यसैया 30:22 - लिम्बु22 खे़ब्याङ् के़लक्तुम्माङ् युप्पाःल्ले़ के़सुःप्तुम्बा खे़निॽ माङ्हाॽ नु खे़निॽ साम्म्याङ् नावाइत्लाहाॽ आसुत्थो के़जोगुम्सिम्॥ खे़ङ्हाॽ खे़निॽ सिम् वाहप्मा आसुत्थो चिरिक् कुसिङ् लाप्के़देसुम्, हे़क्क्याङ् खे़ङ्हाॽ खे़निॽ अक्खे के़मे़त्तुम्सिम्, “नानाक् पेगे़म्मे़ॽ!” Gade chapit la |
यसैया 30:22
24 Referans Kwoze
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
“पेलि फाक्मारे़ लागि सियोनरे़ कुहुक्किन् सल्लिक् सन्छुरो, कर खे़न् आःन्छिङ्मा के़बिबा आत्तिन्नाङ् होप्लो॥ यहवे दाङ्बे़ल्ले़ याकुबरे़ कुदक्ले़ङ्वाओ कुहिम्बेसाङ्बाहाॽ कुनिङ्मि मे़बोङ्ल फाॽआङ् इङ्जाङ् पिरुसिआङ् वाॽरो॥ खे़ङ्हाॽरे़ खुन्छिॽ लुम्मो यरुसले़ःम्मिन् लत्छा आसुत्थो पान् पोःक्खे़आङ् ने़रो॥
आम्भा कल्ले़ए इस्राइलबा मनाहाॽरे़ खुन्छिॽ लायोन् ले़प्मि चोगुरो, हे़क्क्याङ् खे़ल्ले़ कुलायोन् माःङ्घा पोङ्बा मिक्सेःन्निङ्ग खे़ल्ले़ ले़त्ति तोःम्मा ते़न्हाॽओबा के़रे़क् लुङ्हाॽ खरि-लुङ् कुइसिक् फयःप्फयःप् यःप्सुदेसुरो, खे़ब्याङ् असेरा माङ्ङिल्ले़ कुसित्लाङ्हाॽ नु साङ्सिङ् सुक्पा हाःम्मा ते़रे़ःङ्हाॽ लत्छाआङ् तक्पे़त् मे़युक्खुल्लो॥
कन् सोसोःत्लराङ्ङिन् चुरे़ल्ले़ खे़प्मो के़जुम्बा काक् इस्राइलिहाॽ यहुदाबा ये़क्यक्हाॽओ मे़बेआङ् खे़ङ्हाॽ के़रे़क् युम्रे़क् मे़म्मे़ङ्ङे थारिक् खे़ङ्हाॽरे़ सेसे लुङ्हाॽ कुम्जिक्मा मे़यःप्सु हे़क्क्याङ् असेरा माङ् नावाइत्लाहाॽ मे़लुःन्दु मे़देसु॥ के़रे़क् यहुदा नु बेन्यामिन हे़क्क्याङ् एफ्राइम नु मनस्सेबा केःम्ब केःम्बा माङ्धाःन्हाॽ नु ले़त्ति तोःम्मादे़न्हाॽ मे़यन्छु मे़देसु॥ खे़म्म्याक् मे़जोगु मे़सुरुआङ् इस्राइलिहाॽ के़रे़क् खुन्छिॽ आप्फेक् ये़क्यक्हाॽओ नु पालाम्बाबा लाजेॽओ मे़नुःक्खे़ मे़बेरो॥
“खे़ङ्हाॽरे़ खुन्छिॽ याङ्हाॽ माराम्हाॽओ लाप्मे़देसुरो, कुसुम् मे़न्दम्मनाबा ताम्जिॽ कुइसिक् लाप्मे़भुसुरो॥ आङ्गाॽ यहवे दाङ्बे़ल्ले़ कुसिक् पोःक्पा ये़न्नो खे़ङ्हाॽ खुन्छिॽ साम्म्याङ् युप्पाःल्ले़ मे़से़ःप्तुसिन्लो॥ कल्ले़ खुन्छिॽ सिक्काङ् मे़एःप्तुन्लो खे़ङ्हाॽ चामा कुजाआङ् मे़बिरुसिन्लो, थेआङ्भे़ल्ले़ खुन्छिॽ खिःम्यक् चोःक्माल्ले़ खे़ङ्हाॽ लायो चोःक्मारक् पाङ्घुसिरो॥
खे़ङ्हाॽरे़ खुन्छिॽ माङ्हाॽरे़न् नावाइत्लाहाॽ मिओ खिनिॽ मिधिक्खे़म्देसे़म्सिम्मे़ॽ॥ नावाइत्लाओ के़याक्पा साम्म्याङ् युप्पाहाॽ मिक् मे़गेःत्ते़म्मिन्ने़ॽ हे़क्क्याङ् आप्फेक् लागि मे़मे़त्तासिम्मिन्ने़ॽ, थेआङ्भे़ल्ले़ आम्भा खे़न्ने खिनिॽ इओ थामा इजो पोङ्ॽ॥ थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिल्ले़ कुलागि कन् कुसिक्के़ले़ःङ्बा चोक्॥
खे़ङ्हाॽ खुन्छिॽ नुबा वाःत्ति सामाहाॽओ आङ्दिङ् मे़लॽरे़आङ् मे़वाॽरो हे़क्क्याङ् कन् याम्गे़सिङ्बा नावाइत्लाहाॽ नु ताप्फे़ःम्बा चइःत्हाॽ चोःक्मारे़ लागि ओगप् मे़जोगुरो॥ खे़ल्ले़चोगुल्ले़, खे़ङ्हाॽरे़ खुन्छिॽ याङ्साकुन्धेहाॽ आङ्गाॽ खुन्छिॽ लागि याम्गे़सिङ्बा चोगुङ् पिरुङ्सिङ्लो॥
Piblisite