यसैया 33:11 - लिम्बु11 खे़निॽ अस्सेरियाबा मनाहाॽरे़ कुहेद्याॽ याॽलाङ्हाॽ सुम्मनाबा हे़क्के कुसुम् मे़न्दम्नाबा याःम्बक् चोःक्मा के़गोःत्तुम्लो॥ खे़निॽ सक्माःङ्ग खे़निॽ आबाङे खाप्पुथ्यःङ् के़जोःक्पा मिधुङ् मिराःक्लो॥ Gade chapit la |
यसैया 33:11
20 Referans Kwoze
हे़क्केसाङ् के़गुङ्बा के़युबा च्वाःत्तिन् सःक्पा कुइसिक् इक्सादिङ् खाम्बेःक्मोबा मे़न्छाम् सुवाङ्हाॽ मे़अःक्लो, हे़क्क्याङ् निङ्वाॽफुमाङ्ङिल्ले़ खे़ङ्हाॽ फे़ःक्तुसिरो, हे़क्केःल्ले़ खे़ङ्हाॽ माःङ्घा मे़घे़त्छिङ् मे़बेःक्लो, खे़ब्याङ् सुरित् केजङ्ङिल्ले़ कोःक्माओ फे़सु तेॽरुबा चासिप् नु खइक् खइक् के़इक्सिङ्बा साम्मिःत् केजङ्ङिल्ले़ फे़सु तेॽरुबा याःन्सुङ्हाॽ कुइसिक् खे़ङ्हाॽ पुबेलाप्सा मे़नाःत्तुसिरो॥
खे़ल्ले़चोगुल्ले़ मिःल्ले़ याॽलाङ्ङिन् हाॽरुआङ् खाप्पुथ्यःङ् चोगुबा नु के़हेबा याःन्निन् मिःल्ले़ हाॽरुआङ् खाप्पुथ्यःङ् पोङ्बा कुइसिक् खे़ङ्हाॽरे़ खुन्छिॽ साःप्पे़न् किबेःक्लो॥ खे़ब्याङ् खे़ङ्हाॽरे़ खुन्छिॽ फुङ्ङिन्नाङ् खाम्हिःक् पेबा कुइसिक् पे़बेःक्लो थेआङ्भे़ल्ले़ खे़ङ्हाॽरे़ मुक्साम्दाङ्बा यहवे दाङ्बे़ल्ले़ कुधिम्मे़न् इःप्मा नाःप्मा मे़ले़रुआङ् वाॽरो॥ हे़क्क्याङ् इस्राइलबा सेसेबा निङ्वाॽफुमाङ्ङिल्ले़ कुइङ्जाङ्ङिन् कुनामे़न्छाॽ मे़मे़त्तुआङ् वाॽरो॥
खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
Piblisite