यसैया 40:9 - लिम्बु9 “सियोनबा मनाहाॽओ सुनाइङ् के़से़बासे, खे़निॽ केःम्बा नाङ्जङ्लुङ्ङो पेगे़म्मे़ॽओ॥ यरुसले़म ये़क्यक्पा मनाहाॽ सुनाइङ् इङ्भन् के़हाबासे, साॽरिक् अःक्ते़म्मे़ॽओ, अःक्ते़म्मे़ॽओ, मे़गिसे़म्मिन्ने़ॽओ॥ यहुदा पाङ्जुम्मोबा मनाहाॽ मे़त्ते़म्सिम्मे़ॽओ, ‘ओमे़त्ते़म्मे़ॽ, खे़निॽ निङ्वाॽफुमाङ्ङिन् हाबा कॽयो वाॽरो!’ Gade chapit la |
यसैया 40:9
31 Referans Kwoze
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
कर इस्राइलिहाॽरे़ सुनाइङ्ङिन् से़क्खाए मे़ङ्घे़म्मे मे़वाॽबि? से़क्खाए खे़ङ्हाॽरे़ मे़घे़प्सुआङ् वाॽरो॥ थेआङ्भे़ल्ले़, कन् सुनाइङ् के़से़बाहाॽरे़ खुनिॽ इङ्घङ्ङिन् खाम्बेःक्मो काक् पिसाङ् से़रे़आङ् वाॽरो, हे़क्क्याङ् खे़ङ्हाॽरे़ मे़बाःत्तुबा पाःन्निन् इक्सादिङ् खाम्बेःक्मोबा के़रे़क् ते़न्नो से़रे़आङ् वाॽ लॽरिक् साम्योसाप्लाओ साप्ते़आङ् पत्लो॥
मुरे़क् खारे़क् थेआङ् के़होप्पा लाजेन् सःत्ताङ् साम्लोरो, खे़न् साॽरिक् कुसिराॽधाङ्ङाङ् अःक्लो॥ खे़ल्ले़ ले़बनानबा कुघे़म्सिङ्मे़न् खोसुरो, हे़क्क्याङ् खे़ल्ले़ कर्मेल कोःक्मान् नु सारोनबा ते़ल्लक्किल्ले़ कुहाङ्वा कुमाङ्वान् खोसुरो॥ खे़ङ्हाॽरे़ यहवे दाङ्बे़ल्ले़ कुमिमिदिङ् नु आनिॽ निङ्वाॽफुमाङ्ङिल्ले़ कुहाङ्वा कुमाङ्वान् मे़निसुरो॥
आङ्गाॽ आसे़वारोबाहाॽरे़ खुन्छिॽ पाःन्निन् निःन्धो चोगुङ्लो, हे़क्क्याङ् आइङ्घङ् के़साबाहाॽरे़ खुन्छिॽ माङ्निङ्वाॽपान्निन् कुलिङ्दो के़त्तुङ्लो॥ आङ्गाॽ यरुसले़म ये़क्यक्किल्ले़ कुयाःम्बेओ अक्खे पाःत्तुङ्लो, ‘खे़न् मनाहाॽरे़ खुन्छिॽ युङ्मादे़न् पोङ्लो,’ आङ्गाॽ यहुदाबा ये़क्यक्हाॽरे़ कुयाःम्बेओ कम्भ पाःत्तुङ्लो, ‘खे़ङ्हाॽ याम्मो चोःक्मा पोङ्लो,’ आङ्गाॽ खे़न् मे़धुप्सु मे़यसुबादे़न्हाॽरे़ कुयाःम्बेओ अक्खे पाःत्तुङ्लो, ‘आङ्गाॽ याम्मो से़त्तुङ् चोगुङ्लो॥’
ओमे़त्ते़म्मे़ॽ, सुनाइङ् के़दाःप्पा नु नुॽमादामा इङ्घङ् उवा के़जोःक्पाहाॽरे़ खुन्छिॽ लाङ्हाॽ कोःक्मा फाङ्जङ् थे़गु माङ्वाहाॽओ फे़न्ल पत्लो॥ यहुदाए, खे़ने़ॽ के़दङ्नाम्हाॽ तोसे़ॽओ खे़ने़ॽ माङ्हे़क् के़जोगुबा पाःन्हाॽ के़त्ते़ॽओ॥ आल्लआङ्धो कुॽइगे़भे़म्बाहाॽरे़ खे़ने़ॽ के़मे़म्भत्ने़न्लो, खे़ङ्हाॽ वरे़ङ्ले़ङ् युम्रे़क् मे़मे़क्लो॥
Piblisite