यसैया 39:6 - लिम्‍बु

⁶ खे़न् ये़म्‍मिन् से़क्‍खासाङ् के़दाबा वाॽ, खे़ने़ॽ के़हाङ्‌हिम्‍मो के़धाःक्‍थे़बाहाॽरे़ आइन् थारिक् मे़भुक्‍खु मे़युक्‍खुबा के़रे़क् चिगक्‌वाहाॽ बेबिलोन लाजेॽओ मे़देॽरु, थेधिक्‍काङ् मे़याःक्‍ने़न्, लॽरिक् यहवे दाङ्‌बे़ल्‍ले़ पाःत्तुॽ॥

यसैया 39:6 Referans Kwoze

२ हाङ् 24:13

यहवे दाङ्‌बे़ल्‍ले़ उवा चोगुबा हे़क्‍केए यहवे दाङ्‌बे़ल्‍ले़ कुहिम्‍मोबा नु हाङ्‌हिम् थाःङ्‌हाॽओबा के़रे़क् चिगक्‌वा सामाहाॽ खुने़ॽ खे़त्तु, खे़ब्‍याङ् यहवे दाङ्‌बे़ल्‍ले़ कुहिम्‍मिल्‍ले़ लागि इस्राइलबा हाङ् सोलोमनरे़ थगुबा के़रे़क् साम्‍म्‍याङ् सामा पुमाहाॽ सुरुक् सुःन्‍दुआङ् तेॽरु॥

यर्मिया 20:5

आङ्‌गाॽ खे़ङ्‌हाॽरे़ खुन्‍छिॽ निङ्‌मिहाॽ कन् ये़क्‌यक्‍पा के़रे़क् याङ्‌साकुन्‍धेहाॽ नाप्‍मासि नु खे़प्‍मोबा चिगक्‌वाहाॽ, यहुदाबा हाङ्‌हाॽरे़ खुन्‍छिॽ याङ्‌साकुन्‍धेहाॽ नाप्‍मासिआङ् सामापुमाहाॽ खक्‍पे़त् बेबिलोनओ तेॽमा पाङ्‌घुङ्‌सिङ्‌ॽ॥

दानिए़ल 1:2

हे़क्‍क्‍याङ् निङ्‌वाॽफुमाङ्‌ङिल्‍ले़ कुहिम्‍मोबा कुभा खप्‍प्‍या सामाहाॽनु सोसोरिक् यहुदाबा यहोयाकिम हाङ्‌ङिन् नबुकदनेसरे़न् दाङ्‌बे़ल्‍ले़ हुक्‍सुप्‍तु॥ खुने़ॽ खे़न् खप्‍प्‍या सामाहाॽ बेबिलोनबा लाजेॽओ के़युङ्‌बा कुमाङ्‌हिम्‍मो तेॽरुआङ् माङ्‌हिम्‍मोबा थाःङ्‌ङो युक्‍खु॥

२ साप्‍मुःन्‍धुम् 36:18

खुने़ॽ निङ्‌वाॽफुमाङ्‌ङिल्‍ले़ कुहिम्‍मोबा यम्‍बा चुक्‍पा के़रे़क् खप्‍प्‍या सामाहाॽ नु यहवे दाङ्‌बे़ल्‍ले़ कुहिम्‍मोबा याङ्‌भुहाॽ खे़ब्‍याङ् हाङ्‌ङिल्‍ले़ कुयाङ्‌भुओबा नु कुसुहाङ्‌युक्‍पाहाॽरे़ खुन्‍छिॽ याङ्‌भुओबा कुमे़ल्‍लुङ् के़घिःक्‍पा सामाफुमाहाॽ के़रे़क् तेॽरुआङ् पे॥

२ साप्‍मुःन्‍धुम् 36:10

हाङ्‌वामा ये़म्‍मो नबुकदनेसर हाङ्‌ङिल्‍ले़ यहोयाकिने़न् ते़म्‍मारे़ लागि मनाहाॽ पाङ्‌घु फे़न्‍छुसिआङ् यहवे दाङ्‌बे़ल्‍ले़ कुहिम्‍मोबा नुबा नुबा खप्‍प्‍या सामाहाॽआङ् खुने़ॽनु सोरिक् बेबिलोनओ तेॽरु, हे़क्‍क्‍याङ् यहोयाकिने़ल्‍ले़ कुम्‍बारे़ कुन्‍साॽ सिदकियाहःन् यहुदा नु यरुसले़ःम्‍मोबा हाङ् चोगुरो॥

इजकिएल 23:26

खे़ङ्‌हाॽरे़ खे़ने़ॽ नुबा के़जाङ्‌हाॽ नु के़मुधिङ्‌हाॽ मे़भे़न्‍दुआङ् ले़क्‍चाबे़धिक् के़म्‍जोक्॥

दानिए़ल 1:3

खे़ब्‍याङ् वेॽ लाजेॽओलाम् मे़लःत्तु मे़देॽरुसिबा इस्राइलिहाॽओलाम् हाङ्‌हिम्‍सयङ् नु खासिङ् के़निःप्‍पा हिम्‍सयङ्‌बा कुभा नालिगे़न् थाङ्‌बे़न् मनाहाॽ सेगे़से़ॽ फाॽआङ् हाङ्‌ङिल्‍ले़ तुम् कुसुहाङ्‌युक्‍पा असपेनजे़न् इङ्‌जाङ् पिरु॥