याङ्गे़साॽबा मनाहाॽरे़ खुन्छिॽ लागि हे़क्क्याङ् ये़त्तुक्खे के़दुम्बा कुधेआङ् के़होःप्पाहाॽरे़ लागि खे़ने़ॽ से़ःप्सिङ्मादे़न् के़बोक्खे़आङ् के़वाॽरो, सुरित् केजङ् हुःल्ले़ वाइःप्सिङ्मादे़न् हे़क्क्याङ् नाम्से़ःक्किल्ले़ इःम्सिङ्मादे़न् नाम्जिःक्खोॽ के़बोक्खे़आङ् के़वाॽरो॥ थेआङ्भे़ल्ले़ कुनिङ्वाॽ के़जिःप्पाहाॽरे़ खुन्छिॽ सक्माःङ्ग लुङ्धाक्को के़दोःक्पा सुरित् केजङ् कुइसिःक्लक् लॽरो,
यसैया 4:6 - लिम्बु6 ले़न्दिक् नाम्से़ःक्काङ् हाङ्वा से़ःक्किल्ले़ वइःप्सिङ्मा नाम्जिःक्खोॽ पोङ्, हे़क्क्याङ् वहित् साम्मिःत् नु सुरित् केजङ् मुक्किल्ले़ वइःप्सिङ्मा नु चिङ्सिङ्मादे़न् पोङ्लो॥ Gade chapit la |
यसैया 4:6
17 Referans Kwoze
खे़ङ्हाॽ सुरित् केजङ्लाम् वइःम्सिङ्मा नु खइक् खइक् के़इक्सिङ्बा वहित् साम्मिःत्लाम् इःम्सिङ्मादे़न् कुसिङ्बा मे़बोङ्लो॥ खे़म्ब्याङ् थेआङ् के़होप्पा मुरे़क् खारे़क्पा ये़ःङ्घादे़न्नो च्वाःत् लाङ्गे़घेःक्पा वहःङ् हे़क्तङ्बा मे़बोङ्लो, च्वाःत् के़हेबा खाम्बाङ्ङो यम्बा याक्पेओबा नाम्इःक्खङ् हे़क्तङ्बा मे़बोङ्लो॥
नसाःन्लाम्बाए नुहारे़ कुहिम्सयङ्हाॽ ताङ्से़ःप्से़ वालाधा चोगुरो॥ तगि आप्फाल्ले़आङ् मे़म्बोङ्ङे के़वाॽबा पाःन्हाॽ आल्ल पोङ्लो लॽरिक् साम्दिङ् के़बिबा निङ्वाॽफुमाङ्ङिल्ले़ कुइङ्जाङ्ङिन् खे़प्सुआङ् हे़क्के चोगुरो॥ खुने़ॽ कुनसाःन्लाम्बाए खे़न् ये़म्मोबा इक्सादिङ् खाम्बेःक्मोबा मनाहाॽ आप्तिक्को मे़ध्ये़ हे़क्क्याङ् नसाःन्लाम् के़दाबा साम्योबा लक्के़घोबा पोःक्खे़रो॥
अक्खेलॽरिक् निङ्वाॽफुमाङ्ङिल्ले़ माङ्हे़क् चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
“खे़ल्ले़चोगुल्ले़, लाजेॽलाम् मे़लःत्तु मे़देसुसिबाहाॽ मे़त्ते़ॽसे़ॽ, ‘मुक्साम्दाङ्बा यहवे दाङ्बे़ल्ले़ पाःत्तुॽ—इक्सादिङ् खाम्बेःक्मोबा लाजेॽहाॽओ खिनिॽ फुत्छिङ्ज्याङ् से़निङ्देनिङ्ङाङ् के़वयिसाङ्, खिनिॽ लाजेॽलाम् के़म्लःत्ति के़म्देसिआङ् के़वयिबा ये़म्मो आङ्गाॽए खिनिॽ सेसेदे़न्नारो॥’
यहवे दाङ्बे़ल्ले़ के़रे़क् मनाहाॽ खुने़ॽ कुमिमिदिङ्गे़न् कुइक्लान् मे़घे़प्सुर याःन्दुसिरो, हे़क्क्याङ् तिङ्दिङ्गे़न् कुयाःक्ले़ॽमान् निङ्वाॽ मे़घोसुर चोगुसिरो॥ खे़ॽयो साःम्भे ले़क्ल खे़रे़ङ्घुरुङ् लॽआङ् मिधुङ् मिराःक् पोःक्लो, फःन् थाआङ् वहित् साम्मिःत् खइक् खइक् इक्सिङ्लो, खे़ब्याङ् वधोःक्को च्वाःत् हुङ्मना थेसिङ् के़लॽबा आबङ्बङ्बा वहित् थासुरो॥
Piblisite