यसैया 38:3 - लिम्बु3 “यहवे दाङ्बाए, खे़ने़ॽ के़दगि आङ्गाॽ आक्खे़न् नसानिबा पोःक्खाङ्ङाङ् के़रे़क् आनिङ्वाःल्ले़ के़से़वा याःम्बक् चोगुङ्ल लाङ्घेगाङ्ङाङ् वाॽआ, हे़क्क्याङ् खे़ने़ॽ ओगे़मे़त्तुल्ले़ थेःन् नुबा चोक् आङ्गाॽ हाबा खे़न् चोगुङ्ङाङ् वाॽआ, खे़न् निङ्वाॽ इःत्ते़ॽओ॥” हे़क्क्याङ् हिजकियान् उःक्काङ् उःक् हाबे़॥ Gade chapit la |
यसैया 38:3
40 Referans Kwoze
कन् इक्सा खाम्बेःक्मोरक् मेःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिक् आनिगे ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मेःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
आङ्गाॽ ले़बिहाॽ आबाङे सुत्थो पोङ्मा, पेःक्माआङ् यम्बा लाम्धेःप्पान् कोमा नु नाःम्सिङ्मा ये़न्निन् सेसे कप्मा थिम्मिन् नुरिक्काङ् नाःप्मा इङ्जाङ् पिरुङ्सिङ्॥ आनिङ्वाॽफुमाङ्ङे, आङ्गाॽ आलागि कन् निङ्वाॽसोओ कत्ते़ॽओ हे़क्क्याङ् खे़ने़ॽ पयम् यम्बा के़मिःम्जिःल्ले़ आङ्गाॽ लुङ्माॽ तुक्ताङ्ङे़ॽओ॥
आङ्गाॽ आस्सा सोलोमनरे़ आदाङ्बारे़ के़इङ्जाङ्हाॽ, आदाङ्बारे़ के़साम्यो थिम्हाॽ नु आदाङ्बारे़ के़धिम्हाॽ से़वा चोःक्नु इःप्मा नाःप्मारे़ लागि यम्बा निङ्वाॽ पिरे़ॽओ हे़क्क्याङ् खुने़ॽ खे़न् थिम्हाॽ के़रे़क् के़प्मा सुक्तुररो, हे़क्क्याङ् खुने़ॽ खे़न् हिम्मिन् चोःक्मा सुक्तुररो, खे़ल्ले़ लागि आङ्गाॽ यारिप् चोगुङ्ङाङ् वाॽरो॥”
ए़ज्रान् माङ्हिम्मिल्ले़ कुदगि कुधे़गेःक्किन् तर्घुॽ मे़त्तुआङ् पेलिगे़न् तुवा चोःक्नु, हाबे़र खे़ङ्हाॽरे़ लायो मे़जोगुबाए फाॽआङ् पाःत्तुर युङे़॥ इस्राइलबा ये़म्बित्छा, मे़न्छुमा नु हिन्जाॽबित्छाॽहाॽरे़न् लत्छा यम्बा मनालुप् थिक् खुने़ॽ कुघिरि मे़जुप्से़॥ मना लुप्पोबा मनाहाॽआङ् खुन्छिॽ निङ्वाॽ लोरे़र मे़हाबे़र मे़ये़बे़॥
थेआङ्भे़ल्ले़ आत्तिन्हाॽरे़ खुन्छि निङ्वान् खुने़ॽ ले़प्माङ् माङ्से़वा के़जोःक्पा चोक्, खे़ङ्हाॽ फाॽमासिरे़ लागि के़रे़क् इक्सादिङ् खाम्बेःक्कोए यहवे दाङ्बे़ल्ले़ ओमे़त्तुसिआङ् वाॽ॥ कन् पाःन्नो आदाङ्बारे़ मे़न्वाॽमना याःम्बक् के़जोगु॥ आल्लआङ्धो आदाङ्बारे़ थङ् चोःक्माआङ् पप्मा के़बोङ्बा पोङ्ॽ॥”
मनाहाॽरे़ खुन्छिॽ लाम्लोबाहाॽरे़ कम्भलॽरिक् आप्फेक् निङ्वाॽओलाम् मे़बिरुसिबा पाःन्नो निङ्वाॽ ये़ये़ लॽरिक् मे़सःत्ते़, थेआङ्भे़ल्ले़ खे़ङ्हाॽरे़ खुन्छिॽ आप्फेक् निङ्वाॽओलाम् नु के़रे़क् सिक्लुङ्माल्ले़ माङ्से़वानु सोसोरिक् आप्फेक् खे़न् पाःन्हाॽ मे़बिरुसिआङ् वये़॥ दाउद हाङ्ङिन्नाङ् साॽरिक् कुनिङ्वाॽ त्ये़॥
हे़क्क्याङ् यहवे दाङ्बे़ल्ले़ अक्खे मे़त्ताङ्ङाङ् आङ्गाॽनु चोगुबा माङ्हुप्पिन् के़त्लरो—‘खे़ने़ॽ के़मुॽइदाङ्हाॽरे़ आक्खेलॽरिक् वाॽमा पोङ्ॽ फाॽआङ् निङ्वाॽ मे़इःत्तु हे़क्क्याङ् खे़ङ्हाॽरे़ खुन्छिॽ के़रे़क् सिक्लुङ्माॽ नु निङ्वाॽरे़ आङ्गाॽ आमिक्साओ नसाःन्साबा मे़बोङ्ङाङ् लाङ्मे़घेःक्ने़भग्र, इस्राइलबा हाङ्युक्नाओ युङ्मारे़ लागि खे़ने़ॽ आभे़ल्ले़आङ् मनामे़ःन्ने के़म्बोङ्ने़न्॥’
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
Piblisite