यसैया 30:9 - लिम्बु9 कन्हाॽग पिफ्युङ्बा नु इङ्ले़क् के़बाःप्पा मनासिरो, इग्र यहवे दाङ्बे़ल्ले़ कुनिसाम् मे़ङ्घे़म्मनाबा याप्मिसिरो॥ Gade chapit la |
यसैया 30:9
36 Referans Kwoze
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
नाॽराङ्स्याङ्, लायोबा सुवाङ्, आप्तिक्साबा मनाहाॽ, ताप्फे़ःम्बा याःम्बक् के़जोःक्पाहाॽरे़ खुन्छिॽ साहाॽ, हे़क्क्याङ् स्वाःत्ताङ् सुरुत्याङ् के़जाबाहाॽरे़ खुन्छिॽ थिन्दाङ् सायोबोराहाॽ! खे़ङ्हाॽरे़ यहवे दाङ्बे़न् मे़नाॽरुआङ् वाॽरो, खे़ङ्हाॽरे़ इस्राइलबा सेसेबे़न् कुनामे़न्छाॽ मे़मे़त्तुरो हे़क्क्याङ् एःक्मे़मे़त्तुआङ् मे़वाॽरो॥
यहवे दाङ्बे़ल्ले़ अक्खे पाःत्तुरो, “तोङ् के़आप्पा मनाहाॽरे़ तोःङ्ङिन् लिओ मे़भत्छुरो हे़क्केलॽरिक्के खे़ङ्हाॽरे़ इङ्ले़क् पाःप्मारे़ लागि खुन्छिॽ ले़स्सोःप्पान् मे़लाःक्खुरो॥ से़क्खाबा पाःन्निल्ले़ मेःन् कर कुजाःत्थि के़बेःक्पाहाॽ हाङ् मे़जोक्लो॥ आङ्गाॽ आमनाहाॽरे़ चक्मे़ल्लॽए ताप्फे़ःम्बा मे़जोगुर मे़वाॽरो॥ आङ्गाॽ खुन्छिॽ निङ्वाॽफुमाङ्आ पाःप्मा खे़ङ्हाॽ मे़न्दे़न्ने़न्लो॥
खे़निॽ अक्खे के़बाःत्तुम्माङ् आङ्दिङ् के़लॽरिरो, “सिमे़न्नु आनिगे माङ्हे़क् चोगुम्बे़आङ् वयिगे़रो, खे़ब्याङ् खे़मा यङ्सङ्ङिन्नु माङ्हे़क् चोगुम्बे़आङ् वयिगे़रो॥ साॽरिक् यम्बा तुक्खेलाक्खे नु सिमे़न् आनिगे सम्धाङ् तासाङ् खे़न् तुक्खे लाक्खेःल्ले़ आनिगे मे़सुसिगे़न्लो॥ थेआङ्भे़ल्ले़ आनिगे इङ्ले़क्के से़ःप्सिङ्मादे़न्निन् इःम्सिङ्मादे़न् चोगुम्बे़आङ् वयिगे़रो हे़क्क्याङ् से़क्खा मेःम्बे़न् आनिगे चिङ्सिङ्मादे़न् चोगुम्बे़आङ् वयिगे़रो॥”
खे़ल्ले़चोगुल्ले़ मिःल्ले़ याॽलाङ्ङिन् हाॽरुआङ् खाप्पुथ्यःङ् चोगुबा नु के़हेबा याःन्निन् मिःल्ले़ हाॽरुआङ् खाप्पुथ्यःङ् पोङ्बा कुइसिक् खे़ङ्हाॽरे़ खुन्छिॽ साःप्पे़न् किबेःक्लो॥ खे़ब्याङ् खे़ङ्हाॽरे़ खुन्छिॽ फुङ्ङिन्नाङ् खाम्हिःक् पेबा कुइसिक् पे़बेःक्लो थेआङ्भे़ल्ले़ खे़ङ्हाॽरे़ मुक्साम्दाङ्बा यहवे दाङ्बे़ल्ले़ कुधिम्मे़न् इःप्मा नाःप्मा मे़ले़रुआङ् वाॽरो॥ हे़क्क्याङ् इस्राइलबा सेसेबा निङ्वाॽफुमाङ्ङिल्ले़ कुइङ्जाङ्ङिन् कुनामे़न्छाॽ मे़मे़त्तुआङ् वाॽरो॥
इक्सादिङ् खाम्बेःक्मो के़युङ्बा मनाहाॽरे़ खुन्छिॽ लायोल्ले़ चोगुल्ले़ कन् इक्सादिङ् खाम्बेःक्मान् चिःन्जिःन् के़घुबा पोःक्खे़आङ् ने़रो॥ थेआङ्भे़ल्ले़ खे़ङ्हाॽरे़ निङ्वाॽफुमाङ्ङिल्ले़ कुइङ्जाङ्ङिन् मे़भेःन्दुआङ् वाॽरो, कुभाङ्हाॽ मे़भेःन्दुआङ् वाॽरो हे़क्क्याङ् सदादिङ्बा माङ्हुप्पिन् इःप्मा नाःप्मा मे़ले़रुआङ् वाॽरो॥
रेकाबिहाॽरे़ आइन् थारिक्साङ् चे़ल्ले़क्सेॽ सेजःङ्वा मे़न्धुङुन् थेआङ्भे़ल्ले़ खे़ङ्हाॽरे़ खुन्छिॽ थाःक्थे़बा योनादाबरे़ चे़ल्ले़क्सेॽ सेजःङ्वा मे़धुङे़म्मिन्ने़ॽ मे़त्तुसिआङ् वाॽ॥ कर आङ्गाॽग खिनिॽनुए ये़त्ले़ङ् ये़त्ले़ङ् पाःत्तार वाॽआ हे़क्केसाङ् खिनिॽ आङ्गाॽ आइङ्जाङ्ङिन् इःप्मा नाःप्मा मे़न्दे़न्ने के़वयि॥
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
खे़ने़ॽ कन् सुवाङ्बा मनाहाॽ मे़त्ते़से़ॽ, ‘खिनिॽ यहवे दाङ्बा निङ्वाॽफुमाङ्ङिल्ले़ कुइङ्जाङ्ङिन् इःप्मा नाःप्मा के़न्दे़न्दिन् इग्र खिनिॽ के़दुमुम्बा खुम्दिङ्लाम् कुभा निसाम् के़ङ्घोसुम्मिन्॥ से़क्खा पाःन्निङ्ग मे़गे़, खे़ल्ले़ कुयाःम्बेओ आत्तिन्हाॽरे़आङ् कुबाःन्धिक्काङ् मे़न्दारुन्॥’”
Piblisite