यसैया 40:2 - लिम्बु2 नःम्नःम्माङ् यरुसले़म ये़क्यक्को के़युङ्बा मनाहाॽ मे़त्ते़से़ॽओ, खे़ॽयोबा मनाहाॽरे़ खुन्छिॽ तुक्खेन् पेआङ् वाॽरो॥ हे़क्क्याङ् खे़ङ्हाॽरे़ खुन्छिॽ लायोहाॽ ले़प्मि पोःक्खे़आङ् वाॽरो, खे़ङ्हाॽरे़ खुन्छिॽ लायोहाॽरे़ लागि निले़ङ्बा खुम्दिङ् मे़घोसुआङ् वाॽरो॥ Gade chapit la |
यसैया 40:2
54 Referans Kwoze
थेआङ्भे़ल्ले़ निःन्धो के़बोङ्बा ये़म्मिन् के़प्मारे़ लागि सुफोःल्ले़ हाङ्घुर वाॽरो, खे़ल्ले़ कुनुप्माल्ले़ कुयाःम्बेओ पाःत्तुरो हे़क्क्याङ् खे़न् से़क्खाए पोङ्लो॥ खे़न् के़प्मा सुसाङ् खे़ने़ॽ हाङ्से़ॽआङ् युङे़ॽओ, थेआङ्भे़ल्ले़ खे़न् से़क्खाए के़त्लो, खे़न् के़प्मा साॽरिक् मे़सुने़न्लो॥
कर यहवे दाङ्बे़ल्ले़ अक्खे पाःत्तुरो— “ओरो, थक्सुबाहाॽलाम् पुङ्लाहिम्मो साक्पा के़धाबाहाॽ हे़क्क्याङ् कुॽइगे़भे़म्बाहाॽलाम् मे़नाप्तुसिबा चिगक्वाहाॽ नाप्मा सुक्मे़दे़त्लो॥ आत्तिन्हाॽ खे़निॽनु खे़माॽ मे़जोक् आङ्गाॽ खे़ङ्हाॽनु खे़माॽ चोःक्कारो, खे़ब्याङ् आङ्गाॽ आस्सा आएहाॽ से़ःप्तुङ्सिङ्लो॥
कर कम्ब्राङ् के़इःप्पाआङ् के़युङ्बा मे़न्छाम् सुवाङ्हाॽनु आङ्गाॽ साॽरिक् आसिक् पोगे़आङ् वाॽ! आङ्गाॽग यरुसले़म हे़क्क्याङ् सियोने़न्नु आजे़ःत्छिक्लक् आसाक्के़न् पोगे़आङ् वयाङ्, कर यरुसले़ःम्मिन् के़भप्पा खे़न् मे़न्छाम् सुवाङ्हाॽरे़ग आङ्गाॽ इःत्तुङ्बान्नुःल्ले़आङ् यरिक् तुक्खे मे़जाःत्तुसि॥’
याप्मि के़घुम्बाहाॽओ ताप्फे़ःम्बा इङ् तारे़ॽओ कर आजाःत्थि पेःक्मालाम् से़ःप्ताङ्ङे़ॽओ, यहवे दाङ्बाए, खे़ङ्हाॽ किमा यङ्माओ थासे़से़ॽओ कर आङ्गाॽ किमा यङ्मालाम् से़ःप्ताङ्ङे़ॽओ॥ खे़ङ्हाॽरे़ खुन्छिॽ सम्धाङ् तुक्खे चामा ये़न्निन् तारे़ॽओ खे़म्ब्याङ् खे़ङ्हाॽ चियुःत् चियुःत् युःत्ते़से़ॽओ॥
यहवे दाङ्बे़न् माङ्से़वा मे़प्मा याःम्बक्किल्ले़ कुयाःम्बेओ कुजे़क्पा निङ्वाॽ के़गप्पा ले़बिहाॽ हिजकियाःल्ले़ आःन्छिङ्मा पाःन्जाःक् मे़त्तुसि॥ कम्भलॽरिक् खे़ङ्हाॽरे़ तङ्नाम्बा नुसि ये़न् थे़ल्लिक् तङ्जुम् वयागे़न् सिदुङ्जभाहाॽ मे़दोन्दुर, यहवे दाङ्बा खुन्छिॽ पाधे़बाहाॽरे़न् निङ्वाॽफुमाङ्ङिल्ले़ कुनारा मे़भोसु हे़क्क्याङ् खुन्छिॽ लागि मे़जॽरुबा लक्हाॽ मे़जआङ् ये़म् मे़देसु॥
खे़ने़ॽ के़दक्ले़ङ्वाओ मे़जोगुबा आक्तङ्बा फे़जुम्भे़यारे़आङ् खे़ने़ॽ नाःम्मा के़न्छुक्ने़ल्लो, हे़क्क्याङ् खे़ने़ॽ आप्तिक् के़गुःप्पा मनाहाॽ खे़ने़ॽ याङ्ना आप्तिक् के़गुःत्तुसिरो॥ कङ्ग यहवे दाङ्बे़ल्ले़ कुसे़वारोबाहाॽरे़ खुन्छिॽ लागि याङ्सा कुन्धेरे़न् लक्लो, खे़ब्याङ् आङ्गाॽलाम् खे़ङ्हाॽरे़ खुन्छिॽ आप्तिक् मेःन्नेबा पर्माःङ्गि हाबा कन्लो॥’”
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
आम्भा कल्ले़ए इस्राइलबा मनाहाॽरे़ खुन्छिॽ लायोन् ले़प्मि चोगुरो, हे़क्क्याङ् खे़ल्ले़ कुलायोन् माःङ्घा पोङ्बा मिक्सेःन्निङ्ग खे़ल्ले़ ले़त्ति तोःम्मा ते़न्हाॽओबा के़रे़क् लुङ्हाॽ खरि-लुङ् कुइसिक् फयःप्फयःप् यःप्सुदेसुरो, खे़ब्याङ् असेरा माङ्ङिल्ले़ कुसित्लाङ्हाॽ नु साङ्सिङ् सुक्पा हाःम्मा ते़रे़ःङ्हाॽ लत्छाआङ् तक्पे़त् मे़युक्खुल्लो॥
Piblisite