यसैया 33:8 - लिम्बु8 माराम्हाॽ चिजि खक्खक् पोःक्खे़आङ् ने़रो, लाम्मो लाङ्गे़घेःक्पा लाम्दिःप्पाङ्हाॽ मे़होप्लो॥ के़दङ्बा पाःन्निन् याम्मो लङे़आङ् वाॽरो, के़निबाहाॽरे़ मे़बिरुबा तोःन्दि पाःन्हाॽ कुनामे़न्छाॽ पोःक्खे़आङ् वाॽरो, आन्तिन् मनाहाॽरे़न्नाङ् खुन्छिॽ मिङ्सो इङ्धाङ् होप्लो॥ Gade chapit la |
यसैया 33:8
16 Referans Kwoze
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
दाउदरे़ खुने़ॽ कुबेसाङ् के़ये़प्पा मनाहाॽ सेःन्दोसुसि, “कन् पलिस्तिःन् के़से़प्पा नु अक्तङ्बा कुनामे़न्छाॽ पाःन्निन् इस्राइललाम्बा के़घे़प्पा के़देबा मनाःल्ले़ आक्तङ्बा थुम्घो खोसुबे? कुहिङ्वे़त् निङ्वाॽफुमाङ्ङिल्ले़ कुधक्सुबाहाॽ कुनामे़न्छाॽ के़मे़प्पा कन् हर्दो मे़ङ्हे़क्मनाबा पलिस्तिःन् हाःप्पे?”
इक्सादिङ् खाम्बेःक्मो के़युङ्बा मनाहाॽरे़ खुन्छिॽ लायोल्ले़ चोगुल्ले़ कन् इक्सादिङ् खाम्बेःक्मान् चिःन्जिःन् के़घुबा पोःक्खे़आङ् ने़रो॥ थेआङ्भे़ल्ले़ खे़ङ्हाॽरे़ निङ्वाॽफुमाङ्ङिल्ले़ कुइङ्जाङ्ङिन् मे़भेःन्दुआङ् वाॽरो, कुभाङ्हाॽ मे़भेःन्दुआङ् वाॽरो हे़क्क्याङ् सदादिङ्बा माङ्हुप्पिन् इःप्मा नाःप्मा मे़ले़रुआङ् वाॽरो॥
आङ्गाॽ खिनिॽ लुम्मो ताम्भुङ् थक्साहाॽ पाङ्घुङ् तासुङ्सिङ्ॽ, खे़ङ्हाॽरे़ खिनिॽ अङे़ःक्वा साहाॽ मे़जसिॽ, हे़क्क्याङ् खिनिॽ पित्थक्साहाॽ मे़मे़क्खुसिॽ, खम्भ्याङ् खे़ङ्हाॽरे़ खिनिॽ साॽरिक् के़सुःन्दिर के़म्जोगिआङ् खिनिॽ लाम्हाॽए चिजि खक्खक् पोङ्ल यारिक् खे़ङ्हाॽ साॽरिक् यरिक् मे़बोःन्ॽ॥
Piblisite