यहवे दाङ्बे़ल्ले़ कोरेसे़न् हाङ् पोङ्मारे़ लागि माङ्थोःक्ना चोगुआङ् वाॽरो॥ खुने़ॽ खे़न् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासिरे़ लागि युक्तिङ् चोगुआङ् वाॽरो॥ खुने़ॽ खे़न् हाङ्हाॽरे़ खुन्छिॽ हुक्कोलाम् युक् नाप्मासिरे़ लागि पाङ्घुरो, यहवे दाङ्बे़ल्ले़ खे़ल्ले़ कुलागि ये़क्यक् पाङ्जुम्बा मालाम्धेःत्हाॽ मे़सुबुन्लो॥ यहवे दाङ्बे़ल्ले़ कोरेसे़न् अक्खे मे़त्तुरो—
यसैया 41:2 - लिम्बु2 “निङ्वाॽफुमाङ्ङिल्ले़ कुसाम्योनिमो कुसे़वा याःम्बक् चोःक्मारे़ लागि हात् उःत्तुआङ् वाॽबे? तॽइ नाङ्गे़न् पिसाङ्नु हाङ्ङिन् हाःत्ले़ कुसिक्समे़र याःन्दुआङ् वाॽबे? खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ कुयुक्को मे़दार याःन्दुसिरो, हे़क्क्याङ् हाङ्हाॽ खे़ल्ले़ कुबेसाङ् कुयुक्को तारुसिरो॥ खुने़ॽ खे़ङ्हाॽ कुदाभेःल्ले़ खाम्पु थ्यःङ् चोगुसिरो, हे़क्क्याङ् कुलिःल्ले़ सुरिःत्तिल्ले़ फे़सुबा याॽसिप् हे़क्के चोगुसिरो॥ Gade chapit la |
यसैया 41:2
22 Referans Kwoze
“फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥
कोरेसे़न् आङ्गाॽ आसाम्योबा याःम्बक्किन् के़त्ल फाॽआङ् फोःक्खुङ्लो, आङ्गाॽ खे़ल्ले़ के़रे़क् कुलाम्हाॽ तोःन्दोम्बा चोगुङ्लो॥ खे़ल्ले़ आङ्गाॽ आये़क्यक्किन् याम्मो चोगुरो, हे़क्क्याङ् मे़दे़म्सु मे़देॽरुसिबा के़रे़क् आमानाहाॽ खे़ल्ले़ ले़रुसिरो, कर कुमे़ल्लुङ् हुङुआङ्ग मेःल्लो, कुजे़न्नाङ् मे़दाःक्तुल्लो,’” मुक्साम्दाङ्बा यहवे दाङ्बे़ल्ले़ पाःत्तुरो॥
“फारसबा हाङ् कोरेसे़ल्ले़ अक्खे पाःत्तुरो— “‘यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ इक्सादिङ् खाम्बेःक्मोबा के़रे़क् हाङ्जुम्हाॽ आङ्गाॽ पिराङ्ङाङ् ने़रो॥ हे़क्क्याङ् खुने़ॽए आङ्गाॽ यहुदाओबा यरुसले़ःम्मो खुने़ॽ कुलागि लत्छा माङ्हिम् चोःक्मा इङ्जाङ् पिराङ्ङाङ् वाॽ॥ आल्लो खिनिॽ लुम्मो के़वाॽबा, खुने़ॽ कुमनाहाॽओबाहाॽ के़रे़क् आङ्गाॽ मे़त्तुङ्सिङ्ॽ, यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्ङिन् खुन्छिॽनु सोरिक् वाॽर, हे़क्क्याङ् खे़ङ्हाॽ यरुसले़ःम्मो मे़धोःक्सिङ् मे़बेःक्लरो॥’”
यहोआहाजरे़ कुलागि ङाबोङ् अन्गे़युक्पाहाॽ, थिबोङ् अन्लाधाहाॽ नु थिबोङ् हे़न्छिङ् खाम्बाङ्ङो लाङ्गे़घेःक्पा थक्सुबाहाॽरक् मे़दाङे़ मे़याःक्ते़ वेॽ आत्तिन् थक्सुबाहाॽआङ् मे़न्दाङे़न्, थेआङ्भे़ल्ले़ अरामबा हाङ्ङिल्ले़ वेॽ के़रे़क् मे़क्खुसिआङ् चाधाम्मादे़न्नोबा खाम्हिःक् कुइसिक् चोगुसिआङ् वये़॥
“आङ्गाॽ, यहवे दाङ्बे़ल्ले़ आसाम्योबा आयाःम्बक् कुइसिक् खे़निॽ उःत्निङ्ङाङ् वाॽरो॥ आङ्गाॽ खे़ने़ॽ के़हुक्किन् ते़म्सुङ्, हे़क्क्याङ् से़ःप्ने़रो, खे़ने़ॽए इक्सादिङ् खाम्बेःक्कोबा मे़न्छाम् सुवाङ्हाॽरे़ लागि माङ्हे़क् चोःक्ने़रो खम्ब्याङ् थिम्मे़न्दङ् सुवाङ्हाॽरे़ खुनिॽ लागि ओःत्ति चोःक्ने़रो॥
“दाङ्बे़ल्ले़ के़रे़क् आधक्सुबाहाॽ नाॽरुसिआङ् वाॽरो, आङ्गाॽ थाङ्बे़न् आमनाहाॽ तरःम्दरःम् लःम्मासिरे़ लागि आङ्गाॽ आदक्ले़ङ्वाओ के़धुम्बाहाॽ फुक्खुसिआङ् वाॽरो॥ खुने़ॽ चे़ल्ले़क्सेॽ एःम्मादे़न्नो, चे़ल्ले़क्सेॽ एःप्मनाबा हे़क्के यहवे दाङ्बे़ल्ले़ यहुदाःल्ले़ सिसागे़न् कुस्सा मे़न्छ्यान् युःत्तुआङ् वाॽरो॥
Piblisite