यसैया 40:13 - लिम्‍बु

¹³ हाःत्‍ले़ यहवे दाङ्‌बे़ल्‍ले़ कुनिङ्‌वान् निसुआङ् वाॽबे, इग्र हात् खुने़ॽ कुसुजादाङ्‌बा पोःक्‍खे़आङ् खुने़ॽ हुॽरुआङ् वाॽबे?

यसैया 40:13 Referans Kwoze

१ कोरन्‍थि 2:16

साम्‌योसाप्‍लाओ अक्‍खेलॽरिक् साप्‍ते़आङ् पत्, “दाङ्‌बाल्‍ले़ कुनिङ्‌वाॽइन् हाःत्‍ले़ निसुआङ् वाॽबे? हे़क्‍क्‍याङ् हाःत्‍ले़ खुने़ॽ हुॽमा सुक्‍तुबे?” कर आनिगे़ग ख्रिस्‍तरे़ कुनिङ्‌वाॽइन् कत्तुम्‍बे़रो॥

रोमि 11:34

“दाङ्‌बाल्‍ले़ कुनिङ्‌वाॽइन् हाःत्‍ले़ निसुआङ् वाॽबे? हे़क्‍क्‍याङ् हात् खुने़ॽ सुजा के़बिबा पोःक्‍खे़आङ् वाॽबे?”

अयुब 21:22

थे मनाहाॽरे़ निङ्‌वाॽफुमाङ्‌ङिन् हुॽमा मे़सुक्‍तुबि? थे खुने़ॽ साङ्‌ग्राम्‍पेदाङ्‌ङो के़युङ्‌बाहाॽआङ् खासे़न् चोगुसिबि?

लुका 10:22

“आम्‍बारे़ काक् पाःन्‍हाॽ पिराङ्‌ङाङ् वाॽरो॥ कुस्‍सान् हाःप्‍पे फाॽआङ् कुम्‍बारे़रक् कुसिङ्‌निःत्तुॽ, वेॽहाॽरे़ कुसिङ् मे़न्‍निःत्तुन्‍लो॥ हे़क्‍क्‍याङ् पानुदिङ् पान् हाःप्‍पे फाॽआङ् कुसिङ् मे़निःत्तुर फाॽआङ् कुस्‍साःल्‍ले़ ओसेःन्‍धाक्‍तुसिबा मनाहाॽरे़रक् कुसिङ् मे़निःत्तुॽरो॥”

एफिसि 1:11

ख्रिस्‍ते़न्‍नु थिक्‍हुप् आवाॽबाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ आनिॽआङ् खुने़ॽलाम् लक् खोसे़ आसेगे़आङ् आवाॽ, थेआङ्‌भे़ल्‍ले़ कङ्‌ग तगिनुसा खुने़ॽ चोःक्‍मा निङ्‌वाॽ इःत्तुबा हे़क्‍के के़रे़क् पाःन्‍हाॽ पोङ्‌लो॥

युहुन्‍ना 1:13

खे़ङ्‌हाॽग मा-बालाम् सामे़वाःन्‍छिङ्‌बा नु मे़न्‍छाम् निङ्‌वाॽलाम्‍बा सा-ए मे़बोःक्‍खे़बा मेःन्, कर निङ्‌वाॽफुमाङ्‌ङिल्‍ले़ खे़ङ्‌हाॽ आबाङे कुस्‍सा चोगुसिबारो॥

तोलिङ्‌सोमु 1:2

इक्‍सादिङ् खाम्‍बेःक्‍मान् कुनावाइबेक् मेःन्‍ने मुसुन्‍ने खे़सुन्‍ने नु मुहःङ्‌लिङ् खे़हःङ्‌लिङ् ने़स्‍से़॥ वरःङ् सम्‍दाङ् खामाक्‍लुम् ने़स्‍से़॥ हे़क्‍क्‍याङ् निङ्‌वाॽफुमाङ्‌ङिल्‍ले़ कुयाम्‍साम्‍मिन् च्‍वाःत् सम्‍धाङ् ताक्‍कन्‍दे़र वये़॥

यसैया 41:28

आङ्‌गाॽ हक्‍सुङ्‌सिङ् कर खे़ॽयो हाःत्ताङ् मे़होप्‍लो, सुजा पिमारे़ लागि खे़ङ्‌हाॽरे़ खुन्‍छिॽ लुम्‍मो एःन्‍नाङ् मे़वाॽने़ल्‍लो, खे़ङ्‌हाॽ सेःन्‍दोमासिल्‍ले़ आत्तिल्‍ले़आङ् नुगप् आमे़म्‍बिने़ल्‍लो॥

यर्मिया 23:18

“कन् माङ्‌निङ्‌वाॽपान् के़बाःप्‍पाहाॽओ आङ्‌गाॽ यहवे दाङ्‌बे़ल्‍ले़ आजुम्‍लुङ्‌ङो पान् खे़म्‍से़ हाःत्‍छिआङ् आभे़ल्‍ले़आङ् आङ्‌गाॽओ मे़न्‍दाए मे़वाॽरो॥ खे़ङ्‌हाॽरे़ खुन्‍छिॽ लुम्‍मो आत्तिल्‍ले़आङ् आबाःन्‍जाःक्‍किन् मे़ङ्‌घे़म्‍मे वाॽरो इग्र खे़प्‍मो नुरिक्‍काङ् निङ्‌वाॽ मे़म्‍बिए वाॽरो॥