यसैया 38:2 - लिम्‍बु

² हे़क्‍केःल्‍ले़ हिजकियाःल्‍ले़ कुनारान् लुङ्‌धाक् ले़प्‍माङ् हिसु हे़क्‍क्‍याङ् अक्‍खे पाःत्तुआङ् यहवे दाङ्‌बान् पेलि फाक्‍तु,

यसैया 38:2 Referans Kwoze

मत्ति 6:6

कर खे़ने़ॽ तुवा के़जोगुल्‍ले़ के़हिम्‍लक्‍सिङ् सिगाङ् लासे़ॽआङ् लाम्‍धेःप्‍पान् सुबे़ॽ, हे़क्‍क्‍याङ् निमे़न्‍दे़प्‍मनाबा पानुदिङ् के़म्‍बानु एःक् तुवा चोगे़ॽओ॥ हे़क्‍क्‍याङ् स्‍वाःत्ताङ् चोःक्‍मनाबा याःम्‍बक् के़निबा पानुदिङ् के़म्‍बारे़ हाङ्‌से़म् के़बिरो॥

निङ्‌वाॽफु साम्‍लोसुम् 91:15

खे़ल्‍ले़ उःत्ताल्‍ले़ खुने़ॽ पाःन्‍छाःत्तुङ्‌लो, खे़न् ये़त्तुक्‍खे चाःल्‍ले़ चुम् मे़त्तुङ्, तेःङ् मे़त्तुङ्‌लो, मिङ्‌सो थाःङ्‌सोनु खे़न् से़ःप्‍तुङ्‌लो॥

निङ्‌वाॽफु साम्‍लोसुम् 50:15

तुक्‍खे लाक्‍खे के़जाःल्‍ले़ मे़त्ताङ्‌ङे़ॽओ, आङ्‌गाॽ खे़ने़ॽ से़ःप्‍ने़रो हे़क्‍क्‍याङ् खे़ने़ॽ आमिमिदिङ् के़जोगुरो॥”

१ हाङ् 8:30

खे़ने़ॽ के़से़वारोबान् नु के़मना इस्राइलिहाॽरे़ कन् ते़न्‍नो ले़प्‍माङ् मे़हिसिङ्‌ङाङ् तुवा मे़जोःक्‍किल्‍ले़ खे़ङ्‌हाॽरे़ खुन्‍छिॽ चुङ्‌जिगे़न् नःम्‍नःम्‍बा पेलिन् खे़प्‍से़ॽओ॥ खे़ने़ॽ के़युक्‍नादे़न् साङ्‌ग्राम्‍पेदाङ्‌लाम् खे़प्‍से़ॽओ, खम्‍भ्‍याङ् आल्‍ल खे़ने़ॽ के़घे़प्‍सुल्‍ले़, खे़ङ्‌हाॽ ले़प्‍मि पिरे़से़ॽओ॥

यसैया 38:1

खे़न् ये़म्‍मो हिजकिया हाङ्‌ङिन् तुगे़आङ् खा खप्‍मे़न् स्‍ये़॥ हे़क्‍केःल्‍ले़ आमोजरे़ कुस्‍सा माङ्‌निङ्‌वाॽपान् के़बाःप्‍पा यसैयान् खुने़ॽ कुदुम्‍से़ पेआङ् मे़त्तु, “यहवे दाङ्‌बे़ल्‍ले़ अक्‍खे पाःत्तु—के़हिम्‍सयङ्‌हाॽ सुजा पिरे़से़ॽ, थेआङ्‌भे़ल्‍ले़ खे़ने़ॽ के़सिःॽ, खे़ने़ॽ के़न्‌वेःत्‍ने़न्॥”

यसैया 38:3

“यहवे दाङ्‌बाए, खे़ने़ॽ के़दगि आङ्‌गाॽ आक्‍खे़न् नसानिबा पोःक्‍खाङ्‌ङाङ् के़रे़क् आनिङ्‌वाःल्‍ले़ के़से़वा याःम्‍बक् चोगुङ्‌ल लाङ्‌घेगाङ्‌ङाङ् वाॽआ, हे़क्‍क्‍याङ् खे़ने़ॽ ओगे़मे़त्तुल्‍ले़ थेःन् नुबा चोक् आङ्‌गाॽ हाबा खे़न् चोगुङ्‌ङाङ् वाॽआ, खे़न् निङ्‌वाॽ इःत्ते़ॽओ॥” हे़क्‍क्‍याङ् हिजकियान् उःक्‍काङ् उःक् हाबे़॥