यसैया 32:7 - लिम्बु7 कुइगे़भे़म्बा मनाःल्ले़ कुयाःम्बक्किन् ताप्फे़ःम्बाए चोक्लो, थेआङ् के़होःप्पाहाॽरे़ मे़नाःक्तुबा पाःन्निन् के़वाॽबाए चोःक्साङ् याङ्गे़साॽबाहाॽ इङ्ले़क् पाःन्निल्ले़ मे़ङ्मासि फाॽआङ् खे़ल्ले़ ताप्फे़ःम्बा चे़म्भन् चोगुरो॥ Gade chapit la |
यसैया 32:7
24 Referans Kwoze
हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥”
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
कर कुहोःप्मा कुसाक्माओ के़धाबाआङ् के़वाॽबा मे़न्छाम् याप्मिहाॽरे़ लागि खुने़ॽ कुदोःप्मा खासे़न् लोःन्दु पिरुसिरो, हे़क्क्याङ् इक्सादिङ् खाम्बेःक्कोबा याङ्गे़साॽबा मनाहाॽरे़ खुन्छिॽ लागि खुने़ॽ नुरिक्काङ् खासे़न् लोःन्दु पिरुसिरो॥ हे़क्क्याङ् कुबाःन्जाक् मुक्साम्मिल्ले़ योॽबा लाजेन् यङ्लो, कुम्ब्राओबा कुसक्माःल्ले़ कुॽइगे़भे़म्बा मनाहाॽ मे़क्खुसिरो॥
कुइगे़भे़म्बाहाॽ लुङ्माॽ मे़दुक्तुसिसाङ् खे़ङ्हाॽरे़ साम्योबा याःम्बक्हाॽ चोःक्मा मे़न्हुॽसिङ्ङिल्लो॥ कुदोःप्मा मनाहाॽरे़ खुन्छिॽ लाजेॽओआङ् खे़ङ्हाॽरे़ चक्मे़न्लॽए फे़न्याःम्बक् मे़जोगुरो, हे़क्क्याङ् यहवे दाङ्बाल्ले़ कुमिमिदिङ्ङिन् खे़ङ्हाॽरे़ निनि खे़म्घे़म् मे़ल्लाप्तुन्लो॥
आत्तिन्हाॽरे़ मनाहाॽ पाःन्नो मे़धासुसिआङ् आप्तिक्साबा मे़जोगुसिरो, हे़क्क्याङ् खासे़न् लोःम्मादे़न्नो तुःन्देॽ मे़गुःत्तुसिआङ् चे़न्नो मे़धासुसिरो॥ खे़ब्याङ् कुदोःप्मा मनाहाॽ मे़न्वाॽमनाबा पान् मे़धिक्तुसिआङ् खासे़न्लोम्मा मे़ङ्घोम्नाबा मे़जोगुसिरो हे़क्तङ्बा मनाहाॽ यहवे दाङ्बे़ल्ले़ मे़क्खुसिरो॥
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
फे़न्याःम्बक् चोःक्मा लाम् के़गोःप्पाहाॽग मे़जिःत्ते़ मे़स्ये़रो, खे़ङ्हाॽ इप्नाओ मे़ने़सिङ्ङाङ् ताप्फे़ःम्बा चे़म्भन् चोःक्मा मे़इःत्तुरो! तानाम् खाओःत्नु मेःन्ने खे़ङ्हाॽरे़ खे़न् याःम्बक्किन् मे़जोगु मे़देसुरो, थेआङ्भे़ल्ले़ खे़न् याःम्बक्किन् चोःक्मा खे़ङ्हाॽरे़ मुक्साम् मे़गत्तुरो॥
Piblisite