यसैया 4:2 - लिम्बु2 कर ताःन्दि के़दाबा ये़म्मोग के़हिङ्बाआङ् के़याःक्पा इस्राइलिहाॽरे़ लागि यहवे दाङ्बे़ल्ले़ कुबोराक्किन् कुजाॽ के़धोःक्पा नु हाङ्वा माङ्वा के़याक्पा पोङ्ॽ, हे़क्क्याङ् खाम्बाङ्ङो के़धोःक्पा चाःल्ले़ चोगुल्ले़ खे़ङ्हाॽरे़ खुन्छिॽ सःप्मान् मिमिदिङ् नु ने़बो पोमा पान् पोङ्ॽ॥ Gade chapit la |
यसैया 4:2
40 Referans Kwoze
यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो,
कुभा ये़म् एगाङ् यहुदाओ नुःङ्मा थाङ्मा निङ्वाॽ के़इःप्पा खे़न् पक्मे़ध्ये़ मे़याःक्ते़बा मिस्र लाजेॽओ के़घे़त्छिङ्बा के़बेःक्पा आत्तिन्हाॽआङ् मे़न्हिङ्ने़न्॥ खे़न् पक्मे़ध्ये़ मे़याःक्ते़बाहाॽ आबाङे लाजेॽओ नुःङ्मा निङ्वाॽ मे़इःत्तुसाङ् हे़क्के के़इःप्पाग साॽरिक् सुःल्लिक्लक् मे़नुःङ् मे़धाङ्ॽ॥”
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
खे़न् ये़न्नो कोःक्मा फाङ्जङ्हाॽओलाम् कुबोक् चे़ल्ले़क्सेॽ थिहाॽ वयु युरो, हे़क्क्याङ् थे़गु माङ्वाहाॽलाम् पित्नु कुङ्मा हेःक्लो यहुदाबा के़रे़क् पाक्लुम्लुम्बादे़न्हाॽओ च्वाःत् लाङ्घेःक्लो, यहवे दाङ्बे़ल्ले़ कुहिम्मोलाम् च्वाःत् वदुन्दाक्वा थिक् लःन्लो हे़क्क्याङ् सित्तिमबा ने़ने़बादे़न्निन् वारक्खुरो॥
कर कुहोःप्मा कुसाक्माओ के़धाबाआङ् के़वाॽबा मे़न्छाम् याप्मिहाॽरे़ लागि खुने़ॽ कुदोःप्मा खासे़न् लोःन्दु पिरुसिरो, हे़क्क्याङ् इक्सादिङ् खाम्बेःक्कोबा याङ्गे़साॽबा मनाहाॽरे़ खुन्छिॽ लागि खुने़ॽ नुरिक्काङ् खासे़न् लोःन्दु पिरुसिरो॥ हे़क्क्याङ् कुबाःन्जाक् मुक्साम्मिल्ले़ योॽबा लाजेन् यङ्लो, कुम्ब्राओबा कुसक्माःल्ले़ कुॽइगे़भे़म्बा मनाहाॽ मे़क्खुसिरो॥
Piblisite