थेआङ्भे़ल्ले़ कङ्ग यहवे दाङ्बे़ल्ले़ कुये़न्लो, मुक्साम्दाङ्बा यहवे दाङ्बे़ल्ले़ कुनिङ्मिहाॽरे़ लागि कुले़क्वा नुःक्मा ये़न्लो॥ ताभेःल्ले़ कुसिक् मे़न्जिम्मे थारिक् ओवा, माक्खिल्ले़ मे़म्मए थारिक्, ताभेःल्ले़ खल्ले़ःङ् ले़ःक्खुसिरो! युफ्रेतिस वहःङ्ङिल्ले़ कुयाओबा थाङ्गे़त् पिसाङ्बा लाजेॽओ यहवे दाङ्बा, मुक्साम्दाङ्बा यहवे दाङ्बे़ल्ले़ आइन् वयागे़न् सिदुङ्जभा यारिप् चोगुर याक्लो॥
यसैया 34:5 - लिम्बु5 साङ्ग्राम्पेदाङ्ङो यहवे दाङ्बे़ल्ले़ कुदाभेन् यारिप् चोगुआङ् वाॽरो, ओमे़त्ते़म्मे़ॽ, खासे़न् लोःम्मारे़ लागि एदोमबा मनाहाॽरे़ खुन्छिॽ सम्धाङ् खे़न् ताभेन् थारो, आङ्गाॽ मे़ङ्मारे़ लागि से़न्दुङ्सिङ्बा खे़न् मे़न्छाम् याप्मिहाॽ सम्धाङ् चुक्लो॥ Gade chapit la |
यसैया 34:5
32 Referans Kwoze
एसाबरे़ कुमुॽइदाङ्सा ए़दोम लाजेॽओ के़युङ्बा एदोमिहाॽरे़ मे़बाःत्तुबिला, “आनिगे ये़क्यक्हाॽ खाप्पुथ्यःङ् पोःक्खे़आङ् ने़ःॽ, हे़क्केसाङ् के़धुप्पा के़यम्बा आनिगे ये़क्यक्हाॽ याम्मो चोगुम्बे़॥” कर मुक्साम्दाङ्बा यहवे दाङ्बे़ल्ले़ अक्खे पाःत्तुॽ, “खे़न्हाॽरे़ चोःक्माग मे़जोगुर, कर आङ्गाॽ यन्छुङ् पिरुङ्सिङ्ॽ॥ खे़न्हाॽरे़ खुनिॽ लाजेन् कुइगे़भे़म्बा मनाहाॽरे़ खुन्छिॽ लाजेॽसिङ्बुङ् फाॽआङ् कुसिङ् निःत्ते़त्, हे़क्क्याङ् खे़ॽयोबा मनाहाॽनु यहवे दाङ्बे़न् आभे़ल्ले़साङ् हाङ्गे़न् सिक्चा लोरो॥
एदोमबा बोज्रा ये़क्यक्लाम् हे़ःक्कङ्गङ्बा चाःम्मनाबा चाङ् के़जाङ्बाआङ् के़भे़म्बे़न् हाःत्निबे? हाङ्वा माङ्वा के़याक्पा तेत् नु खुने़ॽ कुमुक्साम्मो तगाङ् के़भे़म्बार के़बप्पे़न् हाःत्पे? “के़से़न्लप्पिन् उवा के़जोःक्पा यहवे दाङ्बान् आङ्गाॽएरो! ताङ्से़ःप्मा मुक्साम् के़गप्पा यहवे दाङ्बे़ङ्ग आङ्गाॽएरो!”
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
कल्ले़चोगुल्ले़ लत्छा माङ्देधिक्ले़ इक्सादिङ् खाम्बेःक्मान् खाप्पुथ्यःङ् पोङ्लो॥ हे़क्क्याङ् खे़न् इक्सादिङ् खाम्बेःक्मो के़युङ्बा मनाहाॽरे़ खुन्छिॽ आप्तिक्किल्ले़ खुम्दिङ् मे़घोसुरए पोङ्लो॥ पा कल्ले़चोगुल्ले़ योॽबा लाजेॽओ के़युङ्बा मनाहाॽरे़ मिमे़धिक्खु मे़से़रुसिरो, हे़क्क्याङ् चबे़ःत्छिक् मनाहाॽरक् मे़हिङे़ मे़याःक्ते़आङ् मे़वाॽरो॥
खुने़ॽ खे़ङ्हाॽ पित्थक्साहाॽलाम् नुदाक्वा हे़क्क्याङ् के़मे़ॽबा मे़ल्लुक्साःत्हाॽनु सोसोरिक् थक्सा लुप्हाॽलाम् पित्नु थुङ्घुसिरो॥ खुने़ॽ खे़ङ्हाॽ साॽरिक् नुबा मासिहाॽनु सोसोरिक् मे़ःन्दाहाॽ नु बासानबा नुबा थुःम्बाहाॽ पिरुसिरो॥ चे़ल्ले़क्सेल्ले़ कुवालाम् चोःक्मनाबा चाॽरिक् कुजागे़नुॽबा चे़ल्ले़क्सेॽ सेजङ्वान् के़धुङुम्लो॥
खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
इस्राइलबा ते़ङ्गप्पिन् मुरे़क् खारे़क् चिजि खक्खक् पोःक्खे़ल्ले़ खे़ने़ॽ के़सःत्ते़॥ आल्ल खे़ने़ॽ मुरे़क् खारे़क् चिजि खक्खक् के़बोङ्ङिल्ले़ आङ्गाॽ सःत्ता! सेइर कोःक्माओबा खिनिॽ मनाहाॽ नु एदोमओ के़युङ्बाहाॽ वरे़ङ्ले़ङ् के़मे़गिॽ! खे़ब्याङ् आङ्गाॽए यहवे दाङ्बाआ फाॽआङ् खे़ङ्हाॽरे़ निङ्वाॽ मे़घोसुरो॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ आनागे़हे़म्बा आयाःक्ले़ॽमे़ल्ले़ कन् मे़न्छाम् सुवाङ्हाॽ मिधिक्खुसिॽ, से़क्खाःल्ले़ एदोमे़न् मिधिक्खुॽ, थेआङ्भे़ल्ले़ खे़ङ्हाॽरे़ खुन्छिॽ आप्फेक् लागि मे़सःत्ल चाराम्मादे़न् कुइसिक् आङ्गाॽ आलाजेन् मे़देॽरुआङ् आङ्गाॽ साॽरिक् कुनामे़न्छाॽ मे़मे़त्ताबान् ओसेःन्धाङ् मे़जोगुआङ् वाॽ॥
Piblisite