यसैया 41:10 - लिम्बु10 कल्ले़चोगुल्ले़ खे़ने़ॽ मे़गिसे़न्ने़ॽओ, थेआङ्भे़ल्ले़ आङ्गाॽ खे़ने़ॽनु वाॽआरो॥ के़निङ्साङ् मे़बुगे़न्ने़ॽ, थेआङ्भे़ल्ले़ आङ्गाॽ के़निङ्वाॽफुमाङ्आरो, आङ्गाॽ खे़ने़ॽ के़धुम्बा चोःक्ने़रो॥ आङ्गाॽ खे़ने़ॽ फाॽने़रो, साम्योबा आजुक्वा आहुक्किल्ले़ आङ्गाॽ खे़ने़ॽ फाॽने़ चोःक्ने़रो॥ Gade chapit la |
यसैया 41:10
63 Referans Kwoze
कन् थङ्ङिन् खिनिॽ थक्मा मे़बोङ्ने़न्॥ पे़न्बे़न् थे़ःक्पे़त् पे़न्नासिम्मे़ॽआङ् हाङ्घाम्मे़ॽआङ् ये़बे़म्मे़ॽ॥ यहवे दाङ्बे़ल्ले़ खिनिॽ ताङ्गे़से़ःप्तिबा याःम्बक्किन् खिनिॽ निमा के़घोसुम्ॽ॥ मे़गिसे़म्मिन्ने़ॽआङ् खिनिॽ यङ्माआङ् मे़गे़रे़म्मिन्ने़ॽ॥ ताःन्दिक् खे़ङ्हाॽनु थक्से़ खिनिॽ लःन्दे़म् फे़रे़म्मे़ॽ, थेआङ्भे़ल्ले़ यहवे दाङ्बे़न् खिनिॽ ले़प्माङ् वाॽ॥’”
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
यहवे दाङ्बे़ल्ले़ अक्खे पाःत्तुरो— “सुये़म्मो आङ्गाॽ खे़ने़ॽ नुगप् पिने़रो, हे़क्क्याङ् से़न्लप् पिमा ये़न्नो आङ्गाॽ खे़ने़ॽ फाॽने़रो॥ चिजि खक्खक् के़बोङ्बा इस्राइलबा लाजेन् याम्मो फोङ्मारे़ लागि हे़क्क्याङ् खे़न् लाजेःल्ले़ आबाङे कुन्दाङ्बाहाॽ याम्मो नुःक्मा पिमासिरे़ लागि आङ्गाॽ खे़ने़ॽ से़ःप्ने़ कत्ने़रो खे़ब्याङ् मनारे़ लागि आङ्गाॽ खे़ने़ॽ माङ्हुप् चोःक्ने़रो,
कोःक्मा फाङ्जङ्हाॽओ सुनाइङ् के़से़बाहाॽरे़ खुन्छिॽ लाङ्हाॽ साॽरिक् के़घे़म्सिङ्बा चोक्लो, खे़ङ्हाॽरे़ सुनाइङ् इङ्मे़भोसुरो, खे़ङ्हाॽरे़ सनारुङ् उवा मे़जोगुरो॥ खे़ङ्हाॽरे़ से़न्लप् खोमा पाःन्हाॽ उवा मे़जोगुरो, खुने़ॽ सियोनबा मनाहाॽ मे़त्तुसिरो, “खे़निॽ निङ्वाॽफुमाङ्ङिल्ले़ हाङ्युक् चोगुरो॥”
आम्भा खे़न् ये़म्मो खे़न् सुम्बोङ् मनाहाॽओबा तुम् लाम्लोबा अमासैन् याम्साम्मिल्ले़ थुक्तु, हे़क्क्याङ् खुने़ॽ अक्खे पाःत्तुरो, “दाउदए, आदाङ्बानु आनिगे फुङ्ङासिरो! यिसैरे़ कुस्साए, आदाङ्बानु आनिगे वयिगे़रो! आदाङ्बा के़नुॽ के़दाररो, के़नुॽ के़दाररो, हे़क्क्याङ् खे़ने़ॽ के़भाॽबाङ्हाॽ मे़नुॽमे़दाररो, थेआङ्भे़ल्ले़ आदाङ्बारे़ के़निङ्वाॽफुमाङ्ङिन्ने आदाङ्बारे़ के़भाॽबाङ् वाॽरो॥” कल्ले़चोगुल्ले़ दाउदरे़ खे़ङ्हाॽ लाङ्दाक् मे़त्तुसि, हे़क्क्याङ् के़नाप्पा के़हिप्पा कुमना सुम्हाॽओबा लाम्लोबा चोगुसिरो॥
खुने़ॽ पाःत्तुर तेॽरु, “दानिए़लए, मे़गिसे़न्ने़ॽ, खे़ने़ॽ के़निङ्वान् खासिङ्निःप्मा ले़प्माङ् निङ्वाॽ के़बिरुबा नु खे़ने़ॽ के़निङ्वाॽफुमाङ्ङिल्ले़ कुदगि आप्फेक् नःम्नःम्बा के़जोःक्सिङ्बा थिक्सिगेक्पा ये़न्नाङ्धोए के़बेःल्लिहाॽ के़निङ्वाॽफुमाङ्ङिल्ले़ खे़प्सुआङ् वये़, आङ्गाॽ के़बेलिगे़न् तुवाःल्ले़ नुगप् पिसे़ याङ्ङाङ् वाॽआ॥
हाबा खे़न् से़न्दिक् यहवे दाङ्बान् खुने़ॽओ निधाःम्सिङ्, हे़क्क्याङ् मे़त्तु, “आङ्गाॽ के़म्बा अब्राहाम्मिल्ले़ कुनिङ्वाॽफुमाङ्आ॥ खे़ने़ॽ मे़ङ्गिए़ॽ थेआङ्भे़ल्ले़ आङ्गाॽ खे़ने़ॽनु वाॽआ॥ आङ्गाॽ खे़ने़ॽ हाङ्वामुॽइ पिने़, आसे़वारोबा अब्राहाम्मिन्नु चोगुङ्बा माङ्हुप्पिल्ले़ चोगुल्ले़ आङ्गाॽ के़मुॽइदाङ्साहाॽ फोसुङ्सिङ् पिने़॥”
“आङ्गाॽ यहुदाबा हिम्सयङ्हाॽ के़धुम्बा चोगुङ्सिङ्लो, हे़क्क्याङ् योसेफरे़ कुहिम्सयङ्हाॽ ताङ्से़ःप्तुङ्सिङ्लो॥ आङ्गाॽ खे़ङ्हाॽ याम्मो नुःक्तुङ् तारुङ्सिङ्लो, थेआङ्भे़ल्ले़ आङ्गाॽ खे़ङ्हाॽ लुङ्माॽ तुक्तुङ्सिङ्लो॥ आङ्गाॽ खे़ङ्हाॽ मे़नाॽरुङ्सिङ्ङिन्बा हे़क्तङ्बा मे़बोङ्लो, थेआङ्भे़ल्ले़ आङ्गाॽ यहवे दाङ्बा खुन्छिॽ निङ्वाॽफुमाङ्आरो, हे़क्क्याङ् आङ्गाॽ खे़ङ्हाॽरे़ खुन्छिॽ पेलिगे़न् तुवान् खे़प्सुङ्लो॥
Piblisite