्तु, खे़ल्ले़ सेसेदे़न्नोए खे़ङ्हाॽरे़ खुन्छिॽ थाङ्बे़न् मनाहाॽ ताभेःल्ले़ च्ये़प्तु स्ये़रुसि, हे़क्क्याङ् नालिगे़न् थाङ्बे़न्, सिसागे़न् मे़न्छ्या, काप्पोबा इग्र तुम्भाक्सा आत्तिन्हाॽआङ् मे़दाङ्घुसिन्॥ निङ्वाॽफुमाङ्ङिल्ले़ खे़ङ्हाॽ खक्पे़त् नबुकदनेसरे़ल्ले़ कुहुक्को थासुसि॥
यहवे दाङ्बे़न् इस्राइलिहाॽनु कुसाक्के़न् पोगे़ खे़ल्ले़चोगुल्ले़ खे़ङ्हाॽ फाःन्दाहाॽ नु आनाप्नाप्पाहाॽरे़ खुन्छिॽ हुक्को थासुसिआङ् खे़ङ्हाॽरे़ मे़नाप्तुसिर याःन्दुसि॥ खुने़ॽ खे़ङ्हाॽरे़ खुन्छिॽ कब्रिङ् पिसाङ्बा निङ्मिहाॽओ सङ्घुदेसुसि, खे़ब्याङ् निङ्मिहाॽरे़ खुन्छिॽ तगि खे़ङ्हाॽरे़ थःप्मा मे़न्छुक्तुन्॥
Piblisite