यसैया 41:18 - लिम्बु18 मुरे़क् खारे़क्पा कोःक्मा फाङ्जङ् थे़गु माङ्वाहाॽओनु वहःङ् कुङ्ल याःन्दुङ्लो, हे़क्क्याङ् ते़म्भोओ वाबुन्दाक्वाहाॽ लःन्ल चोगुङ्लो॥ मुरे़क् खारे़क्पा ये़ःङ्घादे़न्निन् वरक् पोङ्ल चोगुङ्लो, हे़क्क्याङ् के़हेबा खाम्बेःक्मान् च्वाःत् पुन्दाक्वा चोगुङ्लो॥ Gade chapit la |
यसैया 41:18
24 Referans Kwoze
यहवे दाङ्बे़ल्ले़ खिनिॽ चक्मे़ल्लॽए लाम्गे़लोसिरो, हे़क्क्याङ् साॽरिक् नाम्गे़लाःङ्बा ते़न्हाॽओआङ् नुबा पाःन्हाॽरे़ खे़निॽ निङ्वाॽ तार चोगुरो॥ खे़म्ब्याङ् खे़निॽ ये़प्पा लुङ्सिहाॽ के़धुम्बा चोगु के़बिरिरो, च्वाःत्तिल्ले़ पयो योरुर वारङ्मनाबा सिङ्सेॽइक् कुइसिक् हे़क्क्याङ् मे़न्जप्मनाबा वाबुन्दाक्वा हे़क्तङ्बा के़बोक्खिरो॥
खे़न् ये़न्नो कोःक्मा फाङ्जङ्हाॽओलाम् कुबोक् चे़ल्ले़क्सेॽ थिहाॽ वयु युरो, हे़क्क्याङ् थे़गु माङ्वाहाॽलाम् पित्नु कुङ्मा हेःक्लो यहुदाबा के़रे़क् पाक्लुम्लुम्बादे़न्हाॽओ च्वाःत् लाङ्घेःक्लो, यहवे दाङ्बे़ल्ले़ कुहिम्मोलाम् च्वाःत् वदुन्दाक्वा थिक् लःन्लो हे़क्क्याङ् सित्तिमबा ने़ने़बादे़न्निन् वारक्खुरो॥
खे़ङ्हाॽ सुरित् केजङ्लाम् वइःम्सिङ्मा नु खइक् खइक् के़इक्सिङ्बा वहित् साम्मिःत्लाम् इःम्सिङ्मादे़न् कुसिङ्बा मे़बोङ्लो॥ खे़म्ब्याङ् थेआङ् के़होप्पा मुरे़क् खारे़क्पा ये़ःङ्घादे़न्नो च्वाःत् लाङ्गे़घेःक्पा वहःङ् हे़क्तङ्बा मे़बोङ्लो, च्वाःत् के़हेबा खाम्बाङ्ङो यम्बा याक्पेओबा नाम्इःक्खङ् हे़क्तङ्बा मे़बोङ्लो॥
खे़ब्याङ् यहवे दाङ्बे़ल्ले़ लहिओ पाक्लुम् के़लॽबा ते़न्निन् चिरुआङ् हे़रु, हे़क्क्याङ् खे़प्मोलाम् च्वाःत् लःन्दे़॥ सिमसोनरे़ खे़न् च्वाःत्तिन् थुङुआङ् खुने़ॽ कुसक्मा के़रे़ हे़क्क्याङ् खुने़ॽ याम्मो कुयाम् चाङ्जाङ्बा पोःक्खे़॥ कल्ले़चोगुल्ले़ लहिबा च्वाःत् वाबुन्दाक्वान् आइन्बा ये़न् थारिक्काङ् एन-हक्कोरे मे़मे़त्तु॥
Piblisite