यसैया 40:11 - लिम्बु11 खुने़ॽ कुमे़ल्लुक् लुप्हाॽ पित् मे़ःन्दा ओगे़मे़प्पे़ल्ले़ कुइसिक् चाराम्सुसिरो॥ खुने़ॽ कुधुःम्बाहाॽ आबाङे कुभक्ताङ्ङो कत्तुसिरो, हे़क्क्याङ् खे़ङ्हाॽ आबाङे खुने़ॽ कुनिङ्वाॽ सिगाङ् पक्खुसिरो॥ चुजुक्सा कुस्सा के़वाॽबाहाॽग खुने़ॽ याःक्याःक्काङ् लाम्लोसुसिरो॥” Gade chapit la |
यसैया 40:11
32 Referans Kwoze
कल्ले़चोगुल्ले़ चे़प्मा से़प्मासिरे़ लागि मे़गत्तुसिबा मे़ल्लुक् मे़ःन्दाहाॽ, से़क्खाःल्ले़ थक्सा लुप्पो तुक्खे मे़जाःत्तुसिबा मे़युक्तुसिबाहाॽ आङ्गाॽ चाराम्सुङ्सिङ्॥ हे़क्क्याङ् आङ्गाॽ आलागि तक्कात् ने़त्छि याङ्सिङ्ङा—लत्छारे़ कुमिङ् “लुङ्गुम्” नु वेॽइल्ले़ कुमिङ् “थिक्हुप्” वाःत्तुङ्—हे़क्क्याङ् मे़ल्लुक् लुप्हाॽ चाराम्सुङ्सिङ्॥
के़माबा, खे़न् के़ले़ङ्बा के़बेःक्पाहाॽ आङ्गाॽ कोःत्तुङ्सिङ्ॽ, हे़क्क्याङ् से़ःप्तुङ्सिङ्ङाङ् खे़ङ्हाॽ याम्मो हिम्मो तारुङ्सिङ्ॽ॥ आङ्गाॽ के़गाःम्बाहाॽ सिदाॽपाङ्दाॽ खेःक्खुङ् पिरुङ्सिङ्ॽ हे़क्क्याङ् मे़न्धुम्मनाबाहाॽ के़धुम्बा चोगुङ्सिङ्ॽ॥ कर आङ्गाॽ खे़न् के़मे़ॽबाहाॽ नु के़धुम्बाहाॽ मे़क्खुङ्सिङ्ॽ॥ आङ्गाॽ खे़ङ्हाॽ कुजा चाःत्तुङ्सिङ्ॽ, ओवा आङ्गाॽ खे़ङ्हाॽ कुदोःप्मा खासे़न् चोगुङ्सिङ्ॽ!
खे़ङ्हाॽरे़ यहवे दाङ्बे़ल्ले़ कुसे़वारोबा मोसाःल्ले़ कुये़न्निन् नु कुमनाहाॽ निङ्वाॽ मे़इःत्तुसिरो, हे़क्क्याङ् अक्खेलॽरिक् मे़अःक्ते़रो, “मोसाःन्नु सोरिक् मे़ल्लुक्कम्बा कुइसिक् वरःङ्ङोलाम् इस्राइलिहाॽ के़लःप्पा के़भे़प्पे़न् आत्ति वाॽबे? खुने़ॽ कुमनाहाॽनु वाॽसे़ सेसेमाङ् के़बाङ्बे़न् आत्ति वाॽबे?
आङ्गाॽ खे़ङ्हाॽ थाङ्गे़त्लाम् युरुङ्सिङ्लो हे़क्क्याङ् इक्सादिङ् खाम्बेःक्माल्ले़ वेॽसमा कुयाओलाम्बा सुप्सुङ्सिङ्लो॥ खे़ङ्हाॽरे़ खुन्छिॽ लुम्मो मिक्फःम्बा नु लाङ्सक्पा, हे़क्क्याङ् मे़न्छुक्मा के़वाॽमा नु सागप्मा यारिप् के़बोङ्माहाॽआङ् मे़वाॽरो॥ लत्छा यम्बा चुम्भो मे़बोङ्ङाङ् खे़ङ्हाॽ मे़नुःङ् मे़दारो॥
“मे़न्छाम् सुवाङ्से, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् माःङ्घा माःङ्घा वरःङ्ङिल्ले़ कुयाओ थारिक्पा आङ्गाॽ आबाःन्जाक्किन् साॽरिक् इङ्भन् चोगे़म्मे़ॽओ॥ आङ्गाॽ आमनाहाॽ फुत्छिङ्ज्याःङ् से़सुङ्सिङ्लो कर आङ्गाॽ खे़ङ्हाॽ सुप्सुङ्सिङ्लो हे़क्क्याङ् पित्कम्बाहाॽरे़ पित्हाॽ कम्ब्राङ् मे़मे़त्तुसिबा हे़क्के खे़ङ्हाॽ कम्ब्राङ् मे़त्तुङ्सिङ्लो॥
“नासिगे़न् थक्ला के़गप्पा मे़न्छाम् याप्मिए, खे़ने़ॽ इस्राइलबा मे़ल्लुक्कम्बाहाॽरे़ खुन्छिॽ तक्ले़ङ्वाओ माङ्निङ्वाॽपान् पारे़ॽ॥ आङ्गाॽ मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खे़ङ्हाॽ मे़त्ते़से़ॽ—खिनिॽ थक्सालुप्हाॽ कम्ब्राङ् मे़प्मासिरे़ कुले़क्वा खिनिॽ आबाङेरक् कम्ब्राङ् के़मे़त्छिङ्बा मे़ल्लुक्कम्बाहाॽ के़जिःत्ति के़स्ये़ॽइरो॥ थे मे़ल्लुक्कम्बाहाॽरे़ खुन्छिॽ मे़ल्लुक्हाॽ कुजा चाःप्मासि मे़बोङ्ने़म्बि?
मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥
Piblisite