यसैया 37:16 - लिम्बु16 “मुक्साम्दाङ्बा यहवे दाङ्बाए, इस्राइलबा निङ्वाॽफुमाङ्ङे, कुलाप् के़बप्पा माङ्लाइङ्बा करुबहाॽरे़ कुलुम्मो हाङ्युक् के़जोःक्पाआङ् के़युङ्बाए, इक्सादिङ् खाम्बेःक्मोबा के़रे़क् खाम्घु लाजेॽहाॽओ निङ्वाॽफुमाङ्ग खे़ने़ॽरक् के़वाॽरो॥ साङ्ग्राम्पेदाङ् नु इक्सादिङ् खाम्बेःक्मान् खे़ने़ॽए नावागे़न् चइःत् के़जोगुबारो॥ Gade chapit la |
यसैया 37:16
34 Referans Kwoze
खे़ल्ले़चोगुल्ले़ खे़ङ्हाॽरे़ सिलोओ मनाहाॽ मे़बाङ्घुसि, हे़क्क्याङ् करुब मे़प्मनाबा माङ्लाइङ्बाहाॽरे़ खुन्छिॽ लुम्मो के़युङ्बा मुक्साम्दाङ्बा यहवे दाङ्बाल्ले़ कुमाङ्हुप् सन्दोक्किन् खे़ङ्हाॽरे़ मे़धाक्तु॥ खे़ॽयो एलिरे़ कुस्सा ने़प्फु, होप्निन् नु पिनहासे़न् माङ्हुप् सन्दोक्किल्ले़ कुबेसाङ् वये़सि॥
ख्रिस्तलाम् साङ्ग्राम्पेदाङ् नु इक्सादिङ् खाम्बेःक्मोबा काक् नावागे़न् चइःत् ने़स्सुबारो॥ खुने़ॽग निगे़धाःप्पा नु निमे़न्धाःप्मना पाःन्हाॽ, हाङ्हाॽ नु हाङ्जुम्हाॽ, हाङ्गे़जोःक्पाहाॽ नु युक्साबाहाॽआङ् चोगुसिबारो॥ काक् पाःन्हाॽरे़न् नावागे़न् चइःत्तिन् ख्रिस्तलाम् नु ख्रिस्तरे़ कुलागिए पोःक्खे़बारो॥
थे खे़ने़ॽ निङ्वाॽ मे़ङ्घोए के़वाॽबि? थे खे़ने़ॽ मे़ङ्घे़म्मे के़वाॽबि? यहवे दाङ्बे़ङ्ग आभे़ल्ले़साङ् सदादिङ् के़वाॽबा निङ्वाॽफुमाङ्लो, इक्सादिङ् खाम्बेःक्मे़ल्ले़ कुनुप्मो थारिक् नावागे़न् चइःत् के़ने़बारो॥ खुने़ॽ मे़नाने़न्नाङ् कुसक्माआङ् मे़बुॽने़ल्लो, हे़क्क्याङ् हाःत्ले़आङ् खुने़ॽ कुसिक्कुम् निङ्वान् कुसिङ् निःप्मा मे़सुक्तुल्लो॥
खे़ब्याङ् नामाने़न् नु खुने़ॽ कुसे़वारोबाहाॽ के़रे़क् निङ्वाॽफुमाङ्ङिल्ले़ कुमनाओ मे़नुःक्खे़ मे़बे॥ खे़ङ्हाॽ के़रे़क् खुने़ॽ कुदगि मे़ये़म्सिङ् हे़क्क्याङ् नामानरे़ पाःत्तु, “इस्राइलओरक् निङ्वाॽफुमाङ् वाॽ के़रे़क् इक्सादिङ् खाम्बेःक्मो हाःत्ताङ् निङ्वाॽफुमाङ् होप् फाॽआङ् आल्ल आङ्गाॽ निङ्वाॽ खोसुङ्॥ चिसाजि आल्ल खे़ने़ॽ के़से़वारोबालाम् कुभा हुक्वा ताःक्ते़ॽओ॥”
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन्ने माङ्हाॽरे़ खुनिॽ निङ्वाॽफुमाङ् नु दाङ्बाहाॽरे़ खुनिॽ यहवे दाङ्बा, के़रे़क्नुःल्ले़ यम्बा निङ्वाॽफुमाङ्, मुक्साम्साबा नु किप्मा के़घुबा चोक्लो॥ खुने़ॽ आत्तिन्हाॽआङ् एःक् पएःक् मे़जोगुसिन्ॽ, खे़ब्याङ् खुने़ॽ आप्फाल्ले़आङ् स्वाःत्ताङ् सुरुत्याङ् मे़दाःक्तुन्ॽ॥
खुने़ॽ इक्सादिङ् खाम्बेःक्माल्ले़ कुघिरिनुःल्ले़ थाःङ्धाक् हाङ्युक् चोःक्काङ् युङ्लो, हे़क्क्याङ् इक्सादिङ् खाम्बेःक्मोबा मे़न्छाम् सुवाङ्हाॽग फेॽबात् हे़क्के मे़लॽरो॥ खुने़ॽ ताङ्साङ्बे़न् पःत्थाङ् कुइसिक् खिङ्घुरो, खे़ब्याङ् खे़ॽयो याङ्धोःक्मारे़ लागि खे़न् साःङ्गा हे़क्के फोसुरो॥
निङ्वाॽफुमाङ् यहवे दाङ्बे़ल्ले़ अक्खे पाःत्तुरो— ताङ्साङ्बे़न् के़जोःक्पाआङ् खे़न् के़घिङ्बे़न्, हे़क्क्याङ् इक्सादिङ् खाम्बेक् नु खे़प्मोलाम् के़लःम्बा के़रे़क् मे़बोःन्ल मे़धे़ॽर के़याःम्बा, खे़ब्याङ् खे़प्मो के़वाॽबा मनाहाॽ साःङ्गु सक्मा के़बिबा खे़म्ब्याङ् खे़ॽयो लाङ्गे़घेःक्पाहाॽ याम्साम् के़बिबा—
Piblisite