यसैया 42:2 - लिम्‍बु

² खे़न् मे़अःक्‍ने़न्, हे़क्‍क्‍याङ् मे़भिःक्‍ने़न्‍नाङ्‌लो इग्र खे़ल्‍ले़ कुइक्‍लान् माराम्‍मो मनाहाॽरे़ मे़घे़प्‍सुर मे़जोगुन्‍लो॥

यसैया 42:2 Referans Kwoze

२ तिमोथि 2:24

दाङ्‌बाल्‍ले़ के़से़वारोबान् खेमा मे़नुॽने़न्‍लो॥ खुने़ॽग काक् मे़न्‍छाम् याप्‍मिहाॽ लुङ्‌माॽ के़दुक्‍पा, हुॽमा के़सुक्‍पा, हे़क्‍क्‍याङ् निङ्‌वाॽ हाङ्‌गे़गे़म्‍सिङ्‌बा पोङ्‌मा पोङ्‌लो॥

लुका 17:20

थिक्‌ये़न् फरिसिहाॽरे़ ये़सुन् सेःन्‍मे़दोसु, “निङ्‌वाॽफु हाङ्‌जुम्‍मिन् आप्‍फाल्‍ले़ ताबे?” ये़सुरे़ खे़ङ्‌हाॽ नोगप् पिरुसि, “निङ्‌वाॽफु हाङ्‌जुम्‍मिन् निःम्‍नाबा मिक्‍सेःन्‍नु मे़दाने़न्॥

मत्ति 11:29

इङ्‌गाॽ आजिघे़ःप्‍पिन् कुये़म्‍मे़ॽआङ् इङ्‌गाॽनु हुॽआसिम्‍मे़ॽओ॥ थेआङ्‌भे़ल्‍ले़ इङ्‌गाॽग लुम्‍लुम्‍बा नु चुङ्‌जिगे़म्‍बा चोःक्‍कारो, हे़क्‍क्‍याङ् खिनिॽ याम्‍साम्‍मिल्‍ले़ नाःम्‍सिङ्‌मा खोसुॽरो॥

१ पत्रुस 2:23

खुने़ॽ मनाहाॽरे़ कुजाःत्‍थि मे़देसुल्‍ले़ खे़ङ्‌हाॽओ याङ्‌ना पान् मे़नुःक्‍तुन्‍लो॥ खुने़ॽ तुक्‍खे चे़ःल्‍ले़ मना मे़भे़ःक्‍तुन्‍छिन्‍लो॥ कर नुबा खासे़न्‍दाङ्‌बा निङ्‌वाॽफुमाङ्‌ङोए आबाङे हुक्‍सुप्‍सिङ्‌लो॥

जकरिया 9:9

यहवे दाङ्‌बे़ल्‍ले़ पाःत्तुॽ, “सियाेनरे़ कुस्‍सा मे़न्‍छुमाए, साॽरिक् सःत्ते़ॽओ! यरुसले़मरे़ कुस्‍सा मे़न्‍छुमाए, खे़ने़ॽ साॽरिक् अःक्‍ते़ॽओ! ओमे़त्ते़ॽ, खे़ने़ॽ के़हाङ्‌ङिन् खे़ने़ॽओ तार पत्‍लो, खुने़ॽग से़न्‍लप्‍दाङ्‌बा नु साम्‌योबा चोक्‍लो, खुने़ॽ नःम्‍नःम्‍बा चोक् हे़क्‍क्‍याङ् अदङ् सम्‍धाङ् अदङ्‌ङिल्‍ले़ कुस्‍सा लत्‍छा अदङ्‌साःत्तिन् युक्‍तुआङ् तार पत्‍लो॥

यसैया 42:1

यहवे दाङ्‌बे़ल्‍ले़ पाःत्तुरो, “कन् आङ्‌गाॽ आसे़वारोबारो, खे़न् आङ्‌गाॽ के़धुम्‍बा चोगुङ्‌लो, खे़न् सेगुङ्‌ङाङ् वाॽरो खुने़ॽनु आङ्‌गाॽ सःत्ताङ्‌ङाङ् वाॽआरो॥ आङ्‌गाॽ खे़न् आयाम्‍साम्‍मिल्‍ले़ थुक्‍तुर याःन्‍दुङ्‌ङाङ् वाॽरो हे़क्‍क्‍याङ् खे़ल्‍ले़ के़रे़क् सुवाङ्‌हाॽओ कुदोःप्‍मा खासे़न् तारुरो॥

यसैया 42:3

खे़ल्‍ले़ के़यःप्‍पा मिक्‍लाधिक्‍काङ् मे़ए़क्‍खुन्‍लो, हे़क्‍क्‍याङ् सिदोॽदोॽबा सेमिःन्‍नाङ् खे़ल्‍ले़ मे़से़रुल्‍लो, खे़ल्‍ले़ नसाःन्‍नो कुदोःप्‍मा खासे़न् लोःन्‍दुरो॥