यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
यसैया 34:9 - लिम्बु9 एदोमबा वहःङ्हाॽ आलाकात्रा पोङ्लो, खे़ॽयो के़बोःक्पा खाम्भुत्छ्रुम्बान् मिगे़दिःप्पा कान्धाक् पोङ्लो, के़रे़क् लाजेन् मिधुङ् मिराःक् के़दिःप्पा आलाकात्रा पोङ्लो॥ Gade chapit la |
यसैया 34:9
10 Referans Kwoze
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
हे़क्क्याङ् सदोम नु गमोरा हे़क्क्याङ् खिरिबा ये़क्यक्कोबा मनाहाॽआङ् इःत्ते़म्सिम्मे़ॽ॥ खे़ङ्हाॽग याम्बोःप्मा याःम्बक् मे़जोगुआङ् काक् परिक्पा याम्गे़सिङ्बा याम्बोःप्मा याःम्बक्को लाम् मे़बोःत्ते़आङ् मे़वये़॥ खे़ल्ले़चोगुल्ले़ खे़ङ्हाॽ मे़न्छिःम्ना के़दिःप्पा मिलाम्बा खासे़न्नो मे़ध्ये़बा पाःन्निन् मिक्सेन् पोःक्खे़आङ् वाॽरो॥
थेआङ्भे़ल्ले़ यरिक् ये़न् तगि अस्सुरबा यम्बा हाङ्ङिन् मिधिङ्मारे़ लागि यम्बा मि तुम्मादे़न्धिक् मे़जोगुआङ् वये़रो॥ खे़न् ते़न्निन् ताम्दाम्बा नु केःम्बा लुम्बात् चोक्लो हे़क्क्याङ् खे़प्मो यरिक् सिङ् मे़लुप्सुआङ् ने़रो॥ यहवे दाङ्बान् सक्मा सोःन्छिङ्ङिल्ले़ मिधुङ्दिङ् मिराःक् लःन्नाङ् खे़प्मो मि हाःन्दुरो॥
यहवे दाङ्बे़ल्ले़ अक्खे पाःत्तुॽ, “आङ्गाॽ आप्फेक् आमिङ्ङो माङ्हे़क् चोगुङ्ङाङ् वाॽ, खे़न् बोज्राःन् किप्मागे़घुबा निगे़दे़प्पा नु खाप्पुथ्यःङ् के़बोङ्बाआङ् के़लुम्सिङ्बा पोङ्ॽ, कन् कुनामे़न्छाॽ नु माङ्दे साङ्ग्रा मे़प्मा चाहाक् पोङ्ॽ॥ कल्ले़ कुबाङ्जुम्हाॽ नु कुबाङ्भेॽहाॽ सदादिङ् आभे़ल्ले़साङ् मुरे़क् खारे़क् चिजि खक्खक्पा पोङ्लो॥”
Piblisite