ओमे़त्ते़ॽ, आल्लो खे़ने़ॽ मिस्रओ के़घे़ःम्सिङ्ल के़वाॽ, खे़ङ्ग लत्छा के़ए़क्पा मिक्ला तक्कात् हे़क्तङ्बा चोक्, कुभा मनाहाॽ खे़प्मो मे़दक्सिङ्ने़भग्र खे़ल्ले़ मनाहाॽरे़ खुन्छिॽ हुक्हाॽ लक्तुआङ् मे़गाःन्॥ मिस्र लाजेॽबा फारो हाङ्ङो के़घे़ःम्सिङ्बाहाॽआङ् के़रे़क् हे़क्तङ्बाए मे़बोङ्॥
यसैया 30:2 - लिम्बु2 आङ्गाॽ सेःन्मे़न्दोए खे़ङ्हाॽ मिस्र लाजेॽ मे़बेःक्लो, फारो हाङ्ङिल्ले़ नाङिगे़र फाॽआङ् खे़ॽयो मे़लोःक्लो, मिस्र लाजेॽओ से़ःप्सिङ्से़ मे़धासिङ्लो॥ Gade chapit la |
यसैया 30:2
26 Referans Kwoze
थेआङ्भे़ल्ले़ यहवे दाङ्बा आनिॽ निङ्वाॽफुमाङ्ङिन् पेलि फाक्ते़ आबिरे़ॽ फाॽआङ् आङ्गाॽ याप्मि के़बाङ्घिल्ले़ खिनिॽ नसाःन्साबा कुदोःप्मा के़म्बोःक्खिन्॥ खिनिॽ अक्खे के़बाःत्तुम्, ‘यहवे दाङ्बा आनिॽ निङ्वाॽफुमाङ्ङिल्ले़ थे़मा पाःत्तुॽ आमे़त्ते़बा, हे़क्क्याङ् आनिगे खे़न् चोगुम्बे़रो!’
“आनिगे लागि यहवे दाङ्बान् से़ःन्लाप्ते़ आबिरे़ॽ थेआङ्भे़ल्ले़ बेबिलोनबा हाङ् नबुकदनेसरे़न् नु खे़ल्ले़ कुधक्सुबाहाॽ आनिगे ये़क्यक्किन् हुक्काप् चोःक्मा फाॽआङ् मे़दार मे़बत्॥ से़क्खाःल्ले़ के़बेःक्पा ये़म्मो यहवे दाङ्बे़ल्ले़ आनिॽ लागि निङ्वाॽ के़माबा याःम्बक् चोगुबा हे़क्के आल्लआङ् चोगुआङ् नबुकदनेसरे़न् नुःक्तुदेसुबि॥”
खे़ङ्हाॽरे़ यहुदाबा मनाहाॽ मे़मे़त्तुसिरो, “आनिगे थे चोगुम्बे़बाबे? आनिगे याप्मि आमे़त्ते़ॽओ॥ ले़न्दिक् नाम्से़ःक्किल्ले़ सिङ्बुङ्ङिल्ले़ कुसिगाङ् सुसु के़लॽबा नाम्जिःक्खोॽ कुइसिक् आनिगे आइःप्ते़ॽओ॥ हे़क्केलॽरिक् खे़निॽ के़इःप्तुम्बा नाम्इःक्खङ्ङो आनिगे इःम्सिङ्मा खोसुम्बे़ररो॥ आनिगे वे़प्मिबासिगे़, हाःत्ले़आङ् मे़घोसिगे़न्बादे़न्नो आजिक्खे़ॽओ॥
कर अस्सुरबा हाङ् सलमनेसेररे़ होसियाःल्ले़ इङ्ले़क्तुबा निसु, थेआङ्भे़ल्ले़ खुने़ॽ मिस्र लाजेॽबा सो हाङ्ङे़ओ हाङ्लाइङ्बाहाॽ पाङ्घुसिआङ् वये़ हे़क्क्याङ् तङ्बे थक्मा हुङ्मा के़बोङ्बा एःङ् याङ्ङिन् हुङ्मा नाॽरे़आङ् वये़॥ कल्ले़चोगुल्ले़ सलमनेसेररे़ खुने़ॽ ते़म्सुआङ् पुङ्लाहिम्मो साक्तुरो॥
तिङ्ग्रेक् पुङ्ङिल्ले़ सिङ्बुङ्हाॽ मे़त्तुसिरो, ‘से़क्खाए खिनिॽ आङ्गाॽ हाङ् पोङ्मारे़ लागि माङ्थोःक्ना पिमा निङ्वाॽ के़जोगुम्ने़भग्र आङ्गाॽ आसिगाङ् इःप्तुङ्बादे़न्नो इःम्सिङ्से़ त्ये़म्मे़ॽओ॥ मेःन्ने़भग्र, तिङ्हाॽओलाम् मि लःन्लरो हे़क्क्याङ् ले़बनानबा साम्माङ्सिङ्हाॽ खाप्पुथ्यःङ् चोगुररो॥’
यहवे दाङ्बे़ल्ले़ खिनिॽ मिस्र लाजेॽओ याङ्ना मे़नुःक्निङ्ङिन् पाःत्तुआङ् वये़साङ् वालाधाहाॽलाम् खुने़ॽ खे़प्मो याम्मो याङ्ना के़बाङ्घिॽ॥ खे़प्मो निङ्मिहाॽरे़ खुन्छिॽ हुक्को योग्बा योःग्मा पोङ्मारे़ लागि खिनिॽ आप्फेक् सङ्मासिङ् तम्सिङ् के़जोगुम्ॽ, कर हाःत्ले़आङ् खिनिॽ के़न्इङिन्लो॥
आल्ल ओमे़त्ते़ॽ, खे़ने़ॽ मिस्रओ के़घे़ःम्सिङ्ल के़वाॽ॥ खे़ङ्ग लत्छा के़ए़क्पा मिक्ला तक्कात् हे़क्तङ्बा चोक्, कुभा मनाहाॽ खे़प्मो मे़दक्सिङ्ने़भग्र खे़ल्ले़ मनाहाॽरे़ खुन्छिॽ हुक्हाॽ लक्तुआङ् मे़गान्॥ खे़प्मो के़घे़ःम्सिङ्बा के़रे़क्ले़ खुन्छिॽ लागि मिस्र लाजेॽबा फारो हाङ्ङिन् हाबा हे़क्तङ्बाए चोक्॥
“खे़ङ्हाॽग मे़जिःत्ते़ मे़स्ये़रो, थेआङ्भे़ल्ले़ खे़ङ्हाॽ आङ्गाॽलाम् माःङ्घा मे़घे़त्छिङ् मे़बेआङ् मे़वाॽरो! खे़ङ्हाॽ खाप्पुथ्यःङ् मे़बोङ्लरो, थेआङ्भे़ल्ले़ आङ्गाॽ आदक्ले़ङ्वाओ खे़ङ्हाॽ पिफ्युङ्बा मे़बोःक्खे़आङ् मे़वाॽरो॥ कुमे़ल्लुङ् हुङ्माआङ् खे़ङ्हाॽ थे़ॽमासि आनिङ्वाॽ वाॽरो, कर खे़ङ्हाॽरे़ आङ्गाॽ आदक्ले़ङ्वाओ इङ्ले़क् मे़बाःत्तुरो॥
Piblisite