यसैया 42:1 - लिम्बु1 यहवे दाङ्बे़ल्ले़ पाःत्तुरो, “कन् आङ्गाॽ आसे़वारोबारो, खे़न् आङ्गाॽ के़धुम्बा चोगुङ्लो, खे़न् सेगुङ्ङाङ् वाॽरो खुने़ॽनु आङ्गाॽ सःत्ताङ्ङाङ् वाॽआरो॥ आङ्गाॽ खे़न् आयाम्साम्मिल्ले़ थुक्तुर याःन्दुङ्ङाङ् वाॽरो हे़क्क्याङ् खे़ल्ले़ के़रे़क् सुवाङ्हाॽओ कुदोःप्मा खासे़न् तारुरो॥ Gade chapit la |
यसैया 42:1
47 Referans Kwoze
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
यहवे दाङ्बे़ल्ले़ पाःत्तुरो, “इस्राइलबा मनासे, खे़निॽग आङ्गाॽ आदोःन्दिनिङ्लो सेःक्निङ्बा आसे़वारोबानिङ्लो, खे़ल्ले़चोगुल्ले़ खे़निॽ आङ्गाॽ कुसिङ् याप्मि के़निःत्तिरो हे़क्क्याङ् नसान् याप्मि के़जोगिरो, खे़म्ब्याङ् खे़ङ्ग आङ्गाॽएरो फाॽआङ् कुसिङ् के़निःत्तुम्लो॥ आङ्गाॽनुःल्ले़ तगि हाःत्ताङ् माङ् मे़म्बोङ्ङे वये़रो, हे़क्क्याङ् ताःन्दिआङ् हाःत्ताङ् माङ् मे़बोङ्ने़ल्लो॥
“हे़क्क्याङ् खे़निॽनु आङ्गाॽ आमाङ्हुप्पिन् आम्भा कन् पोङ्ॽ॥ आङ्गाॽ आयाम्साम्मिन् खे़निॽ सम्धाङ् वाॽ, हे़क्क्याङ् आङ्गाॽ आबाःन्जाःक्किन् खे़निॽ मुराओ केःत्तुङ् पिनिङ्ङाङ् वाॽ, खे़न् आबाःन्जाःक्किन् खे़ने़ॽ के़म्ब्राओलाम्, खे़ने़ॽ के़स्सा के़एहाॽरे़ खुनिॽ मुराओलाम्, हे़क्क्याङ् खे़ङ्हाॽरे़ खुन्छिॽ साहाॽरे़ मुराओलाम् आल्लआङ्धो सदादिङ्ले़ लागि आभे़ल्ले़आङ् मे़माने़ल्लो॥”
खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ खासे़न् चोगुसिरो, हे़क्क्याङ् खुने़ॽ यरिक् मे़न्छाम् सुवाङ्हाॽरे़ खुन्छिॽ खे़माॽइन् तङ्घु पिरुसिरो॥ खे़न् मे़न्छाम् सुवाङ्हाॽरे़ खुन्छिॽ ताभेहाॽ मे़योःन्दुरो हे़क्क्याङ् के़क्चु थोःङ्मा चुगे़ङ् मे़धगुरो खे़म्ब्याङ् खुन्छिॽ ये़न्-लाःक्हाॽ मे़भे़ःत्छुरो हे़क्क्याङ् चा हे़क्मा कात्च्या मे़धगुरो॥ इक्सादिङ् खाम्बेःक्मोबा मे़न्छाम् सुवाङ्हाॽरे़ थङ् चोःक्मारे़ लागि ताभेन् मे़म्भिःक्खुन्लो, हे़क्क्याङ् आल्लआङ्धो खे़ङ्हाॽ याम्मो ते़न्धङ् चोःक्मा फाॽआङ् मे़न्हुॽसिङ्ने़न्लो॥
हे़क्क्याङ् खे़न् यहुदि नसानिबाहाॽरे़ कन् पाःन्निन् मे़घे़प्सुल्ले़ खुने़ॽनु पान् थक्मा मे़ले़रुआङ् अक्खे मे़बाःत्तुर निङ्वाॽफुमाङ्ङिल्ले़ कुनारा फोमा मे़हेःक्तुरो, “निङ्वाॽफुमाङ्ङिल्ले़ थिम्मे़न्दङ् सुवाङ्हाॽआङ् लायोलाम् हिम्माआङ् मे़न्नुप्मनाबा हिङ्मन्ले़न् सुये़म् पिरुसि के़लॽबा पाःन्निन् नुःरिक्काङ् के़निसुम्लो॥”
खिनिॽ चागे़सोःक्पाआङ् के़बेःक्पा कुजारे़ लागि याःम्बक् मे़जोगे़म्मिन्ने़ॽ, कर इङ्गाॽ मे़न्छाम्साःल्ले़ पिनिङ्बा मे़न्नुप्मनाबा हिङ्मन् थारिक् के़धःप्पा कुजाओ निङ्वाॽ पिरे़म्मे़ॽ, थेआङ्भे़ल्ले़ पानुदिङ् पाः निङ्वाॽफुमाङ्ङिल्ले़ बाहे़क्के चोःक्से़ए इङ्गाॽ युक् पिराङ्ङाङ् वाॽरो॥
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
“दाङ्बाल्ले़ कुसेसे याम्साम्मिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्सान् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
एदोमबा बोज्रा ये़क्यक्लाम् हे़ःक्कङ्गङ्बा चाःम्मनाबा चाङ् के़जाङ्बाआङ् के़भे़म्बे़न् हाःत्निबे? हाङ्वा माङ्वा के़याक्पा तेत् नु खुने़ॽ कुमुक्साम्मो तगाङ् के़भे़म्बार के़बप्पे़न् हाःत्पे? “के़से़न्लप्पिन् उवा के़जोःक्पा यहवे दाङ्बान् आङ्गाॽएरो! ताङ्से़ःप्मा मुक्साम् के़गप्पा यहवे दाङ्बे़ङ्ग आङ्गाॽएरो!”
Piblisite