यसैया 41:16 - लिम्बु16 खे़ने़ॽ खे़ङ्हाॽ के़आःप्सुसिरो, हे़क्क्याङ् सुरिःत्तिल्ले़ खे़न् पक्खु तेॽरुरो, खे़ब्याङ् सुरित् केजङ्ङिल्ले़ फे़सु तेॽरुसिरो॥ कर खे़ने़ॽग यहवे दाङ्बाओ के़सःत्लो, खे़ने़ॽ इस्राइलबा सेसे निङ्वाॽफुमाङ्ङिन् मिमिदिङ् के़बिरुरो॥ Gade chapit la |
हे़क्केसाङ् के़गुङ्बा के़युबा च्वाःत्तिन् सःक्पा कुइसिक् इक्सादिङ् खाम्बेःक्मोबा मे़न्छाम् सुवाङ्हाॽ मे़अःक्लो, हे़क्क्याङ् निङ्वाॽफुमाङ्ङिल्ले़ खे़ङ्हाॽ फे़ःक्तुसिरो, हे़क्केःल्ले़ खे़ङ्हाॽ माःङ्घा मे़घे़त्छिङ् मे़बेःक्लो, खे़ब्याङ् सुरित् केजङ्ङिल्ले़ कोःक्माओ फे़सु तेॽरुबा चासिप् नु खइक् खइक् के़इक्सिङ्बा साम्मिःत् केजङ्ङिल्ले़ फे़सु तेॽरुबा याःन्सुङ्हाॽ कुइसिक् खे़ङ्हाॽ पुबेलाप्सा मे़नाःत्तुसिरो॥
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
“यहवे दाङ्बे़ल्ले़ से़क्खासाङ् यरुसले़म के़युङ्बाहाॽ हाङ्हाङ् मे़त्तुसिरो, हे़क्क्याङ् खुने़ॽ खे़न् के़लुःम्बा हिम्यःक्हाॽ लुङ्माॽ तुक्तुआङ् ओमे़त्तुरो॥ खे़ब्याङ् खे़प्मोबा मुरे़क् खारे़क्पा ये़ःङ्घादे़न्निन् अदन सिङ्सेॽइक्के़न् कुसिङ् चोगुरो, हे़क्क्याङ् चा मे़न्नुॽमनाबा खाम्बेःक्के़न् यहवे दाङ्बे़ल्ले़ कुसिङ्सेॽइक् हे़क्के चोगुरो॥ पसःत् सःप्मा नु निङ्वाॽ तामा, हे़क्क्याङ् नुगे़न् पिमा नु साम्लोमारे़ इक्लान् खे़ॽयो खोदे़त्लो॥
खे़ब्याङ् खे़न् फे़न्जेॽ, पसाक्के़साक्पा खाम्, कासा, युप्पा नु साम्म्याङ्हाॽ थिक्ले़ङ्ले़ कुम्जिक्मा पोःक्खे़, हे़क्क्याङ् हाङ्वामा ये़म्मो चा थाम्मादे़न्नोलाम् चाःल्ले़ कुसिप्हाॽ सुरित् केजङ्ङिल्ले़ फुत्लुम् फे़सुदेॽरुबा कुइसिक् खे़न् वरे़ङ्ले़ङ् फे़सुदेॽरु॥ कर खे़न् इःत्तो के़दोःक्पा लुङ्ङिन् यम्बा पोःक्खे़र पेआङ् कोःक्मा फाङ्जङ् पोःक्खे़ हे़क्क्याङ् खे़ल्ले़ काक् इक्सादिङ् खाम्बेःक्मान् ते़प्तु॥
सियोन के़युङ्बा मनासे, खिनिॽ सःत्ते़म्मे़ॽओ, यहवे दाङ्बा खिनिॽ निङ्वाॽफुमाङ्ङो निङ्वाॽ तासाम्मे़ॽओ, थेआङ्भे़ल्ले़ खुने़ॽ चुङ्वाःम्मो थासुबा वहित्तिल्ले़ खुने़ॽ नसाःन्साबा चोःक्पा पाःन्निन् ओसेःन्धाङ् पोङ्लो॥ खुने़ॽ तगि हे़क्केए चुङ्वाःम्मा नु फुङ्वाःम्मा ये़म्मो पाङ्गे़न्दिङ् वहित्ते़न् थ्ये़र याःन्दुआङ् वाॽरो॥
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥