6 आङ्गाॽ कन् पाङ्जुम्मिन् अस्सुरबा हाङ्ङिल्ले़ कुहुक्कोलाम् ताङ्से़ःप्तुङ्ङाङ् खे़ने़ॽ से़ःप्ने़॥ हे़क्क्याङ् आङ्गाॽ कन् ये़क्यक्किन् थेःक्तुङ्॥
“आङ्गाॽ आलागि नु आसे़वारोबा दाउदरे़ कुलागि आङ्गाॽ कन् ये़क्यक्किन् नाङुङ्ॽ हे़क्क्याङ् से़ःप्तुङ्लो!”
कर दाङ्बान् इङ्गाॽनु वये़आङ् थिम्मे़न्दङ् सुवाङ्हाॽरे़ सुनाइङ् खे़म्मा मे़घोसुनि फाॽआङ् सुनाइङ् इङ्भोमा के़सुक्पा पोङ्मा थुम् पिराङ्लो॥ दाङ्बाल्ले़ग इङ्गाॽ खिरिङ्बाल्ले़ कुमुराओलाम्माङ् से़ःप्ताङ्लो॥
सियोन ये़क्यक्कोबा मनासे, यम्बा इक्लाओ अःक्ताम्मे़ॽ हे़क्क्याङ् सःत्ताम्मे़ॽर साम्लोराम्मे़ॽओ, थेआङ्भे़ल्ले़ खे़निॽ लुम्मो के़वाॽबा इस्राइलबा सेसे निङ्वाॽफुमाङ्ङिन् पयम् यम्बा चोक्लो॥”
कम्भलॽरिक् यहवे दाङ्बे़ल्ले़ हिजकियान् नु यरुसले़ःम्बा यक्युङ्बाहाॽ अस्सुरबा हाङ् सनहेरिबे़न् नु खुन्छिॽ वेॽ के़रे़क् निङ्मिहाॽलाम् ताङ्से़ःप्तुसि॥ खुने़ॽ के़रे़क् पिसाङ्लाम् खे़ङ्हाॽ ताप्थेक् याम्धेक् मे़त्तुसि॥