आत्तिन्हाॽआङ् मे़होःप्ले़त्छ फाॽआङ् खुने़ॽ निसुरो, हे़क्क्याङ् पाःन्दङ्साबा हाःत्ताङ् मे़होप्ते़बाल्ले़ चोगुल्ले़ साॽरिक् कुनिङ्वाॽ मये़रो॥ कल्ले़चोगुल्ले़ खुने़ॽ आबाङे कुमुक्साम्मिल्ले़ खे़ल्ले़ लागि से़न्लप् तारुरो, खे़ब्याङ् खुने़ॽए कुसाम्योबा याःम्बक्के़ल्ले़ खे़न् तक्तुरो॥
यसैया 33:2 - लिम्बु2 यहवे दाङ्बाए, आनिगे लुङ्माॽ आदुक्ते़ॽओ, आनिगे खे़ने़ॽ के़लाम् ओमे़त्तुम्बे़रो॥ तानाम् थक्मा खे़ने़ॽ आनिगे मुक्साम् पोःक्खे़ॽआङ् तुक्खे लाक्खे तुमिगे़ल्ले़ आसे़ःप्ते़ॽओ॥ Gade chapit la |
यसैया 33:2
35 Referans Kwoze
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
याङ्गे़साॽबा मनाहाॽरे़ खुन्छिॽ लागि हे़क्क्याङ् ये़त्तुक्खे के़दुम्बा कुधेआङ् के़होःप्पाहाॽरे़ लागि खे़ने़ॽ से़ःप्सिङ्मादे़न् के़बोक्खे़आङ् के़वाॽरो, सुरित् केजङ् हुःल्ले़ वाइःप्सिङ्मादे़न् हे़क्क्याङ् नाम्से़ःक्किल्ले़ इःम्सिङ्मादे़न् नाम्जिःक्खोॽ के़बोक्खे़आङ् के़वाॽरो॥ थेआङ्भे़ल्ले़ कुनिङ्वाॽ के़जिःप्पाहाॽरे़ खुन्छिॽ सक्माःङ्ग लुङ्धाक्को के़दोःक्पा सुरित् केजङ् कुइसिःक्लक् लॽरो,
से़वारोबाल्ले़ कुन्दाङ्बाल्ले़ कुहुक्लक् ओमे़त्तुरो, हे़क्क्याङ् सेवारोमाल्ले़आङ् खुने़ॽ कुन्दाङ्माल्ले़ कुहुक्लक् ओमे़त्तुरो॥ हे़क्केलॽरिक्के आनिगे यहवे दाङ्बा निङ्वाॽफुमाङ्ङिल्ले़ आनिगे याप्मि लुङ्माॽ आगे़न्दुक्ने़ल्ल थारिक्, आनिगे़आङ् मिक् हन्दुम्बे़आङ् खे़ने़ॽरक् ओमे़त्तासिगे़आङ् पत्छिगे़रो॥
थिक्याःन्धक् ताःन्छोदिङ् तानाम्मो चक्मे़ल्लॽए लुङ्माॽ के़दुक्काबान् आङ्गाॽ आनिङ्वाॽ सुम् लॽर याःन्दाङ्ङे़ॽओ॥ थेआङ्भे़ल्ले़ आङ्गाॽ खे़ने़ॽओ आनिङ्वाॽ युक्खुङ्ङाङ् वाॽआरो॥ लाङ्घेःक्मा के़बोङ्बा लाम्मिन् आङ्गाॽ ओसेःन्धाक्ताङ्ङे़ॽओ, थेआङ्भे़ल्ले़ आयाम्साम्मिन् आङ्गाॽ खे़ने़ॽओ तोःन्दुङ्लो॥
इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो,
आङ्गाॽ आसाम्योबा पाःन्हाॽ हारा निःत्ताङ् तारो, आङ्गाॽ आसे़न्लप्पिन् लाम्मोसा तार पत्लो, हे़क्क्याङ् आङ्गाॽ आमुक्साम्मिल्ले़ मे़न्छाम् सुवाङ्हाॽओ खासे़न् तारुङ्लो॥ वरःङ्ङिल्ले़ कुयाओ के़युङ्बाहाॽरे़ आङ्गाॽ ओमे़मे़त्तारो, खे़ब्याङ् आङ्गाॽ आमुक्साम्मो खे़ङ्हाॽरे़ लाम् ओमे़मे़त्तुरो॥
Piblisite