यसैया 32:15 - लिम्बु15 कर निङ्वाॽफुमाङ्ङिल्ले़ थाःङ्लाम् आनिॽ सम्धाङ् कुयाम्साम्मिन् पाङ्घुरो॥ हे़क्क्याङ् ये़ःङ्घादे़न्निन् चा के़नुॽबा प्याङ्सि पोङ्लो खे़ब्याङ् प्याङ्सिओ यरिक् कुजा थोःक्लो॥ Gade chapit la |
यसैया 32:15
29 Referans Kwoze
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
हे़क्क्याङ् आङ्गाॽ दाउदरे़ कुहिम्सयङ् नु यरुसले़म के़युङ्बाहाॽओ लुङ्गुम् हे़क्क्याङ् पेलिगे़न् तुवा के़जोःक्पा याम्साम्मिन् पाङ्घुङ् युसुङ्ॽ॥ खे़ङ्हाॽरे़ मे़धुबुबान् ओमे़मे़त्तु, हे़क्क्याङ् लत्थिक्पा साःल्ले़ कुलागि कुभा मे़रिङ् थक्पा कुइसिक् खुने़ॽ कुलागि खे़ङ्हाॽ मे़रिङ् मे़धक्, तुम्बा साःल्ले़ कुलागि मे़रिङ् मे़धक्पा कुइसिक् खे़ङ्हाॽ साॽरिक् मे़रिङ् मे़धक्लो॥
खे़ङ्हाॽरे़ यहवे दाङ्बे़ल्ले़ कुसे़वारोबा मोसाःल्ले़ कुये़न्निन् नु कुमनाहाॽ निङ्वाॽ मे़इःत्तुसिरो, हे़क्क्याङ् अक्खेलॽरिक् मे़अःक्ते़रो, “मोसाःन्नु सोरिक् मे़ल्लुक्कम्बा कुइसिक् वरःङ्ङोलाम् इस्राइलिहाॽ के़लःप्पा के़भे़प्पे़न् आत्ति वाॽबे? खुने़ॽ कुमनाहाॽनु वाॽसे़ सेसेमाङ् के़बाङ्बे़न् आत्ति वाॽबे?
“हे़क्क्याङ् खे़निॽनु आङ्गाॽ आमाङ्हुप्पिन् आम्भा कन् पोङ्ॽ॥ आङ्गाॽ आयाम्साम्मिन् खे़निॽ सम्धाङ् वाॽ, हे़क्क्याङ् आङ्गाॽ आबाःन्जाःक्किन् खे़निॽ मुराओ केःत्तुङ् पिनिङ्ङाङ् वाॽ, खे़न् आबाःन्जाःक्किन् खे़ने़ॽ के़म्ब्राओलाम्, खे़ने़ॽ के़स्सा के़एहाॽरे़ खुनिॽ मुराओलाम्, हे़क्क्याङ् खे़ङ्हाॽरे़ खुन्छिॽ साहाॽरे़ मुराओलाम् आल्लआङ्धो सदादिङ्ले़ लागि आभे़ल्ले़आङ् मे़माने़ल्लो॥”
आङ्गाॽ आयाम्साम्मिन् खिनिॽओ केःत्तुङ्ॽ, हे़क्क्याङ् खिनिॽ कुहिङ्वे़त् के़बोःक्खिआङ् खिनिॽ आप्फेक् लाजेॽबा हिम्मो के़नुःक्खिॽ॥ खे़ब्याङ् आङ्गाॽ यहवे दाङ्बान् पाराङ्ङाङ् वाॽआ फाॽआङ् खिनिॽ निङ्वाॽ के़घोसुम्ॽ, खम्भ्याङ् आङ्गाॽ पाःत्तुङ्बान् चोगुङ्ङाङ् वाॽ॥ ओरो, यहवे दाङ्बे़न् पारे़आङ् वाॽरो!’”
Piblisite