यसैया 41:4 - लिम्बु4 कुहेःक्सिङ्माआङ्धो थाःक्थाःक् थारिक् के़उःप्पा हे़क्क्याङ् कन् याःम्बक्किन् कुलिङ्दो के़गे़प्पान् हाःप्पे? खे़ङ्ग आङ्गाॽएरो, कुहेःक्सिङ्माआङ्धो के़वाॽबा नु याङ्सिआङ् के़वाॽबा यहवे दाङ्बान् आङ्गाॽएरो॥” Gade chapit la |
यसैया 41:4
26 Referans Kwoze
कुहेःक्सिङ्माआङ्धो हाःत्ले़ ओसेःन्धाङ् चोगुआङ् आनिगे कुसिङ् निःप्मा सुक्तुम्बे़बे? इग्र तगिआङ्धो आत्तिल्ले़ कन् याप्मि ओःन्धाक्ते़आङ् खुने़ॽ कुदोःप्मा वये़ फाॽआङ् आनिगे पाःप्मा सुक्तुम्बे़आङ्बे? कन् पाःन्निन् हाःत्ले़आङ् आनिगे मे़मे़त्तिगे़न्लो, तगि एःल्ले़आङ् लत्छा पाःन्सुत्लाधिक्काङ् मे़बाःत्तुल्लो, खिनिॽ पान् के़घे़म्बा आसाःत्ताङ् मे़वये़ने़ल्लो॥
यहवे दाङ्बे़ल्ले़ पाःत्तुरो, “इस्राइलबा मनासे, खे़निॽग आङ्गाॽ आदोःन्दिनिङ्लो सेःक्निङ्बा आसे़वारोबानिङ्लो, खे़ल्ले़चोगुल्ले़ खे़निॽ आङ्गाॽ कुसिङ् याप्मि के़निःत्तिरो हे़क्क्याङ् नसान् याप्मि के़जोगिरो, खे़म्ब्याङ् खे़ङ्ग आङ्गाॽएरो फाॽआङ् कुसिङ् के़निःत्तुम्लो॥ आङ्गाॽनुःल्ले़ तगि हाःत्ताङ् माङ् मे़म्बोङ्ङे वये़रो, हे़क्क्याङ् ताःन्दिआङ् हाःत्ताङ् माङ् मे़बोङ्ने़ल्लो॥
चिगक्वा याङ्साकुन्धे के़नाप्पाहाॽरे़ खुन्छिॽ हुक्को याकुबे़न् हाःत्ले़ हुक्सुप्तुबे, हे़क्क्याङ् इस्राइले़न् फाःन्दाहाॽरे़ खुन्छिॽ हुक्को हाःत्ले़ थासुबे? थे आनिॽ खुने़ॽ कुदक्ले़ङ्वाओ लायो आजोगुम्बा यहवे दाङ्बे़ल्ले़ए थासुसिबा मेःम्बि? थेआङ्भे़ल्ले़ खे़ङ्हाॽ खुने़ॽ कुलाम्मो लाङ्मे़ङ्घेगे़ल्लो, खे़ङ्हाॽरे़ खुने़ॽ कुइङ्जाङ्ङिन् मे़न्इःत्तुन् मे़न्नाःत्तुल्लो॥
खे़निॽ मिक्किन् थाःङ् फोःक्खाम्मे़ॽआङ् ताङ्साङ्बे़न् ओमे़त्ते़म्मे़ॽओ, कङ्हाॽ के़रे़क् हाःत्ले़ चोगुबाबे? थे खुने़ॽए मेःम्बि, खुने़ॽ खेःम्सिक्पाल्ले़ कुबन्ज्याङ्माहाॽ थिक्थिक् चोगु तारुसिरो हे़क्क्याङ् के़रे़क् थिक्थिक् लॽरिक् मिङ् लोःक्तुसिआङ् उःत्तुसिरो॥ खुने़ॽ पयम् यम्बा कुमुक्साम् नु मुक्साम्साबा कुमुक्किल्ले़ चोगुल्ले़ खे़ङ्हाॽओ लत्छाआङ् मे़म्माने़ल्लो॥
आल्ल ओमे़त्ते़म्मे़ॽ, आङ्गाॽग खुने़ॽएआरो, आङ्गाॽनुःल्ले़ वेॽ हाःत्ताङ् माङ् होप्लो॥ आङ्गाॽए से़रुङ्सिङ्लो, हे़क्क्याङ् आङ्गाॽए कुहिङ्वे़त् चोगुङ्सिङ्लो॥ आङ्गाॽए खाःन्दुङ्सिङ्लो, खम्भ्याङ् आङ्गाॽए वेःन्दुङ्सिङ्लो, हे़क्क्याङ् आङ्गाॽ आहुक्कोलाम् हाःत्ले़आङ् से़म्मा मे़सुक्तुसिन्लो॥
Piblisite