खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
यसैया 31:3 - लिम्बु3 कर मिस्रिहाॽग मनासिरक् निङ्वाॽफुमाङ्सि मेःन्लो, खे़ङ्हाॽरे़ खुन्छिॽ अन्हाॽ नासिगे़न् थक्लासि, याम्साम्सि मेःन्लो, निङ्वाॽफुमाङ्ङिल्ले़ कुहुक्किन् सन्छुल्ले़ खे़ङ्हाॽ कुभाॽ के़बिबे़न् के़ङ्लो, हे़क्क्याङ् मे़भाॽरुबान्नाङ् हर्जुॽ चोःन्लो खे़ब्याङ् ने़प्माङ् थिक्ले़ङ्ले़ मे़क्सिरो॥ Gade chapit la |
यसैया 31:3
25 Referans Kwoze
ओमे़त्ते़ॽ, आल्लो खे़ने़ॽ मिस्रओ के़घे़ःम्सिङ्ल के़वाॽ, खे़ङ्ग लत्छा के़ए़क्पा मिक्ला तक्कात् हे़क्तङ्बा चोक्, कुभा मनाहाॽ खे़प्मो मे़दक्सिङ्ने़भग्र खे़ल्ले़ मनाहाॽरे़ खुन्छिॽ हुक्हाॽ लक्तुआङ् मे़गाःन्॥ मिस्र लाजेॽबा फारो हाङ्ङो के़घे़ःम्सिङ्बाहाॽआङ् के़रे़क् हे़क्तङ्बाए मे़बोङ्॥
खे़न् ये़न्नो वरःङ्ङिल्ले़ कुयाओ के़युङ्बा मनाहाॽरे़ मे़बाःत्तुॽ, ‘ओमे़त्ते़म्मे़ॽ, अस्सुरबा हाङ्ङिल्ले़ कुहुक्कोलाम् से़ःप्सिङ्मारे़ लागि आनिॽ नाआसाॽरुम्सिम्बा नु आम्भाॽर फाॽआङ् आघे़त्तासिआङ् आवये़बा मनाहाॽए अक्तङ्बा मे़बोःक्खे़आङ् मे़वाॽ॥ हे़क्केःल्ले़ आनिॽ आक्खेलॽरिक् खे़त्छिङ्मा नु से़ःप्सिङ्मा आसुक्तुम्बाबे?’”
“नासिगे़न् थक्ला के़गप्पा मे़न्छाम् याप्मिए, मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् तुरोसबा हाङ्ङिन् मे़त्ते़ॽओ— “खे़ने़ॽ साॽरिक् यम्बा के़हे़न्छिङ्मो, के़निङ्वाॽओ अक्खे के़बाःत्तुरो, ‘आङ्गाॽग लत्छा माङ्आरो! आङ्गाॽ वरःङ्ङिल्ले़ कुलुम्मो माङ् हाङ्युक्नाओ युङ्ङारो॥’ कर खे़ने़ॽग मे़न्छाम् याप्मिने़रक्लो, हे़क्क्याङ् लत्छा माङ्ने़ मेःन्लो॥ हे़क्केसाङ् माङ्आ लॽरिक् यम्बा के़हे़न्छिङ्लो॥
हे़क्केलॽरिक्के अस्सुर लाजेॽबा हाङ्ङिल्ले़ मिस्र लाजेॽबा मनाहाॽ नाधामा साम्धामो मे़धार फाॽआङ् मिस्र लाजेॽओबा पुङ्लाधाबाहाॽ हे़क्क्याङ् कुस लाजेॽलाम् मे़लःत्तु मे़देसुसिबा नालिगे़न् थाङ्बे़न्हाॽ नु काप्पो तुम्साहाॽ के़रे़क् खुन्छिॽ मिगक्माहाॽ निधाःप्ल ले़क्चाॽबे़धिःक् नु लाङ्सुःप् मेःन्ने पुङ्लाधाबा चोगुङ्सिङ्ङाङ् तेॽरुसि॥
Piblisite