यसैया 33:1 - लिम्बु1 मना के़से़प्पा खिनिॽ अस्सेरियाहाॽ, के़जिःत्ति के़स्ये़ॽइरो! कर खे़निॽग हाःत्ले़आङ् मे़न्छे़त्ते के़वयिॽ! चिःत्ते़स्ये़रो, खिनिॽ इङ्ले़क्स्वाबाहाॽ, खिनिॽग हाःत्ले़आङ् इङ्मे़ल्ले़क्के के़वयिरो! मनाहाॽ खे़निॽ मे़ङ्मा के़ले़रुम्सिम्मिल्ले़, खे़निॽआङ् के़म्मे़क्खिरो॥ मनाहाॽ खे़निॽ इङ्ले़क्मा के़ले़रुम्सिम्ॽ, खिनिॽआङ् इङ्ले़क्को के़ध्ये़ॽइरो॥ Gade chapit la |
यसैया 33:1
25 Referans Kwoze
इक्सादिङ् खाम्बेःक्माल्ले़ नासमा कुसुक्पोलाम् “साम्योबाल्ले़ कुमिमिदिङ् पोङ्लो” के़लॽबा साम्लोन् साम्मे़मे़त्तुबा आनिगे खे़प्सुम्बे़रो॥ कर आङ्गाॽ मे़त्तुङ्सिङ्लो, “आङ्गाॽ हेआ चप्पार पत्तारो, आङ्गाॽ हेआ चप्पार पत्तारो आङ्गाॽ कुसुम् मे़दन्नान् चिःत्ताङ्लक् स्ये़रो! इङ्गे़ले़क्सिङ्बा मनाहाॽ इङ्मे़ले़क्सिङ्लो! इङ्मे़ले़क्सिङाङ्ङे इङ्ले़क् याःम्बक् के़जोःक्पा मनाहाॽ नसान् मे़ले़ङ्सिङ् मे़बिसिङ्लो!”
किप्मा के़घुबा लत्छा सुफोधिक् आङ्गाॽ ओसेःन्मे़धाक्ताङ्लो— इङ्ले़क् के़जोःक्पे़ल्ले़ इङ्ले़क्के चोगुरो, हे़क्क्याङ् के़मे़ङ्बे़ल्ले़ मे़क्खुरो॥ एलामबा थक्सुबासे, ते़न्धङ् चोगे़म्मे़ॽओ, मादिबा थक्सुबासे, ये़क्यक्हाॽ कब्रिङ् कबाम्सिम्मे़ॽओ बेबिलोनबाहाॽरे़ मे़याःत्ल मे़याःन्दुसिबान् आङ्गाॽ नुप्सुङ् पिरुङ्सिङ्लो॥
युःन्छिक्पा ये़म्मो खे़ङ्हाॽरे़ हक्चघत् किमा यङ्मा पोङ्ल मे़जोगुरो, कर तानाम्ग खाओःप्मानुःल्ले़ तगि खे़ङ्हाॽ मे़मा मे़बेःक्लो॥ आनिॽ याङ्साकुन्धे याप्मि के़नाप्पाहाॽरे़ खुन्छिॽ लक्किन्नाङ् आम्भा हे़क्तङ्बा पोङ्लो, खे़ब्याङ् आनिॽ याप्मि के़नाप्पा के़हिप्पाहाॽरे़आङ् हाबा हे़क्तङ्बाए मे़दुमुरो॥
अदोनि-बेजेकरे़ पाःत्तु, “कुहुक्मा नु कुलाङ्मा मे़घक्तु मे़बिरुसिबा नुबोङ् हाङ्हाॽरे़ आङ्गाॽ आजा चामा चप्ते़न् सिगाङ् चाजिॽहाॽ सेःक्मा याःम्बक् मे़जोगुआङ् वये़॥ आङ्गाॽ खे़ङ्हाॽ मे़त्तुङ्सिङ्ङाङ् वयाङ्बा हे़क्केए निङ्वाॽफुमाङ्ङिल्ले़ आङ्गाॽ मे़त्ताङ्ङाङ् वाॽ॥” खे़ब्याङ् खे़ङ्हाॽरे़ खुने़ॽ यरुसले़मओ मे़भे़त्तुआङ् खुने़ॽ खे़प्मोए स्ये़रो॥
“अस्सुरबा मनाहाॽ ताभेःल्ले़ मे़ज्ये़प्तु मे़स्ये़रुसिरो, कर मनारे़ मे़याङुबा ताभेलाम्बा मेःन्लो॥ हाबा ताभेःल्ले़ खे़ङ्हाॽ मे़मे़क्लो, कर मे़न्छाम् याप्मि नासिगे़न् थक्लाओ मेःन्लो॥ खे़न् ताभेन् मे़निसुआङ् खे़ङ्हाॽ मे़घे़त्छिङ् मे़बेःक्लो, हे़क्क्याङ् खे़ङ्हाॽरे़ खुन्छिॽ थाङ्बे़न् मे़न्छ्या साहाॽ योग्बा योःग्मा मे़जोगुसिरो॥
खे़ङ्हाॽरे़ इक्ताप्हाॽलाम् इग्र ताम्भुङ्हाॽओलाम् सिङ् आःप्मा चाहा मे़जोःक्ने़न्ॽ, थेआङ्भे़ल्ले़ खे़ङ्हाॽ चाहा मे़जोःक्पा के़रे़क् सिङ्हाॽ कन् खजुम्घया फे़जुम्भे़याहाॽरे़ खुन्छिॽ योरुसिॽ॥ खुन्छिॽ के़नाप्पाहाॽ खे़ङ्हाॽरे़ याङ्ना मे़नाप्तुसिॽ, खुन्छिॽ के़घुःप्पाहाॽ खे़ङ्हाॽरे़ मे़घुःत्तुसिॽ॥” मुक्साम्दाङ्बा यहवे दाङ्बे़ल्ले़ पाःत्तुरो॥
ओमे़त्ते़म्मे़ॽ, खे़न् ये़म्मो खे़ने़ॽ तुक्खे के़जाःप्पाहाॽ के़रे़क् खुम्दिङ् पिरुङ्सिङ्लो, आङ्गाॽ कुलाङ् के़सक्पाहाॽ नाङुङ्सिङ्लो, हे़क्क्याङ् फुत्छिङ्ज्याङ् के़बोङ्बाहाॽ फुक्खुङ्सिङ्लो॥ सिरिङ्मसे़ मे़देॽरुसिबा के़रे़क् लाजेॽहाॽओ आङ्गाॽ खे़ङ्हाॽ खुन्छिॽ नाराफोमा नु मिङ्सो थाङ्सो पिरुङ्सिङ्लो॥
Piblisite