यसैया 33:5 - लिम्बु5 यहवे दाङ्बान् के़रे़क्नुःल्ले़ पयम् यम्बा चोक्लो, थेआङ्भे़ल्ले़ खुने़ॽ के़रे़क्नुःल्ले़आङ् थाःङ्धाःङ् युङ्लो॥ खुने़ॽ सियोने़न् के़वाॽबा खासे़न् नु साम्योबा पाःन्हाॽरे़ के़क्कुङ्ल चोगुरो॥ Gade chapit la |
यसैया 33:5
43 Referans Kwoze
आल्ल आङ्गाॽ, नबुकदनेसररे़ साङ्ग्राम्पेदाङ्बा पयम् हाङ्ङिल्ले़ कुनारा, कुमिङ्सो कुधाःङ्सो फोसुङ्ॽ हे़क्क्याङ् मिमिदिङ् पिरुङ्ॽ, थेआङ्भे़ल्ले़ खुने़ॽ थे़मा चोगुसाङ् नुबा चोगुॽ, हे़क्क्याङ् कुयाःम्बक्हाॽ के़रे़क् कुदोःप्मा चोक्॥ हे़क्क्याङ् खुने़ॽ यम्बा के़हे़न्छिङ्बाहाॽ नःम्नःम्बा चोःक्मा सुक्तुसिरो॥
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
खे़न् ये़म्मो खिनिॽ अक्खे के़बाःत्तुम्लो, “यहवे दाङ्बान् नुगे़न् पिरे़म्मे़ॽओ, खुने़ॽ पयम् यम्बा चोक् फाॽआङ् यम्बा इक्लाओ इङ्भोसे़म्मे़ॽओ॥ खुने़ॽ चोगुबा याःम्बक्किन् इक्सादिङ् खाम्बेःक्कोबा मे़न्छाम् सुवाङ्हाॽ चे़क्ते़म्सिम्मे़ॽओ, हे़क्क्याङ् खुने़ॽ कुमिङ्ङिन् के़रे़क्नुःल्ले़ यम्बा पोःक्खे़आङ् वाॽ फाॽआङ् उवा चोगे़म्मे़ॽओ॥
सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो,
इस्राइलबा निङ्वाॽफुमाङ् मुक्साम्दाङ्बा यहवे दाङ्बे़ल्ले़ पाःत्तुॽ, “आङ्गाॽ आमनाहाॽ खुन्छिॽ आबाङे लाजेॽओ नुःक्तुङ् तारुङ्सिङ्, हे़क्केःल्ले़ यहुदा लाजेॽ नु खे़ॽयोबा ये़क्यक्हाॽओ याम्मो थिक्ले़ङ् खे़ङ्हाॽरे़ अक्खे मे़बाःत्तुॽ, ‘यरुसले़ःम्बा सेसे कोःक्माए, साम्योबा के़वाॽबादे़न्ने यहवे दाङ्बे़ल्ले़ हाङ्वागे़न् मुॽइसाम् के़बिररो॥’
Piblisite