‘सियोनरे़ कुस्सा मे़न्छुमाए, पोगे़ॽआङ् चाधाप्से़ॽओ, थेआङ्भे़ल्ले़ आङ्गाॽ खे़ने़ॽ फे़न्जेॽ ताङ्हाॽ पिने़रो, आङ्गाॽ खे़ने़ॽ कासा लाङ्तोॽभेत् पिने़रो, हे़क्क्याङ् चाधाम्मनाबा हे़क्के मे़न्छाम् सुवाङ्हाॽ के़धाप्सुसिरो॥ खे़ङ्हाॽरे़ फे़न्याःम्बक् मे़जोगुआङ् मे़सुप्सुबा पोगुगे़न् कुजाहाॽ हे़क्क्याङ् खे़ङ्हाॽरे़ खुन्छिॽ याङ्साकुन्धेहाॽ काक् इक्सादिङ् खाम्बेःक्कोबा यहवे दाङ्बाओ के़दोःन्दुरो॥’”
यसैया 41:15 - लिम्बु15 ओमे़त्ते़ॽ, आङ्गाॽ खे़ने़ॽ कुसङ् नु हासम्सम्बा कुहाबोॽ के़युङ्बा चा हिप्मा खजुम् खया चोःक्ने़रो॥ खे़ने़ॽ नाङ्जङ्लुङ्हाॽ के़साःक्तुरो, हे़क्क्याङ् चिधक् चिधक् के़धगुआङ् खाप्पुथ्यःङ् के़जोगुरो, खे़ब्याङ् थे़गुहाॽ चासिप् हे़क्तङ्बा के़जोगुरो॥ Gade chapit la |
यसैया 41:15
20 Referans Kwoze
कोःक्मा फाङ्जङ् थे़गु माङ्वा हे़क्तङ्बा पयम् यम्बा याप्मि के़हम्बा पाःन्हाॽ थे़माआङ्बे? यरुबाबेलरे़ कुदगि खे़ने़ॽ ले़प्पे़प्पा के़बोङ्ॽ॥ हे़क्क्याङ् मनाहाॽ मे़सःत्ताङ् ‘निङ्वाॽफुमाङ्ङिल्ले़ कन् हाङ्वागे़न् मुॽइसाम् पिरुर, हाङ्वागे़न् मुॽइसाम् पिरुर!’” तियाहा मे़लॽर मे़अःक्किल्ले़ खुने़ॽ कुम्मालुङ्ङिन् युक्खुॽ॥
हे़क्केसाङ् के़गुङ्बा के़युबा च्वाःत्तिन् सःक्पा कुइसिक् इक्सादिङ् खाम्बेःक्मोबा मे़न्छाम् सुवाङ्हाॽ मे़अःक्लो, हे़क्क्याङ् निङ्वाॽफुमाङ्ङिल्ले़ खे़ङ्हाॽ फे़ःक्तुसिरो, हे़क्केःल्ले़ खे़ङ्हाॽ माःङ्घा मे़घे़त्छिङ् मे़बेःक्लो, खे़ब्याङ् सुरित् केजङ्ङिल्ले़ कोःक्माओ फे़सु तेॽरुबा चासिप् नु खइक् खइक् के़इक्सिङ्बा साम्मिःत् केजङ्ङिल्ले़ फे़सु तेॽरुबा याःन्सुङ्हाॽ कुइसिक् खे़ङ्हाॽ पुबेलाप्सा मे़नाःत्तुसिरो॥
कोःक्मा थे़गुहाॽरे़ लागि मे़रिङ् थक्कारो हे़क्क्याङ् पित् चाराम्मादे़न्निल्ले़ लागि आङ्गाॽ हाःप्पारो थेआङ्भे़ल्ले़ खे़न् हेरे़ चबे़आङ् ने़रो खे़ब्याङ् हाःत्ताङ् खे़न् ते़न्नोलाम्बा मे़बोङ्ने़न्नाङ् मे़बेःक्ने़न्लो॥ खे़प्मो पित् मे़माःङ्बा इक्लाआङ् खे़म्मे़दे़त्ने़ल्लो, थक्सा पुसाहाॽआङ् मे़घे़त्छिङ् मे़बेआङ् मे़वाॽरो॥
खे़ब्याङ् खे़न् फे़न्जेॽ, पसाक्के़साक्पा खाम्, कासा, युप्पा नु साम्म्याङ्हाॽ थिक्ले़ङ्ले़ कुम्जिक्मा पोःक्खे़, हे़क्क्याङ् हाङ्वामा ये़म्मो चा थाम्मादे़न्नोलाम् चाःल्ले़ कुसिप्हाॽ सुरित् केजङ्ङिल्ले़ फुत्लुम् फे़सुदेॽरुबा कुइसिक् खे़न् वरे़ङ्ले़ङ् फे़सुदेॽरु॥ कर खे़न् इःत्तो के़दोःक्पा लुङ्ङिन् यम्बा पोःक्खे़र पेआङ् कोःक्मा फाङ्जङ् पोःक्खे़ हे़क्क्याङ् खे़ल्ले़ काक् इक्सादिङ् खाम्बेःक्मान् ते़प्तु॥
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥
कर कोःक्मा फाङ्जङ् लाजेॽबा ताम्भुङ्ङिन्नाङ् खिनिॽइन् पोङ्ॽ॥ खे़प्मोबा सिङ्बुङ्हाॽ ले़ःक्खे़म्मे़ॽ, हे़क्क्याङ् खे़ल्ले़ कुया कुदिङ्बा लाजेःन्नाङ् खिनिॽइन्ने पोङ्ॽ॥ खे़न् कनानिहाॽरे़ फे़न्जेॽ अन्लाधाहाॽ मे़गत्तुॽ खम्भ्याङ् खे़ङ्हाॽ के़धुम्बा मे़जोक् हे़क्केसाङ् खिनिॽ खे़ङ्हाॽ नाःप्मादेमा के़सुक्तुम्सिम्लो॥”
Piblisite